"ဒါ စိတ်တည်ငြိမ်အောင် စ ပြီး အလေ့အကျင့် လုပ်ရုံပဲရှိသေးတယ်၊ တရား နဲ့ အဝေးကြီးလိုသေးတယ်၊ နောက်ပိုင်း ကျတော့မှ သမာဓိအားကို သတိထားကပ်ပေးရမှာ"
"မလွယ်ပါလား၊ ငါ့မှာ အဲဒီလောက် ပါရမီမပါဘူး ထင်တယ်"
"အခြေခံအဆင့်လောက် ရရင်တောင် မဆိုးပါဘူးဟ၊ အထိုက်အလျောက်တော့ အကျိုးရှိပါတယ်၊ ဆယ်မိ နစ်ပဲ ရရ.. ဆယ့်ငါးမိနစ်ပဲ ရရ၊ အဲဒီအချိန်အတွင်းမှာ အနည်းဆုံး လောဘ ဒေါသ မောဟ တော့ ကင်းသွား တာပဲ မဟုတ်လား"
"အဲဒီအတွက်ကတော့ အပင်ပန်းခံပြီး ထိုင်နေစရာမလိုပါဘူးဟာ၊ အိပ်ပစ်လိုက်ရင် ရတာပဲ၊ အိပ်ပျော်နေပြီ ဆိုရင် ဘာမှမသိတော့ဘူးလေ၊ လောဘတွေ ဒေါသတွေလည်း ဘယ်သတိရတော့မလဲ"
"မဟုတ်သေးဘူး၊ အိပ်တယ်ဆိုတာ သိစိတ်ကသာ အိပ်သာ၊ မသိစိတ်ထဲမှာတော့ ဆက်ပြီး လောင်မြိုက် နေတာပဲ၊ မတူဘူး"
ပေါ်ဋ္ဌေးသည် နားထောင်ရင်းက ရင်ရင်ငြိမ်းကို မမှိတ်မသုန် စိုက်ကြည့်နေသည်။ ရင်ရင်ငြိမ်းကတော့ သူ့ စကားကို စိတ်ဝင်စားစွာ စူးစိုက်နားထောင်နေတာဟု ထင်ပြီး ဆက်ရှင်းပြနေသည်။ ပေါ်ဋ္ဌေးက-
"ရင်ငြိမ်း"ဟု ခေါ်လိုက်၏။
"ဟင်... ဘာလဲ"
"နင်က တော်တော်လှတာပဲနော်"
"ဖောက်လာပြန်ပြီဟာ"
"တကယ်ပြောတာဟ၊ ငယ်ငယ်ကတော့ နင့်ကို မျက်လုံးညိုညို နဲ့ ချစ်စရာလေး ဆိုတာလောက်ပဲ သတိပြု မိတာ၊ ခုကျမှ နင်ဟာ မျက်လုံး... မျက်ခုံး.... နှာတံ... နှုတ်ခမ်း... အကုန်လှတယ်၊ တစိမ့်စိမ့်ကြည့်လေ လှ လေပဲ၊ သူများတွေလို ပြင်လိုက် ဆင်လိုက်မှ ထွက်လာတာမျိုးမဟုတ်ဘူး၊ အိမ်နေရင်း ခုလို ရိုးရိုးလေး နေ နေလည်း ကြည့်လို့ကောင်းတာပဲ။ ဒါကြောင့် ငါ နင့်ကို သိပ်ချစ် နေရတာပေါ့"
ရင်ရင်ငြိမ်းမှာ သူ့အလှကို ချီးကျူးခံရသဖြင့် တခြားမိန်းကလေးတွေလို "သိပ်ပိုတာပဲ"လို့လည်း မပြော။ ကျေနပ်ပီတိပြုံးလည်း မပြုံး၊ တခြားလူတစ်ယောက်အကြောင်း ပြောနေတာကို နားထောင်နေရသလို မတုန်မလှုပ်ရှိနေရာမှ-
"တကယ်တော့ အလှအပဆိုတာ အရေပြားတစ်ထောက်စာပဲ ရှိတာပါဟာ"
"ဘာ.. အရေပြား... ဟုတ်လား"
"အေး.. ဟုတ်တယ်၊ ခုချိန်မှာ ငါ့ခန္ဓာကိုယ်ပေါ်က အရေပြားတွေကို စိတ်မှန်းနဲ့ တစ်လွှာချင်း ခွာချပစ်ပြီး အတွင်းကို မြင်အောင် ကြည့်လိုက်လေ"
ပေါ်ဋ္ဌေးမှာ ဘုမသိ ဘမသိ ငေးကြည့်နေသည်။
"ဟုတ်ပြီ၊ အဲဒီအခါမှာ ဘာမြင်မလဲ၊ အသားတွေ၊ အကြောတွေ၊ အရွတ်တွေပဲ မြင်ရမှာပေါ့၊ ဟုတ်ကဲ့လား"
ပေါ်ဋ္ဌေး ယောင်ပြီး ခေါင်းညိတ်မိ၏။
"ဆက်ပြီး ခွာကြည့်လိုက်ဦး၊ အရိုးစုကိုပဲ မြင်ရမယ်၊ ပြီးတော့ အူတွေ... အသည်းတွေ... ကလီစာတွေပဲ တွေ့ရမယ်၊ ကဲ... ဘယ်မှာလဲ လှတယ်ဆိုတာ"
ပေါ်ဋ္ဌေး မျက်လုံးပြုးကြည့်နေ၏။ ရင်ရင်ငြိမ်း အားတက်လာပြီး-
"အေး... ဒါကြောင့် နိဗ္ဗိန္ဒတေးတပ်ထဲမှာ အရွတ်စု ရုပ်တစ္ဆေကို မဟုတ်လေ ကိုယ်ထဲ၊ အပုပ်ရေ စိုရွှဲလို့၊ ယိုမစဲ သူငါ၊ သွေး သည်းခြေ၊ ပြည် သလိပ်တွေက၊ အီမဆိပ် လွှမ်းပြန်တော့တာ၊ သို့ကလောက် ရွံစရာကို၊ ကျွံတဏှာမက်စွဲလို့..."
"ဟာ... တော်တော့ တော်တော့ ဆက်မပြောနဲ့တော့၊ ငါ ကြောက်လာပြီ"
ဟု ပေါ်ဋ္ဌေးက အလန့်တကြား တားမြစ်လိုက်သည်။ ရင်ရင်ငြိမ်းက-
"အေး... ဒါပဲ၊ ကြောက်ရမယ်လေ၊ ကြောက်ရမယ်၊ အခုဆိုရင် နင် ငါ့ကို စက်ဆုပ်ရွံရှာလာပြီမဟုတ်လား၊ တကယ်တော့..."
"ငါ သွားတော့မယ်"
ပေါ်ဋ္ဌေးက ပြောပြီး ထပြေးသည်။ အပေါက်ဝရောက်မှ ပြန်လှည့်ကြည့်ရင်း-
"မနက်ဖြန် ညနော်၊ နင် ကတိပေးထားပြီးသား၊ ဒါပဲ"
ဟု ပြောပြီး ထွက်သွားသည်။
ရင်ရင်ငြိမ်း သက်ပြင်းချရင် ခေါင်းခါလိုက်သည်။
ဘာပဲဖြစ်ဖြစ် ပေါ်ဋ္ဌေးသည် ထိုနေ့ညမှာတော့ ဘယ်လို အာရုံမျိုးမှ ၀င်မလာဘဲ နှစ်နှစ်ခြိုက်ခြိုက် အိပ်ပျော် သွားခဲ့တာ အမှန်ပဲဖြစ်၏။
လူပျိုဘ၀တုန်းက ကောင်းထွန်း ယူလာခဲ့သော ကဗျာစာအုပ် တစ်အုပ်ရှိသည်။ ဒီထဲကမှ ကဗျာတစ်ပုဒ် မှတ်မိနေခဲ့သည်။ ပေါ်ဋ္ဌေးသည် ကဗျာဆရာမဟုတ်သဖြင့် ထိုကဗျာသည် မော်ဒန်လား၊ ပို့စ်မော်ဒန်လား၊ ဂျီဒီပီဆိုလား ဘာလားတော့ မခွဲခြားတတ်။ ဖတ်လို့တော့ ကောင်းသားပဲ။
တဏှာကြိုက်တဲ့ အမိုက်တွေမှာ
"ရှက်စရာ တွေးတော့ သမုဒယ တဏှာ
မဂ္ဂဆေးနဲ့ ကုရမှာ"... ဆိုတဲ့
တရားတော်ကိုလည်း နာဖူးပါရဲ့။
"မှောင်တဏှာခွင်၊ ခြေစုံဝင်က
ဆင်ခြင်ကင်းစွာ၊ ပျက်စီးရာ၏"... ဆိုတဲ့
တိကင်္ဂုတ္တရအဋ္ဌကထာကိုလည်း
ဖတ်ဖူးပါရဲ့။
"ခြောက်ခုအာရုံ၊ ကာမဂုဏ်ဆန္ဒ ပဋိစ္စသမုပ္ပာန်
ရှုပ်ပြန်အတွင်း အပ တဏှာ"... ဆိုတဲ့
ဗုဒ္ဓရဲ့ တရားတော်ကိုလည်း သိပါရဲ့။
ဒါပေမဲ့...
ချစ်သူက ပြုံးပြတဲ့အခါ
ပီတိသောမနဿ ဖြစ်ရတယ်။
တဏှာဆိုတဲ့ ဖမ်းစားတတ်သော အရာဟာ
ချစ်စရာ သိပ်ကောင်းပါကလား။
ချစ်သူက မုန်းတဲ့အခါ
သောကပရိဒေ၀မီး တောက်လောင်ရတယ်။
"စိတ်ကို စိတ်အတိုင်းတိုင်း ထားရမယ်။
ဒုက္ခကို ဒုက္ခအတိုင်းတိုင်း ထားရမယ်"ဆိုတာကို
ဘယ်လိုလုပ် ဆင်ခြင် လိုက်နာနိုင်ပါ့မလဲ။
ချစ်သူရဲ့ နှုတ်ခမ်းဆီက
ကြာညိုနံ့သင်းတဲ့
အာခံတွင်းနံ့ကို ရတဲ့အခါ
"ကာယအပုပ်ကောင်ဟာ ဟုတ်ယောင်သာ
ရုပ်ဆောင်စွာ တုပ်နှောင်ခါ သူ လှည့်စား" ဆိုတာ
ရယ်စရာကလေးတောင် ကောင်းလိုက်လှပါကလား။
အရှင်ဘုရား...
ဘုရား တပည့်တော်သည်
"ဇာတိ" စသော
မီးဆယ့်တစ်မီးတို့ လောင်ကျွမ်းရာ
ဤဒုက္ခ ကမ္ဘာကြီးထဲ၌ပင်
ပဋိစ္စသမုပ္ပာဒ်သဘောအရ
ဘ၀အသစ်အသစ်တို့ ဖြစ်၍
တဏှာအချစ် အချစ်တို့၏
ဖမ်းစားမှုကို
ဆက်လက်၍ ခံစားနေပါရစေဦးဘုရား...။
ရင်ရင်ငြိမ်းကို ထိုကဗျာ ဖတ်ခိုင်းကြည့်ခဲ့ဖူးသည်။
"ဦးပုည ရေးတဲ့ ဟောရင်းသာ ပျံလွန်တော်မူမည်ဆိုတာ နင့်လို လူမျိုးကို ပြောတာဖြစ်မှာပဲ၊ ငါတော့ လူ ပေါင်းမှားပြီ ထင်တယ်"
ရင်ရင်ငြိမ်းက စိတ်ပျက်လက်ပျက် လေသံမျိုးဖြင့် ပြောလေသည်။ ပေါ်ဋ္ဌေးကတော့ လူပေါင်းမှားတယ်ဆို တာ သူက မှားတာလား၊ ငါက မှားတာလား။ နှစ်ယောက်စလုံးကပဲ မှားတာလား။ ဒါမှမဟုတ် လူပေါင်းလွဲ နေတာ ဖြစ်မယ်ဟု တွေးမိ၏။
--------------------------------------------------------------
အောင်ချို တို့ အိမ်ကို သွားရတာ ခပ်လန့်လန့်ပဲ။ ပြောစရာကိစ္စ ရှိနေလို့သာပေါ့။ အပြင်မှာ တွေ့ဖုို့ ချိန်းလိုက် ကောင်းသား ဟုလည်း တွေးမိသည်။ ဟိုရောက်ရင်တော့ ဒီကောင်ကို အပြင် ခေါ်ထုတ်ရမည်။ အိမ်မှာ ပြောလို့မကောင်း။ သူများတေ ကြားလို့ မဖြစ်သော အကြောင်းအရာ။ သူနှင့် ရင်ရင်ငြိမ်းတို့၏ ကွာရှင်းစာချုပ် မှာ လက်မှတ် ထိုး ပေးဖို့ အောင်ချို့ကို စည်းရုံးရမည် ဖြစ်၏။
အောင်ချိုက မိန်းမနဲ့ ရန်တကျက်ကျက် ဖြစ်တတ်သော်လည်း တကယ်တမ်းကျတော့ စိတ်က ပျော့သည်။ ဒါကြောင့်လည်း ရန်ဖြစ်ပြီးရင် သူကပဲ အမြဲစပြီး ပြန်ချော့ရတာ။ ဒီကောင်ကို သိမ်းသွင်းရတာ သိပ်တော့ ခဲယဉ်းမယ် မထင်။ သူက သူငယ်ချင်းတွေ အပေါ်မှာလည်း အလျှော့ပေး လိုက်လျောတတ်သည်။
အောင်ချိုက ခပ်ပျော့ပျော့ ဖြစ်သော်လည်း သူ့အဖေ ဦးအောင်ကြီးကတော့ လူဖြောင့် စိတ်တိုကြီး ဖြစ်၏။ဒေါသကလည်း ကြီးသည်။စိတ်မထင်လျှင် လက်ပါတတ်သည်။ စိတ်ကလည်း အမြဲတမ်းလိုလို မထင်ဘဲ ဖြစ်နေတတ်သည်။ အောင်ချို့ သူငယ်ချင်းတွေကို သူ့သားနှင့် တန်းတူ သဘောထားသည်။
ဆိုလိုတာကတော့ အောင်ချို့ကို နားရင်း တစ်ချက် ရိုက်လျှင် ကျန်တဲ့ကောင်တွေကိုလည်း တစ်ချက်စီပဲ ဆိုိတာမျိုးပေါ့။
သူတို့ သူငယ်ချင်းတွေထဲမှာ ဦးအောင်ကြီးရဲ့ ရိုက်ချက်နဲ့ လွတ်တဲ့ လူရယ်လို့ မိန်းကလေးတွေပဲ ရှိသည်။ နည်းတာနဲ့ များတာသာ ကွာသည်။ အခံရဆုံးကတော့ အောင်ချိုပဲ။ တစ်ခါတလေ အပြစ်လုပ်တဲ့လူက တခြားတစ်ယောက်။ ဒါကို ဦးအောင်ကြီးက 'မင်းက မတားဘူးလား။ အလိုတူ အလိုပါမို့လား' ဆိုပြီး အောင်ချိုပါ ရောပြီး အဗျင်းခံရသည်။
သူတို့ အုပ်စုထဲမှာ အဆော်ခံရဆုံးက အောင်ချိုနှင့် ကံညွန့်မောင်တို့ဖြစ်၏။ အလယ်အလတ်အဆင့် ရှိ သူတွေက ရဲမော်နှင့် ပေါ်ဋ္ဌေး။ အသက်သာဆုံးကတော့ အေဘီကျော် နှင့် ကောင်းထွန်း တို့ပဲ၊ အေဘီကျော် က ရူးသလို ပေါသလိုနဲ့ ရှောင်ထွက်တတ်လို့။ ကောင်းထွန်းကျတော့ နည်းနည်းထူးခြားသည်။ ဦးအောင်ကြီးသည် ကောင်းထွန်းအပေါ်မှာကျတော့ တည်တည်ငြိမ်ငြိမ်ရှိတယ်ဆိုပြီး အကောင်းမြင်ချင် သော သဘောထားမျိုးရှိသည်။ နောက်ပိုင်းမှာ ကောင်းထွန်း အသောက်ကြမ်းလာတာကိုတောင် သိပ် မကြိုက်သော်လည်း ပြင်းပြင်းထန်ထန်တော့ မပြော။ လူကြီးပီပီ ရှေ့ကို ကြိုမြင်နေသလားတော့ မသိ။
"အဲဒီလို ကောင်မျိုး က တစ်နေ့ပြတ်ပြီဆိုရင် တိခနဲပဲ။ အကောင်းဘက်ကို ချက်ချင်းပြောင်းသွားလိမ့် မယ်၊ ကြည့်နေ"ဟု ကြိုတင် နိမိတ်ဖတ်ခဲ့သေးသည်။
မိန်းကလေးတွေထဲမှာတော့ သူ စိတ်တိုင်းအကျဆုံးက သိတော်မူကြတဲ့အတိုင်း သူတော်ကောင်းမလေး ရင်ရင်ငြိမ်းပဲပေါ့။
"အင်မတန် ဣနြေ္ဒသိက္ခာရှိတဲ့ မိန်းကလေးပဲ၊ ငပေါ်နဲ့တောင် မတန်ဘူး"ဟု ချီးကျူးလေ့ရှိ၏။
ဦးအောင်ကြီးက ခုလို ခပ်ကြမ်းကြမ်းကိုင်တာကို ကျန်တဲ့ မိဘတွေကလည်း ကျေနပ်ရုံမက အားပေး ထောက်ခံမှုတောင် ပြုကြသေးသည်။
အဖေသည် ပေါ်ဋ္ဌေးကို ရိုက်လေ့မရှိ။ ရိုက်လို့လည်း မဖြစ်။ အမေနှင့် ပြဿနာတက်လိမ့်မည်။ ထို့ကြောင့် အဖေက ဦးအောင်ကြီးဆီမှာ အပ်ထားသည်။
"ငပေါ်တစ်ကောင်နဲ့ ပတ်သက်လို့ အမြင်မတော်တာရှိရင် ဆော်သာ ဆော်ဗျို့ ကိုအောင်ကြီး၊ ကျိုးပဲ့ သွားရင် ကျုပ်ဘာသာ ဆေးကုယူမယ်"
ဦးအောင်ကြီးကလည်း လက်ခံသည်။ ကတိလည်း တကယ်တည်သည်။
ကံညွန့်မောင်မှာ အဖေ မရှိတော့။ သူ့အမေကလည်း ဒီကောင့်ကို မနိုင်။ ထို့ကြောင့် တစ်ခုခုဖြစ်လျှင် ဦးအောင်ကြီးကို သွားတိုင်ရသည်။ ထို့ကြောင့် သူတို့ သူငယ်ချင်းအုပ်စုသည် မိရင်း ဖရင်းထက် ဦးအောင်ကြီး ကို ပိုကြောက်ကြသည်။
အောင်ချိုတို့ လင်မယားသည် ဦးအောင်ကြီးတို့နှင့် အတူတူနေသည်။ သူ ရတဲ့လခနဲ့ဆိုလျှင် မိဘ အထောက်အပံ့မပါဘဲ မရပ်တည်နိုင်။ ထို့ကြောင့် ဦးအောင်ကြီး၏လက်အောက် က မလွတ်မြောက်နိုင် သေး ဟု ဆိုရမည်။ တစ်အိုးတစ်အိမ်ခွဲနေလည်း သိပ်တော့မထူး။ ပေါ်ဋ္ဌေးတို့ကောင်တွေတောင် ခုထိ ဦးအောင်ကြီးရဲ့စက်ကွင်းက မလွတ်နိုင်သေးတာဘဲ။
"ဦးလေးအောင်... နေကောင်းလား"
ပေါ်ဋ္ဌေးက နှုတ်ဆက်လိုက်သည်။ ဦးအောင်ကြီးက မော့ကြည့်ပြီး-
"လာပြန်ပြီ တစ်ကောင်"
ဟု တုံးတိတိကြီး ပြောလိုက်သဖြင့် ပေါ်ဋ္ဌေး ကြောင်အအဖြစ်သွား၏။ ထိုစဉ်မှာ အောင်ချိုတို့အမေ ထွက်လာသည်။ မျက်နှာထားကို အကဲခတ်ကြည့်ခြင်းအားဖြင့် အဘိုးကြီး ဒေါကန်နေကြောင်း ရိပ်မိ လိုက်၏။ ထို့ကြောင့် ဆက်တီခုံ မှာ ခပ်ကုပ်ကုပ်ကလေး ၀င်ထိုင်လိုက်ပြီး- "အောင်ချို ရှိလား ဒေါ်ဒေါ်" ဟု အဘွားကြီးကို ဦးတည်မေးလိုက်သည်။
"မင်းကောင်ကို ငါ အိမ်ပေါ်က နှင်ချလိုက်ပြီ" ဟု ဦးအောင်ကြီးက လှမ်းပြောသည်။
"ဗျာ..."
"အေး... ဟုတ်တယ်၊ အကြောင်းစုံသိချင်ရင် အဲဒီမှာ မေးကြည့်"
အဘွားကြီးဘက် မေးငေါ့ပြရင်း ပြောလိုက်ပြီး စာပြန်ဖတ်နေသည်။ အဘွားကြီးက ကုလားထိုင်မှာ ၀င် ထိုင်သည်။ ပေါ်ဋ္ဌေးက ဘယ်လိုဖြစ်တာလဲဆိုသော သဘောမေးဆတ်ပြသည်။
"အောင်ချိုတို့လင်မယား နေ့လယ်က ရန်ဖြစ်ကြတယ်"
"သူတို့က မကြာခဏ ဖြစ်နေကျပဲ ဒေါ်ဒေါ်ရာ"
"ဒီတစ်ခါတော့ မင်းသူငယ်ချင်းက လက် ပါလာတယ်"
"လက်..."
"သူက စီစီ့ကို လည်ပင်းညှစ်တယ်လေ၊ စီစီက အော်တော့ မင်းဦးလေးက သိသွားတာပေါ့၊ အဲဒါ စိတ်ဆိုးပြီ"
"အေး... အဲဒါကြောင့် ငါ ဒီကောင့်ကို လက်သီးနဲ့ထိုးပြီး အိမ်ပေါ်က နှင်ချလိုက်ပြီ၊ ဘယ့်နှယ်ကွာ... တစ်ဖက်သားက အားနွဲ့တဲ့ မိန်းကလေး၊ လင့်တစ်မျက်နှာ တစ်ရွာထင်ပြီး ငါတို့အိမ်မှာလာနေရရှာတာ၊ ဒီလို တစ်ဖက်သတ် အနိုင်ကျင့်တာမျိုး ငါ သည်းမခံနိုင်ဘူး"
အဘိုးကြီးက ၀င်ပြောပြန်သည်။
"အခု အောင်ချိုက ဘယ်မှာသွားနေလဲ"
"သူ့ယောက္ခမအိမ်ပဲ သွားမှာပေါ့"
ပေါ်ဋ္ဌေး အံ့သြသွားပြန်သည်။ လင်မယား ရန်ဖြစ်ရာမှ အဖေလုပ်တဲ့သူက ချွေးမဘက်က ပါသည်။ သား ဖြစ်သူကို လက်သီးနှင့်ထိုးပြီး နှင်ချသည်။ ထိုအခါ အဲဒီကောင်က ယောက္ခမအိမ်ကို ဆင်းသွားသည်။ အတော် ထူးဆန်း တဲ့ကိစ္စပဲ။ ဘယ်လို နားလည်းရမှန်းတောင် မသိတော့။
"အောင်ချိုဆိုတဲ့ကောင်က သူ့ယောက္ခမဆီသွားပြီး ပပ်ချွဲနပ်ချွဲ လုပ်မှာပေါ့၊ ဟိုလင်မယားကလည်း ခပ် တုံးတုံးတွေ၊ သမက်ပြောသမျှ ယုံမှာပဲ"
အဘိုးကြီး စာပြန်ဖတ်နေသည်။ အဘွားကြီးက ထထွက်သွားသည်။ ခဏအကြာတွင် စီစီ ထွက်လာပြန် သည်။
"စီစီ နေကောင်းလား"
ဟု ပေါ်ဋ္ဌေးက နှုတ်ဆက်သည်။ စီစီသည် ပေါ်ဋ္ဌေးကို အောင်ချို့ဘက်တော်သားဟု သတ်မှတ်သလား မသိ။ သိပ် ဟက်ဟက်ပက်ပက် ရှိပုံမရ။ လည်ပင်းကို လက်နှင့်ပွတ်နေပြီးမှ-
"ကိုပေါ် သူ့ဆီ လိုက်သွားမှာလား"
ဟု မေးသည်။ ပေါ်ဋ္ဌေးက ဦးအောင်ကြီးဘက် တစ်ချက်ငဲ့ကြည့်ရင်း-
"အဲ... သိပ်တော့ မသေချာပါဘူး"
"တကယ်လို့ သူ့ကို တွေ့ရင် အဲဒီအိမ်ကိုတော့ စီစီ ဘယ်တော့မှ လိုက်လာမှာမဟုတ်ဘူးလို့ ပြောလိုက် ပါ၊ ဒါပဲ"
ဟု ပြောပြီး ခြေဆောင့်နင်းရင်း ပြန်ထွက်သွားသည်။ ပေါ်ဋ္ဌေးတစ်ယောက်တည်း ခဏကြာအောင် ကြောင်တောင်တောင် ငိုင်နေသည်။ ပြန်ဖို့ အချိန်တော်ပြီ။ သူ ထရပ်လိုက်ပြီး-
"ကျွန်တော် ပြန်ပါဦးမယ် ဦးလေးအောင်"
ဟု လှမ်းနှုတ်ဆက်သည်။ ဦးအောင်ကြီးက သူ့ကို စူးစူးရဲရဲကြီး ကြည့်ပြီး ပြောလိုက်သည်။
"မင်းလည်း ကြပ်ကြပ် သတိထားနေ"
ပေါ်ဋ္ဌေး လန့်သွားသည်။ သူတို့အကြောင်းတွေများ သိသွားပြီလား။ ရင်ရင်ငြိမ်းကများ လာတိုင်သွားပြီ လား။ မရဲတရဲ အကဲခတ်ကြည့်သည်။ ဦးအောင်ကြီးသည် ဘာမှထူးခြားဟန်မပြဘဲ မဂ္ဂဇင်းစာအုပ်ကို သာ ပြန်ဖတ်နေတာ တွေ့မှ ပေါ်ဋ္ဌေး စိတ်သက်သာရာရသွား၏။ ကိုယ်ကို ယို့၍ ခေါင်းငုံ့ပြီး အသာ လစ် ထွက်လာခဲ့သည်။
တံခါးဝမှထွက်လာသောအခါ အပြင်မှာ ရပ်စောင့်နေသော အဘွားကြီးကို တွေ့ရသည်။
"မင်း... ဟိုအိမ် သွားမှာမဟုတ်လား"
ဟု မေးသည်။ ပေါ်ဋ္ဌေး ခေါင်းညိတ်ပြလိုက်ရသည်။
"အောင်ချို့ကို ဒါလေး ပေးလိုက်ပါ"
ပြောပြီး စာအိတ်တစ်အိတ်ပေးသည်။ လက်တစ်လုံးလောက် ထူသည်။ ကြည့်ရတာ အထဲမှာ တစ်ထောင်တန် ငွေစက္ကူတစ်အုပ် ထည့်ထားပုံရသည်။
အိမ်တံခါးဖွင့်ထားသည်။ အထဲမ၀င်ခင်မှာပင်-
"အား... နာတယ် အမေရဲ့"
ဆိုသော အောင်ချို့အသံကို ကြားရသည်။ ပေါ်ဋ္ဌေး အိမ်ထဲ ၀င်လိုက်သောအခါ ဧည့်ခန်းထဲမှာ အောက် ပါမြင်ကွင်းကို တွေ့ရလေသည်။
ယောက္ခမအဘွားကြီးသည် အောင်ချို၏ပါးနှင့် မေးရိုးကို ဆေးလိမ်းပေးနေသည်။ အဘိုးကြီးက လက် နောက်ပစ်ပြီး အခန်းထဲမှာ ခေါင်တုံ့ခေါက်ပြန် လမ်းလျှောက်နေသည်။
"အရိုးများ ကျိုးသွားသလား မသိဘူး"
ဟု အဘွားကြီးက စိုးရိမ်သော လေသံဖြင့် ပြောသည်။ အဘိုးကြီးက-
"ကျိုးတော့ မကျိုးလောက်ပါဘူး၊ ကျိုးရင် ဒီလို ဘယ်နေနိုင်မလဲ"
ပြန်လည် မှတ်ချက်ပေးနေစဉ် အဘွားကြီးက ပေါ်ဋ္ဌေးကို အရင်မြင်သည်။
"မောင်ပေါ်ဋ္ဌေးပါလား၊ ဟောဒီမှာ မင်းသူငယ်ချင်းတော့ အာဠာဝက လက်ချက်မိလာတယ်"
ဟု ဆီးပြောသည်။ အောင်ချိုက "ကျွတ် ကျွတ်..."ဟု ညည်းလိုက်ရင်း-
"ထိုင်ကွာ"
ပေါ်ဋ္ဌေး ၀င်ထိုက်သည်။ အဘွားကြီးက-
"ကိုအောင်ကြီးတစ်ယောက်ဟာ သိပ်ရက်စက်တာပဲ၊ အဖေရင်းမှ ဟုတ်ရဲ့လား မသိဘူး"
ဟု မကျေမချမ်းပြောသည်။ ထိုစကားမှာ အဘိုးကြီး စိတ်ကိုလည်း ဆွပေးလိုက်သလို ဖြစ်သွားပြီး-
"ဆုံးမတာလည်း ဆုံးမပေါ့ကွာ၊ ဒီအရွယ်ကြီးရောက်နေမှ ပါးစပ်ကပြောရင်လည်း ရပါတယ်၊ ဒီလို တဆုံးတဆ လုပ်စရာမလိုပါဘူး၊ ကိုအောင်ကြီး ဆိုတဲ့လူဟာ တကယ့် ဒေါသကုမ္မာရပဲ"
"ရှင့်သမီးရဲ့ စနက်လည်း ပါနိုင်တယ်"
"အေး... ဒါလည်း ဟုတ်တာပဲ၊ စီစီဟာ တိုးတိုးတိတ်တိတ် ကျိတ်ပြီး ပြဿနာရှာတတ်တယ်၊ ကိုယ့် သမီး အကြောင်း ကိုယ် သိတာပေါ့"
"အခုလည်း သူက ယောက္ခမတွေကို ကပ်ပြီး သွေးထိုးပေးတာ ဖြစ်မှာပေါ့၊ ဟိုကလည်း ပြောသမျှ ယုံမှာ ပဲ၊ စီစီက ချွဲချွဲပျစ်ပျစ် လုပ်တတ်တာကိုး"
ပေါ်ဋ္ဌေးမှာ ကျိတ်ပြီး ရယ်ချင်နေ၏။ လူကြီးများမှာ ခုလိုပဲ စွဲမိစွဲရာတွေ ဖြစ်တတ်သလား မသိ။ ကြည့်ရ တာတော့ အောင်ချိုက စီစီ့ကို သူလည်ပင်းညှစ်တဲ့အကြောင်းကိုတော့မပြောဘဲ ထိမ်ချန်ထားပုံရသည်။
"ကဲ ကဲ... စိတ်ပြေလက်ပျောက် အပြင်လေး ဘာလေး ထွက်ကြပါလားကွ"
ဟု အဘိုးကြီးက စကားစ တော့ အဘွားကြီးက-
"အို.. အပြင်မှာ မိုးက အေးသနဲ့၊ တော်ကြာ ဒဏ်ရာက ပိုရင်းလာပါဦးမယ်"
"ဒီတော့လည်း ရမ်နှစ်ပက်လောက် ချလိုက်ပေါ့၊ သွေးပူသွားရင် သက်သာသွားမှာပဲ"
"ရှင်က မြှောက်ပေးနေပြန်ပြီ"
"အဲ အဲ... ငါ့ဆီမှာ သားအကြီးကောင် ပေးထားတဲ့ ဘရန်ဒီတစ်ပုလင်း ရှိတယ်ကွ၊ ယူသွားပါလား"
"တော်ပါပြီ အဖေ၊ ကျွန်တော်တို့ လက်ဖက်ရည်ပဲ သွားသောက်တော့မယ်"
လက်ဖက်ရည်ဆိုင်ကို ထွက်လာကြတော့မှ ပေါ်ဋ္ဌေးက မေးသည်။
"စီစီကို မင်းလည်ပင်းညှစ်တဲ့ကိစ္စကိုတော့ မပြောဘဲ လျှိုထားတယ် မဟုတ်လား"
"ဟာ... လည်ပင်းညှစ်တာ မဟုတ်ပါဘူးကွာ၊ တစ်ချိန်လုံး ဗျစ်တောက် ဗျစ်တောက်နဲ့ ပြဿနာရှာလို့ စိတ်တိုပြီး ပခုံးကို လက်နဲ့ဖိပြီး တွန်းလိုက်တာကို စီစီက ကယ်ကြပါဦး... ကျွန်မကို လည်ပင်းညှစ်သတ် နေပါတယ်လို့ အော်တော့ အဘိုးကြီးက ပြေးဝင်လာပြီး ဘာမပြော ညာမပြောနဲ့ ပိတ်ထိုးတာကွ"
လက်ဖက်ရည်ဆိုင်မှာ ထိုင်မိကြတော့ ပေါ်ဋ္ဌေးက အောင်ချို့အမေ ပေးလိုက်သော စာအိတ်ကို ထုတ် ကမ်းလိုက်သည်။ အောင်ချိုက စာအိတ်ကိုဖွင့်၍ ဟကြည့်ပြီး- "ပိုက်ဆံတွေကွ" ဟု ပြောရင်း သက်ပြင်း ချသည်။
"ဒါဟာ ငါ တော်တော်နဲ့ အိမ်ပေါ်ပြန်တက်ခွင့်ရမှာ မဟုတ်ဘူးလို့ အချက်ပြလိုက်တဲ့ သဘောပဲကွ၊ မင်း မရောက်ခင်ကတည်းက ဟိုဘက်အိမ်နဲ့ ဒီဘက်အိမ် ပြဿနာဖြစ်ကြသေးတယ်"
အောင်ချို ဒဏ်ရာကြီးနဲ့ ဖူးရောင်ပြီးရောက်လာတော့ ယောက္ခမအဘွားကြီးက စီစီ့ဆီ ဖုန်းလှမ်းဆက်ပြီး ဆူပူကြိမ်းမောင်းသည်။ အောင်ချိုက လည်ပင်းညှစ်ပါတယ် ပြောတာကို မယုံ၊ ညည်း ပလီပလာလုပ် တာ... ဟု ဆိုသည်။ ထိုအချိန်တွင် အောင်ချို့အမေက ဖုန်းကို လွှဲယူပြီး ၀င်ပြောသည်။ ဒီဘက်က အဘွားကြီးက စကားပိုတတ်သဖြင့် အောင်ချို့အမေ ခံနေရသည်။
ထိုအခါ ဦးအောင်ကြီးက ဖုန်းကို ဆွဲလုပြီး ၀င်ပါလာသည်။ သူက ဖိဟောက်နေသဖြင့် ဒီဘက်က အဘွားကြီးက-
"ရှင် ကျွန်မကို ငေါက်စရာမလိုဘူး။ ကိုယ့်ချွေးမ ကိုယ် နိုင်အောင် ထိန်း"
ဟု ပြန်အော်သည်။ နောက်တော့ ဒီဘက်က အဘိုးကြီးကပါ ၀င်ပြောရင်း လူကြီးနှစ်ယောက် ငြိကုန်ကြ သည်။ ဦးအောင်ကြီးက-
"ခင်ဗျားလို ခွက်ပုန်းနဲ့ စကားပြောရတာ ကျုပ် သိက္ခာကျတယ်"
ဆိုသဖြင့် ဒီဘက်က အဘိုးကြီး ပေါက်ကွဲပြီး-
"ခင်ဗျား သတ္တိရှိရင် နှစ်ယောက်ချင်း ချမလား"
ဟု ချဲလင်း ခေါ်တဲ့အထိ ဖြစ်ကုန်သည်။
"အဲဒါပဲကွ၊ အခြေအနေက တော်တော်တင်းမာသွားတာ၊ ငါတော့ ဒီအိမ်မှာ တစ်လ ကိုးသတင်း သောင် တင်နေတော့မှာပဲ"
ဟု အောင်ချိုက ပြောသည်။ ပေါ်ဋ္ဌေးလည်း စိတ်ဓာတ်ကျသွားတာပါပဲ။ အောင်ချိုတို့ ပြဿနာနှင့် လာ တိုးနေသဖြင့် သူ့လာရင်းကိစ္စကို ပြောဖို့ခက်သွားပြီကိုး။
"အဲဒါ မင်း ငါ့ကို ကူညီပါလား သူငယ်ချင်းရာ"
အောင်ချို က လေပျော့ကလေးဖြင့် ပြောသည်။
"ဘယ်လို ကူညီရမှာလဲ"
"အဖေ့ကို မင်း ပြောပေးပါလား"
"ဟာ... မဖြစ်ဘူး၊ အခုတောင် မင်းလည်း ကြပ်ကြပ်သတိထားလို့ ငါ့ကို ကြိမ်းလိုက်သေးတယ်၊ ငါ မပြောရဲဘူး"
"အမေကတစ်ဆင့် ပြောရင် ရနိုင်ပါတယ်"
အောင်ချို့အကြောင်း သူသိသည်။ ဒီကောင်က စီစီနဲ့ ကြာကြာခွဲနေနိုင်သူမဟုတ်။ ပေါ်ဋ္ဌေး အကြံတစ်ခု ရသွားသည်။
"အေးကွာ... စီစီက ဒီအိမ်ကို သူ ဘယ်တော့မှ လိုက်လာမှာမဟုတ်ဘူးလို့ ပြောတာ စိတ်ထဲက တကယ်ပါလို့ မဖြစ်နိုင်ဘူး၊ လူကြီးတွေ ရှေ့မှာမို့လို့ မင်းအဘိုးကြီး ကျေနပ်အောင် ပြောတာ ဖြစ်လိမ့် မည်။ သူ့ မျက်နှာကတော့ နည်းနည်းညှိုးနေသလိုပဲ"
"ဟုတ်တယ်၊ ဖြစ်နိုင်တယ်၊ စီစီ့အကြောင်း ငါ သိတယ်၊ ငါ့အပေါ်မှာ ကြာကြာစိတ်ဆိုးမှာ မဟုတ်ဘူး"
"ငါ စိတ်ကူးတာက ဒီလိုကွ၊ စီစီ့ကို အရင်သွားစည်းရုံးမယ်၊ အဲဒီကမှတစ်ဆင့် မင်းတို့အမေကို ပြော မယ်။ ဒီနည်းနဲ့ မင်းအဘိုးကြီးကို ချဉ်းကပ်ရမယ်"
"ကောင်းတယ်ကွာ၊ ကောင်းတယ်၊ မင်းကို ငါ အားကိုးပါတယ် သူငယ်ချင်းရာ"
သူ့အပေါ် ပုံပြီး ယုံကြည်မှုရှိပြီဆိုတော့မှ ပေါ်ဋ္ဌေးက
"တစ်ခုတော့ ရှိတယ်ကွာ၊ မင်းကိစ္စ အဆင်ပြောသွားပြီးရင် မင်း ငါ့ကို ပြန်ပြီး အကူအညီတစ်ခု ပေးရမယ်"
"ဘာလဲ ပြော"
"အဲဒီအချိန်ကျမှ ပြောမယ်"
"ဟင်... မင်းဟာက ဘာမှန်းလဲ မသိဘဲနဲ့"
"မင်းကို လုံးဝထိခိုက်နစ်နာမှု မဖြစ်စေရဘူး။ ငါ့ကိုယ်ရေးကိုယ်တာကိစ္စပဲ ဘယ့်နှယ်လဲ"
"ဒါဆို ပြီးရောကွာ"
"မင်း ကတိပေးတယ်နော်"
"အေး... ပေးတယ်"
အောင်ချိုက ခဏစဉ်းစားလိုက်ပြီး-
"ငါ စိတ်ကူးတစ်ခု ရတယ်ကွ။ ငါ့ကိစ္စ ရင်ရင်ငြိမ်းကို အကူအညီတောင်းရင် ကောင်းမယ်ထင်တယ်၊ သူ ပြောရင်တော့ အဖေက လက်ခံမှာပဲ"
လာပြန်ပြီ ရင်ရင်ငြိမ်း... ဟု ပေါ်ဋ္ဌေး စိတ်ထဲက ရေရွတ်လိုက်ပြီးမှ-
"မဖြစ်ဘူး။ ရင်ရင်ငြိမ်းက အနှောင်းတို့၊ ဒေစီပွင့်တို့ မြရီဝင်းတို့ကို လျှောက်ပြောချင်ပြောမှာ၊ လူသိများ ရင် စကားတွေ ရှုပ်ကုန်မယ်၊ မင်းလည်း သိက္ခာကျသွားလိမ့်မယ်။ မင်းလည်း ရင်ငြိမ်းဆီ ဖုန်းတွေ ဘာ တွေ မဆက်နဲ့၊ သိလား"
ဟု တစ်ခါတည်း နှုတ်ပိတ်ထားလိုက်ရ၏။
-------------------------------------------------
ကံညွန့်မောင် အိမ်ကို ရောက်လာပြီး ပေါ်ဋ္ဌေးဆီက ဟိုတစ်ခါ ချေးထားခဲ့သော ငွေကို ပြန်ဆပ်သည်။
"ငါလည်း အစောကြီးကတည်းက လာပြန်ပေးမလို့ပါဘဲ၊ သုံးစရာလေးတွေက ပေါ်ပေါ်လာတာနဲ့ နည်း နည်းနောက်ကျသွားတယ်ကွာ၊ ဟဲ ဟဲ"
"ရပါတယ်ကွာ၊ ငါက ဆုံးပြီလို့တောင် တွက်ထားတာ" ဟု ပေါ်ဋ္ဌေးက နောက်လိုက်သည်။
"ဒီလိုမှန်းသိရင် ပြန်မပေးပါဘူးကွာ" ဟု ကံညွန့်မောင်က ရယ်ရင်း ပြောသည်။
"မင်းရဲ့သားတွေကောကွ"
"ဟာကွာ... ယောက်ျားလေးတွေ မွေးထားရတာ မစားသာပါဘူး၊ တော်တော်ဆိုးတဲ့ကောင်တွေကွာ၊ ငါ ငယ်ငယ်တုန်းကအတိုင်းပဲ၊ မနိုင်ဘူး"
"မင်း ၀ဋ်လည်တာ ထင်တယ်"
"အေးကွ၊ ဟုတ်မယ်။ ဒါနဲ့ ရင်ရင်ငြိမ်းကော"
"မသိဘူး"
"ဟင်... မင်းကလည်း"
"ဟုတ်တယ်ကွ၊ သူ့ကို ငါ လိုက်ပြီး စောင့်ကြည့်နေတာမှ မဟုတ်ဘဲ၊ တစ်ခါ တစ်ခါကျရင် သူ ဒီအိမ်မှာ ရှိနေသေးလား။ မရှိတော့ဘူးလား ဆိုတာတောင် မေ့မေ့နေတယ်"
"မင်းတို့ဟာကလည်းကွာ၊ သိပ်ချစ်ခဲ့ကြရက်သားနဲ့၊ ဘာပြဿနာတွေ ဖြစ်ခဲ့ကြတာလဲဆိုတာ ငါ့ကို ပြောမပြနိုင်ဘူးလား"
"မသိချင်ပါနဲ့ကွာ၊ ကိုယ့်အကြောင်းနဲ့ ကိုယ်ပါ"
"ငါတို့ ကူညီပြီး ဖြေရှင်းပေးနိုင်မယ်ဆိုရင်..."
"ဟေ့ကောင်.. ဒါနဲ့ ရဲမော် နောက်ဆုံးဖော်ထားတဲ့ ဆေးဆိုတာ မင်း စမ်းသောက်ကြည့်ပြီးပြီလား"
ဟု ပေါ်ဋ္ဌေးက စကားလွှဲလိုက်သည်။ ဒါမျိုး စိတ်ဝင်စားတတ်သော ကံညွန့်မောင် က လည်း အာရုံ ပြောင်း သွားပြီး စပ်ဖြဲဖြဲ လုပ်ရင်း-
"စမ်းပြီးပြီ၊ မဆိုးဘူး၊ နိုင်ငံခြားဆေးတွေနဲ့ ယှဉ်နိုင်တယ်"
"မင်းကတော့ကွာ၊ နွားသိုးကို အတောင်ပံ တပ်ပေးလိုက်သလို ဖြစ်နေပြီ"
"အမယ်... ရဲမော်က ဒီဆေးကို ဖွဲတစ်ဆုပ်အားဆေး ဆိုပြီး စီးပွားဖြစ်ထုတ်ဖို့တောင် စိတ်ကူးနေပြီ၊ အင်း... မင်းအတွက်တော့ အသုံးဝင်မှာ မဟုတ်ပါဘူးကွာ၊ မင်းက အခု အလုပ်လက်မဲ့ ဖြစ်နေပြီပဲ"
"ဘာအလုပ်လက်မဲ့လဲ"
"မင်းတို့လင်မယားက ခပ်စိမ်းစိမ်းဖြစ်နေကြပြီ မဟုတ်လား၊ ဒါကြောင့် မင်း အလုပ်လက်မဲ့ ဖြစ်နေပြီလို့ ပြောတာ"
ပေါ်ဋ္ဌေးက မချိုပြုံး ပြုံးနေလိုက်သည်။ ကံညွန့်မောင်က ဆက်၍-
"ဒါကြောင့် ငါ မင်းကို မကြာခဏ ပြောတယ်၊ အိမ်ကွင်းမှာ မကန်ရရင် အဝေးကွင်းမှာ ကန်ပေါ့ကွာ"
"ဟာ... ငါ ဒါမျိုးတွေ ၀ါသနာ မပါဘူး"
"မင်း မကြုံဖူးသေးလို့ပါကွာ"
"ငါက ရွံတတ်တယ်ကွ၊ တခြား မိန်းမ တွေ ဆိုရင် မသတီဘူး"
"အိမ်က ကားပျက်နေတဲ့အခါ တက္ကစီငှားစီးသင့်ရင် စီးရတာပဲ၊ တစ်ခါတလေ တက္ကစီကတောင် ပိုပြီး ဇိမ်ကျနေသေးတယ်"
"မင်းကတော့ကွာ... ခုထိ မမှတ်သေးဘူးလား၊ ဒီတစ်ခါဆိုရင် ငါ ပိုက်ဆံမချေးတော့ဘူးနော်"
ဆက်ရန်
.
>>>ဆက်ဖတ်ရန်>>> >>
