At1 magis interea diverso turbida motu
urbs agitur. Genyso coniunx amoverat arma;
115ast illi subitus ventis vivoque reluxit
torre2 focus; telis gaudes, miserande, repertis.
linquit et undantes mensas infectaque pernox
sacra Medon; chlamys imbelli circumvenit ostro
torta manum, strictoque vias praefulgurat ense.
120talis in arma ruit, nec vina dapesque remota,3
statque loco torus, †in quo omen† mansere4 ministri.
inde vagi nec tela modis nec casibus isdem5
conseruere manum et longe6 iacuere perempti.
ecce gravem nodis pinguique bitumine quassans
125lampada turbata Phlegyas decurrit7 ab urbe.
ille leves de more manus aciemque Pelasgum
per noctem remeasse ratus8 pulsumque requirens
saepe sibi vano Thamyrim9 clamore petebat
arduus et late fumanti nube coruscus;
130quantus ubi immenso prospexit ab aethere Typhon
igne simul ventisque rubens, quem Iuppiter alte
crine tenet; trepidant diro sub lumine10 puppes.
tollitur hinc tentoque11 ruit Tirynthius arcu
pectore certa regens adversa spicula flamma:
[p. 60]
135per piceos accensa globos et pectus harundo
per medium contenta fugit; ruit ille comanti
ore facem12 supra, maiorque apparuit ignis.
Ambrosium Peleus, ingentem Ancaeus Echeclum13
sternit et elatae propius succedere dextrae
140Telecoonta sinit †delicataque†14 ora securi
disiecit cervice tenus. simul aspera victor
cingula sublustri vibrantia detrahit umbra,
'has, precor, exuvias et opima cadavera' Nestor15
'linquite' ait: 'ferro potius mihi dextera, ferro
145navet opus', prensumque manu detruncat Amastrum 145
diversasque simul socios16 invadere17 turmas
admonuit. pergunt rupta testudine fusi,
qua tenebrae campique ferunt. gravis invenit Ochum
Phlias18 et trepido Pollux impingitur Hebro.
150ipse super vultus taboque natantia19 terga
dux campi Martisque potens, ut caeca profundo
currit hiems, Zelyn et Bronten20 Abarimque relinquit
semineces: Glaucum sequitur Glaucumque ruentem
occupat et iugulo vulnus molitur aperto.21
155ille manu contra telum tenet ultima frustra
verba ciens fixamque videt decrescere cornum.
hinc Halyn,22 hinc rigido transcurrens demetit ense
Protin et23 insignem cithara cantuque fluenti
Dorcea, qui dulci festis adsistere24 mensis
[p. 61]
160pectine Bistoniae magnum post ausus alumnum.
nec pharetram aut acres ultra Tirynthius arcus
exercet, socia sed disicit25 agmina clava.
ac veluti magna iuvenum cum densa securi
silva labat cuneisque26 gemit grave robur adactis
165iamque abies piceaeque ruunt, sic dura sub ictu
ossa virum malaeque sonant27 sparsusque cerebro
albet ager. levis ante pedes subsederat †Hidmon;
occupat os barbamque viri clavamque28 superne
intonat 'occumbes'29 et 'nunc' ait 'Herculis armis,
170donum ingens semperque tuis mirabile fatum.'30
horruit ille cadens nomenque agnovit amicum
primus et ignaris dirum scelus attulit umbris.
nee tibi Thessalicos tune profuit, Ornyte, reges
hospitiis aut mente moras fovisse31 benigna
175et laribus32 sacrasse diem; procul advenit Idmon
oblatumque ferit, galeam cristasque rubentes,
heu tua33 dona, gerens. quem te qualemque videbit
attonitus, Crenaee, parens. en frigidus orbes
purpureos iam somnus obit, iam candor et anni
180deficiunt vitaque fugit decus omne soluta:
desere nune nemus et Nympharum durus amores.
at diversa Sagen34 turbantem fallere nervo
tum primum puer ausus Hylas (spes maxima bellis
pulcher35 Hylas, si fata sinant, si prospera Iuno),
185prostravitque virum celeri per pectora telo.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 At Iunt.1, Et V
2 torre Bon.1, Terre V
3 remotae CT2
4 in quo omen VC, insomnes Bentley, inque omen Lemaire | mansere S, masere V
5 nec bella Bentley, sed cf. VI 182 | isdem M2 in marg., idem V
6 manum M2, manu VC, manus longe et Iunt.1
7 decurrit M (i in ras.), decurrat V | ab arce CX (sed X1 urbe corr.)
8 ratus M, ratur V
9 Thamyrim Heinsius, thamyrum V
10 lumine T, limine V
11 tentoque Reuβ, cf. 591, totusque V
12 Ore M2, Ora V | facem XM, faciem V
13 Echeclum Thilo, echelum V, Ethelum C
14 Teleconta V | delicataque VC, deductaque M2, duplicataque Heinsius, geminataque Thilo, delataque Schenkl
15 et opima T, cod. Bon., opima V, o prima C | Nestor Ald., nostro VC
16 socios X2PCT, ocios XIII, otios O, otius O2, ocius M
17 desunt in V
18 Phlias NRFT, Pelias SMUC
19 natantia vel fluentia Heinsius, labantia codd., madentia Friesemann
20 Zelyn Ca, zelen SMNRUCb, zelon F | Bronten Maserius, cf. Apoll. Rhod. 11041, broten codd.
21 uultus m. operto O
22 Halyn C, calin S, alyn MN, alin RF
23 Protin
needschecking etus X1, Prothin et C, cod. Harlesii, Protinus OQP
needschecking IMNT, cod. Bon.
24 assidere NRF
25 dissicit CT, dissic
needschecking iet X, disicet OMU, dificit NF
26 leuat O | cuneisque M2, cunctisque SM, doneisque N
27 male sonant O
28 clariamque C
29 occumbes T Bon.1, occumbens SMNC | et SMN, i C
30 superque O | fatum Kr., fatis codd.
31 nec mente O | moras fouisse X2MN, fouisse moras S (post moras octo litt. spatio relicto)
32 laribus M2N, claribus SM1U
33 Heu tria C (?)
34 At diuersa Sagen C, At (Ad S) diuersas agent SMU, At diuersus agens NRFT, cod. Bon.
35 Pulcher MN, Purher II, Puer XO
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.