This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
[126]
Non ergo id agitur ut aliquid
adsensu meo comprobem, sed
1 ut eadem quae tu
[p. 91]
vide ne inpudenter etiam postules non solum adroganter, praesertim cum ista tua mihi ne probabilia
quidem videantur. nec enim divinationem quam probatis ullam esse arbitror, fatumque illud esse2 quo
omnia contineri dicitis contemno; ne exaedificatum
quidem hunc mundum divino consilio existimo. Atque3
haud scio an ita sit; 41. sed cur rapior in invidiam?
licetne per vos nescire quod nescio, an Stoicis ipsis
inter se disceptare, cum is non4 licebit? Zenoni et
reliquis fere Stoicis aether videtur summus deus, mente
praeditus qua omnia regantur; Cleanthes, qui quasi
maiorum est gentium Stoicus, Zenonis auditor, solem
dominari et rerum potiri putat: ita cogimur dissensione sapientium dominum nostrum ignorare, quippe
qui nesciamus soli an aetheri serviamus. Solis autem
magnitudinem (ipse enim hic radiatus me intueri videtur admonens ut crebro faciam mentionem sui) —
vos ergo huius magnitudinem quasi decempeda permensi refertis; ego me, quasi malis architectis,5 mensurae vestrae nego credere:6 dubium est uter nostrum
sit, leviter ut dicam, verecundior?7
1 add. Pl. sed tu, quod Kay. quae tu, vide Mdv.
2 esse del. Chr.
3 deum dicitis corporeum; atque vel aliquid simile Reitz.
4 nobis non Reid
5 mali architecti Dav. in malis architectis Pl.
6 decempeda hinc (hic A hinc ēnī sic N) me q. m. a. m. u. n. hoc (hoc om. A1) permensi r. (fertis Ap) ergo credere ANB. constituit haec sicut supra scripta sunt Ha. ducibus man. Mdv. Herm.
7 inverecundior CMorgenstern de litt. humanioribus (1800) 53 n.
Academicorum reliquiae cum Lucullo. M. Tullius Cicero. O. Plasberg. Leipzig. Teubner. 1922.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.