Click on a word to bring up parses, dictionary entries, and frequency statistics
[16]
Quare
nec ephori Lacedaemone sine causa a Theopompo
oppositi regibus, nec apud nos consulibus tribuni.
Nam illud quidem ipsum, quod in iure positum est,
habet consul, ut ei reliqui magistratus omnes pareant,
excepto tribuno, qui post exstitit, ne id quod fuerat,
esset. Hoc enim primum minuit consulare ius, quod
exstitit ipse qui eo non teneretur, deinde quod attulit
auxilium reliquis non modo magistratibus, sed etiam
priuatis consuli non parentibus.