κατὰ δὲ τὸν Κυρηναῖον ποιητὴν
ὁμοιότατος ἄνθρωπος οἴνῳ τὴν φύσιν
τρόπον τιν᾽ ἐστί. τὸν γὰρ οἶνον τὸν νέον
πολλὴ ' στ᾽ ἀνάγκη καὶ τὸν ἄνδρ᾽ ἀποζέσαι
πρώτιστον ἀφυβρίσαι τ᾽, ἀπανθήσαντα δὲ
σκληρὸν γενέσθαι, παρακμάσαντα δ᾽ ὧν λέγω
τούτων ἁπάντων, ἀπαρυθέντα τὴν ἄνω
ταύτην ἄνοιαν ἐπιπολάζουσαν, τότε
πότιμον γενέσθαι καὶ καταστῆναι πάλιν
ἡδὺν θ᾽ ἅπασι τοὐπίλοιπον διατελεῖν.