previous next

Click on a word to bring up parses, dictionary entries, and frequency statistics

Tertia iam gelidas Tithonia solverat umbras1
exueratque polum;2 Tiphyn placida alta vocabant.
it tectis Argoa manus, simul urbe profusi
Aenidae3 caris socium digressibus haerent.
5dant4 Cererem lectumque pecus nec palmite Bacchum
Bithyno Phrygiove satum, sed quem sua noto
colle per angustae Lesbos freta suggerit Helles.
ipse agit Aesonidae iunctos ad litora gressus
Cyzicus abscessu lacrimans ...
10muneribus primas5 coniunx Percosia vestes6
quas dabat et picto Clite7 variaverat auro.
tum galeam et patriae telum insuperabile dextrae
addidit: ipse ducis pateras8 et Thessala contra
frena capit manibusque datis iunxere nepotes.9

15Tu10 mihi nunc causas infandaque proelia, Clio,
pande virum; tibi11 enim superum data, virgo, facultas
nosse animos rerumque vias. cur talia passus
arma, quid hospitiis iunctas concurrere dextras
Iuppiter? unde tubae nocturnaque movit Erinys?
[p. 56]

20Dindyma12 sanguineis famulum bacchata lacertis
dum volucri quatit asper equo silvasque fatigat
Cyzicus, ingenti praedae deceptus amore
adsuetum Phrygias dominam vectare per urbes
oppressit13 iaculo redeuntem ad frena leonem.
25et nunc ille iubas captivaque postibus ora
imposuit, spolium infelix divaeque pudendum.
quae postquam Haemoniam tantae non immemor irae
aerisono de monte ratem praefixaque regum
scuta videt, nova monstra viro, nova funera volvit,
30ut socias in nocte manus utque impia bella
conserat et saevis erroribus implicet urbem.

Nox erat et leni canebant aequora sulco,
et iam prona leves spargebant sidera somnos.
aura vehit; religant tonsas veloque Procnesson14
35et te iam15 medio flaventem, Rhundace, ponto
spumosumque legunt fracta Scylaceon ab16 unda.
ipse diem longe solisque cubilia Tiphys
consulit, ipse ratem vento stellisque ministrat.
atque ilium non ante sopor luctamine tanto
40lenit agens17 divum imperiis; cadit inscia clavo
dextera, demittitque18 oculos, solataque puppis
turbine flectit iter portuque refertur amico.

Ut notis adlapsa vadis, dant aethere longa19
signa tubae, vox et mediis emissa tenebris:
45'hostis habet portus, soliti rediere Pelasgi.'
rupta quies; deus ancipitem lymphaverat urbem
Mygdoniae Pan iussa20 ferens saevissima matris,
Pan nemorum bellique potens, quem lucis ab horis21
[p. 57] antra tenent; patet ad22 medias per devia noctes
50saetigerum latus et torvae coma sibila23 frontis.
vox omnes super una tubas, qua conus et enses,
qua trepidis auriga rotis nocturnaque muris
claustra cadunt; talesque metus non Martia cassis
Eumenidumque comae, non tristis ab aethere Gorgo
55sparserit aut tantis aciem raptaverit umbris.24
ludus et ille deo, pavidum praesepibus aufert
cum pecus et profugi sternunt dumeta iuvenci.

1 umbras C, cod. Harlesii, undas V

2 polum SM, po
needschecking pulum V

3 Aenidae Ald., Caeneadae V

4 Dat C

5 suo loco habet Aid. (et C, ut vid.), post 25 V | primas CMT, prima V

6 lacr. coniunx persocia uestes V, lachr. cui tradit amicis C, excidit e. g. iungitque virorum

7 elite V, ditem C

8 phaleras Heinsius

9 nepotes V, penates Gronovius

10 Tu SM, Tum V

11 tibi M, ubi V

12 Dindama V

13 Oppressit M2, Oppressus V

14 religant T, religat V | ueloq. procnesson V, uelo proconesson C

15 Et te iam M1 ut vid., T, cod. Bon., Ecce iam V, Et Caeam C

16 scylaceon ab V, scyllaceon (ab om.) C

17 Lenit agens M2, Lenitangens V

18 demittitque X olim, T, dimittitque VC

19 longa Ald., longo V

20 Mydoniae V | pan iussa M2, panius ista V

21 bellique M2, belli V | ab oris cod. Pii, ad oris V, ad oras M2 T, codd. Burmanni et Coki, ad ortus C

22 ad patet cf. Leo, Gött. Gel. Anz. 1897 p. 964 sq.

23 sibila XO1M, sibilia VO

24 umbris: cf. Aen. X 593

C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.

The Annenberg CPB/Project provided support for entering this text.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Introduction (Otto Kramer, 1913)
hide References (1 total)
  • Cross-references in general dictionaries to this page (1):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: