Click on a word to bring up parses, dictionary entries, and frequency statistics
[50]
Quid uero de modestia, quid de temperantia, quid de continentia, quid de uerecundia,
pudore pudicitiaque dicemus? Infamiaene metu non
esse petulantes, an legum et iudiciorum? Innocentes
ergo et uerecundi sunt, ut bene audiant, et, ut rumorem
bonum colligant, erubescent impudica loqui. At me
istorum philosophorum pudet, qui uitii iudicium
uitare uolunt, nec se uitio ipso notatos putant.