【辦公室1分鐘茶療2-針對捱夜OT腰酸背痛疲勞】龍眼杞子牛蒡茶

入秋後，天氣終於見涼呀，天氣會變但工作不變，打工仔仍然要繼續努力返工，返工長期係冷氣房焗住空氣唔流通，寫字樓工又長期坐係度，血液唔流通，又易腰酸背痛，仲未夠，再加上方圓十尺總有個堅持話自己鼻敏感所以流鼻水兩聲咳既疑似病同事。 你地係咪點緊頭呢~~嘻嘻

米媽自己都邊打邊點頭如蒜中。無計，為左自保，係OFFICE 唯有都焗下花茶飲。一分鐘搞掂架喇。

呢D材料都係大家一定識既材料，少少配搭就可以幫到自己，而家又好飲，好過日日飲汽水果汁維他奶咖啡哎。

杞子明目怯風，養血又滋補肝腎，對長期捱夜又少用又對電腦既人，好有益。

龍眼肉乾可以安神靜氣，改善心煩，體虛冒汗，氣血唔夠引起既疲倦。

牛蒡茶，可以排毒去水，活血，通經絡，解熱去熱，促進血液循環，治療腰酸背痛，降血壓，預防中風 (低血壓人不適宜呀)。

所以，集合呢三種材料，每樣少許，放在暖壺中，之後注滿熱水焗30分鐘，便可以飲用。

1人份:

材料: (其實隨意，個人喜好~)

1.     杞子—10-20粒

2.     圓肉(龍眼乾)—10粒

3.     牛蒡茶壺5片

4.     熱水—450ML

做法:

1.    材料沖一沖水後放在暖壺或杯中，倒入熱水蓋實焗到出味便可飲用。

米媽另一文章連結:

【辦公室茶療-明目養血】洛神玫瑰杞子茶