Click on a word to bring up parses, dictionary entries, and frequency statistics
Ὅτι δεῖ τὸν στρατηγὸν πρὸ τοῦ πολέμου
συλλογίζεσθαι, τίς ὀφειλεῖ ὑπαντῆσαι κατὰ
τὴν συμβολὴν τῷ δεῖνι καὶ τίς τῷ ἄλλῳ καὶ
οὕτως καθεξῆς ἐξετάζειν τοὺς ἰδίους ἄρχοντας
πρὸς τοὺς τῶν ἐναντίων
Εἶτά που τότε συλλογισάμενον, τίνας τίσιν
ἀντιτάττειν χρὴ καὶ τίνα τρόπον, ὥσπερ ἀγαθὸν
ἰατρὸν προκατανοήσαντα νόσον σώματος ἀντεπάγειν
τὰ ἀλεξήματα καὶ τὴν δύναμιν ἐκτάττειν,
ὡς ἂν ἄριστ̓ αὐτῷ δόξαι συμφέρειν: ἀναγκάζονται
γὰρ οἱ στρατηγοὶ πολλάκις καὶ πρὸς τοὺς
ὁπλισμοὺς τῶν ἐναντίων καὶ πρὸς τὰ ἔθνη καὶ
πρὸς τὰ ἤθη τὰ ἴδια στρατεύματα κοσμεῖν καὶ παρατάττειν.