C. Valerius Flaccus, Argonautica, C. Valeri Flacci Argonauticon Liber Tertius., line 565

Home Collections/Texts Perseus Catalog Research Grants Open Source About Help

Hide browse bar Your current position in the text is marked in blue. Click anywhere in the line to jump to another position:

This text is part of:

Search the Perseus Catalog for:

View text chunked by:

book : line

565Iam pater umbrosis Tirynthius arcibus ornum ¹
depulerat magnoque iugi stridore ² revulsam
terga super fulvi porrexerat horrida monstri
litora curva petens; alio nam calle reversum
credit Hylan captaque dapes auxisse ³ ferina.
570sed neque apud socios structasque in litore mensas
unanimum videt aeger Hylan nec longius acrem
intendens aciem. varios hinc excitat aestus
nube mali percussus ⁴ amor, quibus haeserit oris,
[p. 75] quis tales impune moras casusve laborve
575attulerit. densam interea ⁵ descendere noctem
... iam maiore metu; turn vero et pallor et amens
cum piceo sudore rigor. ceu pectora nautis
congelat hiberni vultus Iovis agricolisve,
cum coit umbra minax, comitis sic adficit error
580Alciden saevaeque monet meminisse novercae.
continuo, volucri ceu pectora tactus asilo
emicuit Calabris taurus per confraga saeptis
obvia quaeque ruens, tali se concitat ardens
in iuga senta fuga. pavet omnis conscia late
585silva, pavent montes, luctu succensus acerbo
quid struat Alcides tantaque quid ⁶ apparet ira.
ille, velut refugi quem contigit ⁷ improba Mauri
lancea sanguineus vasto leo murmure fertur
frangit et absentem vacuis sub dentibus hostem,
590sic furiis accensa gerens Tirynthius ora
fertur et intento decurrit montibus arcu.
heu miserae quibus ille feris,⁸ quibus incidit usquam
immeritis per lustra viris. volat ordine nullo
cuncta petens: nunc ad ripas deiectaque saxis
595flumina, nunc notas nemorum procurrit ⁹ ad umbras.
rursus Hylan et rursus Hylan per longa reclamat
avia: responsant silvae et vaga certat imago.

At sociis immota fides austrisque secundis
certa: morae est ¹⁰ nec parvus Hylas (quamquam omnibus aeque
600grata rudimenta), Herculeo sub nomine pendent.
illum omnes lacrimis maestisque reposcere votis
incertique metu nunc longas litore voces
spargere nunc seris ostendere noctibus ignes.
[p. 76] ipse vel excelsi cum densa silentia montis
605strata vel oblatis ductor videt aequora ventis,
stat lacrimans magnoque viri cunctatur amore.¹¹
illius incessus habilemque ad terga pharetram,
illum inter proceres maestaeque silentia mensae
quaerit inops quondam ingenti comprensa trahentem ¹²
610vina manu et durae ¹³ referentem monstra novercae.

1 ornum Lemaire, ornos V

2 stridore S, M1 ut vid., strodere V, de trude C

3 hausisse C

4 percussus SM2, percussas V

5 lacunam statuit Sudhaus eius fere sententiae: Et vid et obscuras concrescere vallibus umbras

6 quid (apparet) M, qd
needschecking (i. e. quod) V

7 cotigit V

8 feris Schmitz, ferae V

9 procurrit V, procumbit QC, percumbit M

10 morae est Madvig, moraes V | aeq' (i. e. aeque) V

11 amore XM2, amori V

12 comprensa (compressa C) trahentem X2MC, conpensatra lete V

13 durae O2M2C, dura V

C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.

The Annenberg CPB/Project provided support for entering this text.

This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

Greek Display:
Arabic Display:
View by Default:
Browse Bar:

C. Valerius Flaccus, Argonautica
Otto Kramer, Ed.

This text is part of:

Search the Perseus Catalog for:

View text chunked by:

Table of Contents:

C. Valerius Flaccus, Argonautica Otto Kramer, Ed.

This text is part of:

Search the Perseus Catalog for:

View text chunked by:

Table of Contents:

C. Valerius Flaccus, Argonautica
Otto Kramer, Ed.