This text is part of:
Click on a word to bring up parses, dictionary entries, and frequency statistics
[13]
sed videamus ne haec oratio sit hominum adsentantium nostrae
inbecillitati et indulgentium mollitudini; nos autem
audeamus non solum ramos amputare miseriarum, sed
omnis radicum fibras1 evellere. tamen aliquid relinquetur fortasse; ita sunt altae2 stirpes stultitiae; sed relinquetur id solum quod erit necessarium. Illud quidem
sic habeto, nisi sanatus animus sit, quod sine philosophia fieri non potest, finem miseriarum nullum fore.3
quam ob rem, quoniam coepimus, tradamus nos ei curandos: sanabimur, si volemus. et progrediar quidem
longius: non enim de aegritudine solum, quamquam id
quidem4 primum, sed de omni animi, ut ego posui, perturbatione, morbo, ut Graeci volunt, explicabo. et
primo, si placet, Stoicorum more agamus, qui breviter
astringere solent argumenta; deinde nostro instituto
vagabimur. [p. 324]
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.