Marcus
Expromam equidem ut potero, et
quoniam et locus et sermo haudquaquam familiaris
est, “legum leges” uoce proponam.
Marcus
Sunt certa legum uerba, Quinte, neque
ita prisca ut in ueteribus XII sacratisque legibus, et
tamen, quo plus auctoritatis habeant, paulo antiquiora
quam hic sermo est. Eum morem igitur cum breuitate, si potuero, consequar. Leges autem a me edentur
non perfectae—nam esset infinitum—, sed ipsae
summae rerum atque sententiae.
8.
Quintus
Ita uero necesse est. Quare audiamus.