Δίκαιος Λόγος
χώρει δευρί, δεῖξον σαυτὸν
890τοῖσι θεαταῖς, καίπερ θρασὺς ὤν.
Ἄδικος Λόγος
ἴθ᾽ ὅποι χρῄζεις. πολὺ γὰρ μᾶλλόν 'ς
ἐν τοῖς πολλοῖσι λέγων ἀπολῶ.
Δίκαιος Λόγος
ἀπολεῖς σύ; τίς ὤν;
Ἄδικος Λόγος
ἀλλά σε νικῶ τὸν ἐμοῦ κρείττω
895φάσκοντ᾽ εἶναι.
Ἄδικος Λόγος
γνώμας καινὰς ἐξευρίσκων.
Δίκαιος Λόγος
ταῦτα γὰρ ἀνθεῖ διὰ τουτουσὶ
τοὺς ἀνοήτους.
Ἄδικος Λόγος
ἀλλ᾽ ἀνατρέψω γ᾽ αὔτ᾽ ἀντιλέγων:
οὐδὲ γὰρ εἶναι πάνυ φημὶ δίκην.
Ἄδικος Λόγος
φέρε γὰρ ποῦ 'στιν;
Δίκαιος Λόγος
παρὰ τοῖσι θεοῖς.
Ἄδικος Λόγος
πῶς δῆτα δίκης οὔσης ὁ Ζεὺς
905οὐκ ἀπόλωλεν τὸν πατέρ᾽ αὑτοῦ
δήσας;
Δίκαιος Λόγος
αἰβοῖ τουτὶ καὶ δὴ
χωρεῖ τὸ κακόν: δότε μοι λεκάνην.
Ἄδικος Λόγος
τυφογέρων εἶ κἀνάρμοστος.
Δίκαιος Λόγος
καταπύγων εἶ κἀναίσχυντος.
Ἄδικος Λόγος
910ῥόδα μ᾽ εἴρηκας.
Ἄδικος Λόγος
κρίνεσι στεφανοῖς.
Ἄδικος Λόγος
χρυσῷ πάττων μ᾽ οὐ γιγνώσκεις.
Δίκαιος Λόγος
οὐ δῆτα πρὸ τοῦ γ᾽, ἀλλὰ μολύβδῳ.
Ἄδικος Λόγος
νῦν δέ γε κόσμος τοῦτ᾽ ἐστὶν ἐμοί.
Δίκαιος Λόγος
915θρασὺς εἶ πολλοῦ.
Δίκαιος Λόγος
διὰ σὲ δὲ φοιτᾶν
οὐδεὶς ἐθέλει τῶν μειρακίων:
καὶ γνωσθήσει ποτ᾽ Ἀθηναίοις
οἶα διδάσκεις τοὺς ἀνοήτους.
