Nec minus interea crudelis iapyga Iuno
adsidue movet et primis cum solibus offert.
iamque morae impatiens cunctantes increpat ausus1
Tiphys et oblato monet2 otia rumpere cursu.
615ergo animum flexus dictis instantis Iason
concedit sociosque simul sic fatur ad omnes:
'o utinam, Scythicis struerem cum funera terris,
vox mihi mentitas tulerit Parnasia sortes,
agmine de tanto socium qui maximus armis
620adforet, hune Iovis imperils fatoque teneri
ante procellosum scopulis errantibus aequor:
nee turn fama viri nec certior3 extitit auctor.
verum agite et, dubiis variant quia4 pectora curis,
consulite5 et, motis seu vos via flatibus urget,
625pergite et inceptos mecum revocate labores,
seu pluris6 tolerare moras rursusque propinquis
quaesivisse iugis, pretium haut leve temporis acti.'
dixerat; at7 studiis iamdudum freta iuventus
orat inire vias: unum tanto afore coetu,
630nec minus in sese generis dextrasque potentes
esse ferunt. tali mentem pars maxima flatu
erigit et vana gliscunt praecordia lingua:
saltibus ut mediis tum demum laeta reducit
[p. 77]
cerva gregem, tum gestit aper reboatque superbis
635comminus ursa lupis, cum sese Martia tigris
abstulit aut curvo tacitus leo condidit antro.
at plus ingenti Telamon iam fluctuat ira
cum fremitu, saevisque serens modo8 iurgia dictis
insequitur magnoque implorat9 numina questu,
640idem orans prensatque viros demissaque10 supplex
haeret ad ora ducis: nil se super Hercule fari
sed socio quocumque, gemens quamquam aspera fama
iam loca iamque feras11 per barbara litora gentes,
non alium contra Alciden, non pectora tanta
645posse dari. rursum instimulat ducitque faventes
magnanimus Calydone satus, potioribus ille
deteriora fovens semperque inversa tueri
durus et haud ullis umquam superabilis aequis
rectorumve memor. 'non Herculis' inquit 'adempti,
650sed tuus in seros haec nostra silentia questus
traxit honor, dum iura dares, dum tempora fandi.
septimus hie celsis descendit12 montibus auster
iamque ratem Scythicis forsan statuisset in oris;
nos patriae immemores, maneant ceu nulla revectos
655gaudia, sed duro saevae13 sub rege Mycenae,
ad medium cunctamur iter. si finibus ullis
has tolerare moras et inania tempora possem,
regna hodie et dulcem sceptris Calydona tenerem
laetus opum pacisque meae, tutusque14 manerem
660quis genitor materque locis. quid deside terra
haeremus? vacuos cur lassant15 aequora visus?
tu comitem Alciden ad Phasidis amplius arva
adfore,16 tu socias ultra tibi rere pharetras?
[p. 78]
non ea pax17 odiis oblitave numine fesso
665Iuno sui. nova Tartareo fors semine monstra
atque iterum Inachiis iam nuntius urget ab Argis.
non datur haec magni proles Iovis; at tibi Pollux
stirpe pares Castorque manent, at cetera divum
progenies, nec parva mihi fiducia gentis.
670†et ego et† quocumque voces, †qua tegmina†18 ferro
plura metam; tibi dicta manus, tibi quidquid19 in ipso
sanguine erit, iamque hinc operum quae maxima posco.
scilicet in solis profugi stetit Herculis armis
nostra salus; nempe ora aeque mortalia cuncti
675ecce gerunt; ibant20 aequo nempe ordine remi.
ille vel insano iamdudum turbidus aestu
vel parta iam laude tumens consortia famae
despicit ac nostris ferri comes abnuit actis.
vos, quibus et virtus et spes in limine primo,
680tendite, dum rerum patiens calor et rude membris
robur inest; nec enim solis21 dare funera Colchis
sit satis et tota pelagus lustrasse iuventa.
spes mihi quae tali22 potuit longissima casu
esse fuit; quiscumque virum perquirere silvis
685egit amor; loca vociferans non ulla reliqui.
nunc quoque, dum vario nutat sententia motu,
cernere devexis redeuntem montibus opto.
sat lacrimis comitique datum,23 quem sortibus aevi
crede vel in mediae raptum tibi sanguine pugnae.'
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 ausus merito plerisque suspectum
2 monet XM2, mouet V
3 nec tum Sudhaus, Nedum V, necdum XM2, vulgo | certior etiam ad fama pertinet
4 variant quia Heinsius, uariunt qui V, quibus anxia C
5 consulite Bon.1, Consulit V
6 pluris (sc. est) Burmann, plures V
7 at Burmann, et V | flexa Sudhaus, cf. 598, 701
8 serens Ald., ferens V, furens C | modo Kr., ut respondeat voci idem (640), om. V, fera S, in C
9 implorat X2 ut vid., M2, inplorant V
10 Idem orans V, Dememorans C | prensatque Bon.1, prensaque V | demissaque X, dimissaque V
11 feras SM, fera V
12 descendit SM, discendit V
13 saevae Bon.1, saeua V
14 tutusque M2, tuusque V
15 lassant MC, classant V
16 Adfore X2M, Adfor V
17 pax Heinsius, cf. Stat. Iheb. VII 199, fax V, lex Loeh- bach
18 Et ego et V, Et egomet M, Ast ego et S, Ast egomet CT, fort. ibo egomet | qua tegmina V, sequar, agmina Jacobs
19 tibi (quidquid) X2MT, om. V
20 ibunt Aid.
21 solis XM, soli V
22 tali Bon.2, talis V
23 Sat M2T, Stat V | datum X2M, tadum V
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.