This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
[129]
Sed quod coeperam: quid habemus in rebus bonis et malis explorati?1 nempe fines constituendi sunt ad quos et
bonorum et malorum summa referatur. qua de re
est igitur inter summos viros maior dissensio? Et
omitto illa quae relicta iam videntur, Erillum qui in
cognitione et scientia summum bonum ponit; qui cum
[p. 93]
Zenonis auditor esset vides quantum ab eo dissenserit
et quam non multum a Platone. Megaricorum fuit
nobilis disciplina, cuius ut scriptum video princeps
Xenophanes quem modo nominavi, deinde2 eum secuti
Parmenides et Zeno (** itaque ab is Eleatici34 philosophy
nominabantur5), post Euclides Socratis discipulus Megareus, a quo idem illi Megarici dicti, qui id bonum solum esse dicebant quod esset unum et simile
et idem semper;6 hi quoque multa a Platone. a Menedemo autem, quod is Eretria fuit, Eretriaci appellate,
quorum omne bonum in mente positum et mentis7 acie
qua verum cerneretur, Erilli8 similia, sed opinor explicata uberius et ornatius.
1 explorati A3N exploti A1B
2 cf. p. 88, 26
3 Eleatae ambo Pl.
4 Eleatici Vict. var. lect. 10, 17 eretriaci AB
5 nominabantur A2NB -nantur A1
6 cf. lact. inst. 3, 12, 9 Euclides qui fuit Megaricorum conditor disciplinae — — id esse dixit summum bonum quod simile sit et idem semper
7 et mentis F2 ementis A2NBA1
8 Herilli Mdv. ulli AB
Academicorum reliquiae cum Lucullo. M. Tullius Cicero. O. Plasberg. Leipzig. Teubner. 1922.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.