Hide browse bar
Your current position in the text is marked in blue. Click anywhere in the
line to jump to another position:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
[
20]
Nec
ii,
qui dicunt inmutabilia esse,
quae futura sint,
nec
posse verum futurum convertere in falsum,
fati necessitatem confirmant,
sed verborum vim interpretantur.
At qui introducunt causarum seriem sempiternam,
ii mentem hominis voluntate libera spoliatam
necessitate fati devinciunt.
10.
Sed haec hactenus; alia videamus. Concludit enim
Chrysippus hoc modo: “Si est motus sine causa,
non omnis enuntiatio, quod ἀξίωμα dialectici
appellant, aut vera aut falsa erit; causas enim
efficientis quod non habebit, id nec verum nec
falsum erit; omnis autem enuntiatio aut vera
aut falsa est; motus ergo sine causa nullus est.
”