Δικαιόπολις
τί δ᾽ ἐσθίει μάλιστα;
Μεγαρεύς
πάνθ᾽ ἅ κα διδῷς.
αὐτὸς δ᾽ ἐρώτη.
Δικαιόπολις
τρώγοις ἂν ἐρεβίνθους;
Δικαιόπολις
τί δαί; φιβάλεως ἰσχάδας;
Δικαιόπολις
τί δαὶ σύ; τρώγοις ἄν;
Δικαιόπολις
ὡς ὀξὺ πρὸς τὰς ἰσχάδας κεκράγατε.
805ἐνεγκάτω τις ἔνδοθεν τῶν ἰσχάδων
τοῖς χοιριδίοισιν. ἆρα τρώξονται; βαβαί,
οἷον ῥοθιάζουσ᾽ ὦ πολυτίμηθ᾽ Ἡράκλεις.
ποδαπὰ τὰ χοιρί᾽; ὡς Τραγασαῖα φαίνεται.
Μεγαρεύς
ἀλλ᾽ οὔτι πάσας κατέτραγον τὰς ἰσχάδας.
810ἐγὼ γὰρ αὐτᾶν τάνδε μίαν ἀνειλόμαν.
Δικαιόπολις
νὴ τὸν Δί᾽ ἀστείω γε τὼ βοσκήματε:
πόσου πρίωμαί σοι τὰ χοιρίδια; λέγε.
Μεγαρεύς
τὸ μὲν ἅτερον τούτων σκορόδων τροπαλίδος,
τὸ δ᾽ ἅτερον, αἰ λῇς, χοίνικος μόνας ἁλῶν.
Δικαιόπολις
815ὠνήσομαί σοι: περίμεν᾽ αὐτοῦ.
Μεγαρεύς
ταῦτα δή.
Ἑρμᾶ 'μπολαῖε τὰν γυναῖκα τὰν ἐμὰν
οὕτω μ᾽ ἀποδόσθαι τάν τ᾽ ἐμωυτῶ τ᾽ ἐμωυτῶ ματέρα.
Μεγαρεύς
χοιροπώλας Μεγαρικός.
Συκοφάντης
τὰ χοιρίδια τοίνυν ἐγὼ φανῶ ταδὶ
820πολέμια καὶ σέ.
Μεγαρεύς
τοῦτ᾽ ἐκεῖν᾽, ἵκει πάλιν
ὅθενπερ ἀρχὰ τῶν κακῶν ἁμῖν ἔφυ.
Συκοφάντης
κλάων μεγαριεῖς. οὐκ ἀφήσεις τὸν σάκον;
Μεγαρεύς
Δικαιόπολι Δικαιόπολι φαντάδδομαι.
Δικαιόπολις
ὑπὸ τοῦ; τίς ὁ φαίνων σ᾽ ἐστίν; ἁγορανόμοι,
825τοὺς συκοφάντας οὐ θύραζ᾽ ἐξείρξετε;
τί δὴ μαθὼν φαίνεις ἄνευ θρυαλλίδος;
Συκοφάντης
οὐ γὰρ φανῶ τοὺς πολεμίους;
Δικαιόπολις
κλάων γε σύ,
εἰ μὴ 'τέρωσε συκοφαντήσεις τρέχων.
Μεγαρεύς
οἷον τὸ κακὸν ἐν ταῖς Ἀθάναις τοῦτ᾽ ἔνι.
Δικαιόπολις
830θάρρει Μεγαρίκ᾽: ἀλλ᾽ ἧς τὰ χοιρίδι᾽ ἀπέδου
τιμῆς, λαβὲ ταυτὶ τὰ σκόροδα καὶ τοὺς ἅλας,
καὶ χαῖρε πόλλ᾽.
Μεγαρεύς
ἀλλ᾽ ἁμὶν οὐκ ἐπιχώριον.
Δικαιόπολις
πολυπραγμοσύνη νυν ἐς κεφαλὴν τράποιτ᾽ ἐμοί.
Μεγαρεύς
ὦ χοιρίδια πειρῆσθε κἄνις τῶ πατρὸς
835παίειν ἐφ᾽ ἁλὶ τὰν μᾶδδαν, αἴκα τις διδῷ.
