next

Click on a word to bring up parses, dictionary entries, and frequency statistics

Prima deum magnis canimus freta pervia natis1
fatidicamque ratem, Scythici quae Phasidis oras
ausa sequi mediosque inter iuga concita cursus
rumpere flammifero tandem consedit Olympo.
5Phoebe, mone, si Cymaeae mihi conscia vatis
stat casta cortina domo, si laurea digna
fronte viret; tuque o, pelagi cui maior aperti
fama, Caledonius postquam tua carbasa vexit
Oceanus Phrygios prius indignatus Iulos,
10eripe me populis et habenti2 nubila terrae,
sancte pater, veterumque fave veneranda canenti
facta virum. versam proles tua pandet3 Idumen
(namque potest4): Solymo nigrantem pulvere fratrem
spargentemque faces et in omni turre furentem.
15ille tibi cultusque deum delubraque gentis5
instituet, cum tu,6 genitor, lucebis ab omni
parte poli, neque iam7 Tyriis Cynosura carinis
[p. 2] certior aut Grais Helice servanda magistris,8
sed tu signa dabis, sed9 te duce Graecia mittet
20et Sidon Nilusque rates. nunc nostra serenus
orsa iuves, haec ut Latias vox impleat urbes.

Haemoniam10 primis Pelias frenabat ab annis,
iam gravis et longus populis metus:11 illius amnes12
Ionium quicumque petunt, ille Othryn et Haemum
25atque imum felix versabat vomere Olympum.
sed non ulla quies animo fratrisque paventi
progeniem divumque minas; hunc nam fore regi
exitio vatesque canunt pecudumque per aras
terrifici monitus iterant: super ipsius ingens
30instat fama viri virtusque haut laeta tyranno.
ergo anteire metus iuvenemque exstinguere pergit
Aesonium letique vias ac tempora versat.
sed neque bella videt Graias neque monstra per urbes
ulla: Cleonaeo iam tempora clusus hiatu
35Alcides; olim Lernae defensus ab angue
Areas, et ambobus iam cornua fracta iuvencis.
ira maris vastique placent discrimina ponti.
tum iuvenem tranquilla tuens13 nec fronte timendus
occupat et fictis dat vultum et pondera dictis.14
40'hanc mihi militiam, veterum quae pulchrior actis,
adnue daque animum. nostri de sanguine Phrixus
Cretheos ut patrias audis15 effugerit aras.
hunc ferus Aeetes,16 Scythiam Phasimque rigentem
qui colit (heu magni Solis pudor), hospita vina
45 ...
nil nostri divumque memor. non nuntia tantum
[p. 3] fama refert: ipsum iuvenem tam saeva gementem,
ipsum ego, cum serus fessos17 sopor alligat artus,
aspicio; lacera adsiduis namque illius umbra18
50questibus et magni numen maris excitat Helle.
si mihi quae quondam vires, vel pendere poenas
Colchida iam et regis caput hic atque arma videres.
olim annis ille ardor hebet, necdum mea proles
imperio et belli rebus matura marique.
55tu, cui iam curaeque vigent animique viriles,
i,19 decus, et pecoris Nephelaei vellera Graio
redde tholo ac tantis temet dignare periclis.'
talibus hortatur iuvenem, propiorque20 iubenti
conticuit, certus21 Scythico concurrere ponto
60Cyaneas, tantoque silet possessa dracone
vellera, multifidas regis quem filia linguas
vibrantem ex adytis cantu dapibusque vocabat22
et dabat ex terno23 liventia mella veneno.

1 natis N, nautis V

2 habenti X2O2N, habent
needschecking sua V, sua a V2 additum, ncnc tempore, ut permulta (cf. 16, 18, 19) in prima pagina codicis, paene deletum

3 pandet Gryphius, pandit V

4 potest Pius, potes VC

5 gentis cod. Bon., genti V | pater (11) i. e. Vespasianus, proles (12) i. e. Domitianus, fratrem (13) et ille (15) i. e. Titus

6 tu V1 ut vid. supra lin. add., plane fere obliteratum, S, iam MN

7 neque iam Sudhaus, neque in V | Tyriis — carinis Friesemann, tyrias — carinas V

8 magistris V dilucide

9 sed — sed Lemaire, seu — seu V | mittet V dare exhibet

10 habet par.

11 habet Par.

12 amnes Sabellicus, omnes VC, ore Par.

13 tuens C Ald., timens V

14 fictis uultus dat et pondera dictis habet Par.

15 audis V, audisti C

16 eta pro Aeetes V (sic vel similiter saepe). Inter 44 et 46 x signum minio pictum est in marg. V, MNO2 ad sententiam satis apte addunt inter et attonitae mactat sollemnia mensae

17 fessos V2SM2, fessus V

18 ut supra V, meque assiduis lacera illius umbra C

19 post 64 legitur in V, suo loco in MN | I V, Id V2

20 propiorque M2, propriorque V (sic saepius）

21 certus QX2PM2, certis V

22 uocabat V, ĩ supr. u add. V2

23 ex terno diiunxit Stroh, ut nu- merus in re magica sollemnis efficeretur; de usu praepositionis ex cf Langen ad hunc locum, externo V et similiter Avien. Ar. 347 ebria ut externo (Ambros.) splendescat lana veneno | liuentia X2O2M2N, libentia V, libantia V2

C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.

The Annenberg CPB/Project provided support for entering this text.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Introduction (Otto Kramer, 1913)
load Vocabulary Tool
hide Display Preferences
Greek Display:
Arabic Display:
View by Default:
Browse Bar: