previous next

Click on a word to bring up parses, dictionary entries, and frequency statistics

Ecce per obliqui rapidum compendia montis
485ductor avens1 laetusque dolis agnoscit Acastum
horrentem iaculis et parmae luce coruscum.
ille ubi se mediae per scuta virosque carinae
intulit, ardenti Aesonides retinacula ferro
abscidit; haut aliter saltus vastataque pernix
490venator cum lustra fugit dominoque timentem
urget equum, teneras compressans2 pectore tigres,
quas astu rapuit pavido, dum saeva relictis
mater in adverso3 catulis venatur Amano.
it4 pariter propulsa ratis; stant litore matres
495claraque vela oculis percussaque sole secuntur
scuta virum, donec iam5 celsior arbore pontus
immensusque6 ratem spectantibus abstulit aer.
[p. 19]

Siderea tune arce pater pulcherrima Graium7
coepta tuens tantamque operis consurgere molem
500laetatur; patrii neque enim probat otia regni.
una omnes gaudent superi, venturaque mundo
tempora aquaeque8 vias cernunt sibi crescere Parcae.
sed non et Scythici genitor discrimine nati
intrepidus tales fundit Sol pectore voces:
505'summie sator, cui nostra dies volventibus annis
tot peragit reficitque vices, tuane ista voluntas?
Graiaque nunc undis duce te nutuque secundo
it ratis? an meritos fas est9 mihi rumpere questus?
hoc metuens et nequa foret manus invida10 nato,
510non mediae telluris opes, non improba legi
divitis arva plagae (teneant uberrima Teucer
et Libys et vestri Pelopis domus): horrida saevo
quae premis arva gelu strictosque insedimus11 amnes.
cederet his etiam et sese sine honore referret
515ulterius, sed nube rigens ac nescia rerum12
stat super et nostros iam zona reverberat13 ignes.
quid regio immanis, quid barbarus amnibus ullis
Phasis et aversis14 proles mea gentibus obstat?
quid15 Minyae meruere queri? num vellere Graio
520vi16 potitur? profugo quin agmina iungere Phrixo
abnuit Inoas ultro17 nec venit ad aras,
imperii sed parte virum nataeque moratus
coningio videt e Graia nunc stirpe nepotes
et generos vocat et iunctas sibi sanguine terras.
525flecte ratem motusque, pater, nec vulnere nostro
aequora pande viris: veteris sat conscia luctus
[p. 20] silva Padi18 et viso flentes genitore sorores.'
adfremit his quassatque caput qui vellera dono19
Bellipotens sibi fixa videt, temptataque contra
530Pallas et amborum gemuit Saturnia questus.

1 auens V, ovans Heinsius

2 teneras T, teneros V | compressans Sudhaus, conpressus V, compressus C

3 averso Parrhasius

4 it Eyssenhardt, Ut V

5 iam Bon.1, tam V

6 inmensusque M2, inmensus et M, inmens V

7 Graium Bon.1, gratum V (sic etiam 507, 523）

8 aquaeque Hertz, quaeque V

9 est VSMN

10 inuida MN, inuita V

11 premis X2M, primis V | insedimus Zinzerling, insedibus V

12 rerum Ald., regum VSMN (cf. 725, Aen. XII 227)

13 nostros X2, nostris V | reverberat Bon.1, perueruerat V

14 aversis Barth. aduersis V

15 Quid X2M, Quod V

16 vi Bon.1, Ut V

17 Abnuit cod. Harlesii, Adnuit V | ultro V, ultor Ald.

18 padi S, pandi V

19 dono SM, don V

C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.

The Annenberg CPB/Project provided support for entering this text.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Introduction (Otto Kramer, 1913)
hide References (2 total)
  • Commentary references to this page (1):
    • George W. Mooney, Commentary on Apollonius: Argonautica, 1.224
  • Cross-references in general dictionaries to this page (1):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: