Vinterturliv med tur nr. 12 og 13.

Vekene fyk avgårde, og det er allereie langt uti mars. Me har ikkje greid å få oss ein tur kvar veke, iallefall ikkje i lag. Gubben har vore to helger på tømmerhogst, så då går nå tida. Men me er jo eigentleg i rute. Veke 11 - og tur nr. 12 og 13  blei unnagjort. 2 dagar på ski. I tillegg har eg meg nokre bonusturar! Godt å lufte seg litt på eigenhånd og.

Men nå har me vore på tur. Vintertur. Heime er det fint og vårleg - det har faktisk ikkje vore nokre dagar med snø her på Jæren denne "vinteren". Det liknar mest på haust. Men me er glad i snøen - likar godt å gå litt på ski. Me har mange gonger tenkt me skulle pakke sekken og gå inn til ei av turisthyttene som ligg i fjellheimen nærmast oss. Og denne helga passte det å gjennomføre ein slik tur. Strålandes sol, gode vermeldingar, god tid, god mat i sekken - det vart ei fin helg.

Me starta frå Ådneram, øverst i Sirdalen, lørdag føremiddag. Målet var Taumevatn turisthytte, ca 12 km lenger inne. Strålandes sol og ganske bra føre, det blei ein flott tur innover. Litt skareføre var det, men det blei bedre jo lenger innover og oppover me kom. Mange andre var og ute på tur i dag, nokre vart nok lokka av vaffesalget som dei hadde på hytta. Me fekk god tid til å nyte sola i hytteveggen, og kose oss med strikketøy og lesestoff i hytta. Her var ein del folk, mange med ganske små ungar. Det er imponerandes når både ungane og baggasje må sitta i pulk!

Det er kjekt å vere på tur med Gubben. Det er reine husmorferien. Han både bærer all maten, lagar den fint til og serverer den. I tillegg ordnar han med oppvasken (eg bare tørker). Han diskar og opp med flotte matpakkar. Kan det bli betre?

Om kvelden blåste det veldig opp, men det var heldigvis ikkje så mykje laussnø som kunne fyke rundt. Så då me vakna søndag morgon var det framleis ein del vind, men klar og god sikt, slik at heimturen kunne gå greit. Litt støle og stive - kjenner det i "plogemusklane", men med gode minner om ein fin tur til fjells.

Ut på tur!

Det er mykje snø i fjellet i år.
Dette er eit skilt i vanleg størrelse!

Framme ved hytta.
Taumevatnhytta ligg på ca 800 moh

Vinterfjell.

Gubben hadde laga kjempegod niste!

Strikkepause i solveggen.

Snart kveld.

Litt snøføyk før sola forsvant.

Nydelig biffmiddag med kantarell og løk.
Og rotmos frå pakke!
Litt grønnsaker fekk og vere med i sekken.

Gubben var godt forberedt til tur.
Han hadde nemleg laga seg ein mjølblanding
som han laga kjempegodt brød av på morgenkvisten.
Andre hyttebuara blei nesten misunnelege.

Smakte veldig godt med ost og syltetøy på.

Klare for heimtur.
Litt meir vind i dag.
Godt med gode kler.

Ikkje vanskeleg å finne vegen
Når løypa var så godt kvista.

Takk for turen, Terje! Det var ein flott tur!

Neste tur vert kanskje meir vårleg?!

Vinterferien 2015.

Ei friveke  er over - me har hatt ein god pause frå kvardagen. Gode avslappandes dagar, både heime og på tur.  Onsdag ettermiddag drog me til fjells, til Bortelid - ei lita li langt borte! Me hadde skiutstyr, strikketøy, tjukk bok, varme kler, og god mat i sekken, og var klare for fine skiturar. Herlig. Ikkje heilt topp ver heile tida, men brukbart. Kjekt å gå tur i lag med gode venner. Tilsaman fekk me gått 45 km på ski - det er me godt fornøyde med. Og utruleg kjekt å gå på ski igjen. Så sjølv om den eine tåa alltid blir blå og hoven, og svetten renn nedover ryggen i motbakkar - så er det verd strevet når me suser nedover bakkane igjen. På eine turen fann me ein liten cafè inni fjellheimen og - det sette ein ekstra spiss på turen! Knallgodt med nysteikte vafler med brunost på tur.

Og dermed var tur nr. 9, 10, og 11 gjennomført. På alle hadde me niste med oss, turkler på og loggen er utført i turboka vår. Godt å ligge litt på pluss-sida.

Kjekt å vere til fjells.
Damene i blått
og røde gubbar.

Eg trur Gubben smugtrener på splitthopp!
Han får det til med ski på beina og!

Eg er visst best med ein fot i lufta!
Hurra for skitur!

Pause.

På toppen av skitrekket!
Like blid som sola.

Åpen cafè midt på fjellet -
i ei lita jakthytte.

To tyske damer selde heimelaga gode kaker
kaffi og kakao
og nysteikte vafler.

Fjell-luksus

Utsikt frå ein gapahuk!
Godt å ha eit mål for rastepausen.

Vårsola varmte litt!
Nydeleg etter mange regndagar!

Vinterferien 2013

Så var friveka over, og kvardagen er i ferd med å innhenta oss igjen. Det er godt å ha ein slik pause. Litt heimedagar, og så nokre gode avslappandes dagar på hytta. To ungdommar var med i baksetet, masse skiutstyr, mat, strikketøy og godt humør. Me fekk nok ikkje like fint ver desse dagane som i starten av ferien. men kva gjer vel det når me har godt lag! Skitur til Bjødnabu i sterk kuling, og bestiging av Natlandsnuten  i Suldal på nesten 1000 m, var store bragder! Langt og litt tungt opp, blåsandes på toppen - og enormt vanskeleg å finna vegen ned at. Hadde ikkje Gubben hatt GPS, og kunne bruka den, hadde me slete veldig. Enormt jordmørkt, avblåste spor, og humpete underlag gjorde at me trilla nedover fjellet - kvar vår gong. Men me kom oss ner, med blåflekkete bein og vondt halebein, men det går nok over. Då var det godt å finna strikketøyet og siga ner i godstolen. Og ha ein god spelerunde kvar kveld. Dei unge lot seg begeistre av Domino, og Ticket to Ride og Settlers var og spel me koste oss med. Takk for ein fin ferie. I morgon ventar blide skuleungar!

Klar for spel.

Kjekt med Domino.

Kan vere blåsandes på tur!

"Opp der skal me nok!"

På toppen!
Stor stas - og flott varde!

Årets første strikkestund i solveggen!
Herlig!

Heile Kådavågen var tilfrosen.
Det var sjeldant - me har visst aldri sett det før!

Årets første utemåltid ved grua!
Pølser og vafler på menyen.

Gubben fekk nytt vaffeljern til jul
- kjekt å prøva og det funka utmerka!

Det er servert!

Fin frukost for fine folk.

Marshmellows-sundag!

Me har hatt ei nydeleg helg, strålandes sol i fleire dagar, kuldegrader og kaldt flott ver. Ei kjekk helg, med vennesamvær både fredag og lørdag, og flott tur langs stranda på sundagen. Mens me gjekk der i vannkanten og nøyt solstrålene, tikka det inn ein kjempekoseleg melding frå gode venner:" Har tent opp i bålpanna i hagen! Lyst på kakao og bollar? Ta med reinsdyrskinnet!" Sjølvsagt hadde me det! Utruleg koseleg å få slike innvitasjonar. Kakao, marshmellows-snømenn, kanelsnurrar, bål, brente mandler, mandariner -  det første måltidet utedørs dette året! Ein god start på utesesongen! Tilslutt vart helga avslutta med koseleg familieselskap hos Rekkehus-Guro & Sebastian! Veldig koseleg å gå på besøk til ungane - litt rart når dei har flytta ut. Ellers vart det tid til litt strikking innimellom. Gubbe-jakken, Camille-sjalet og tunikaen har blitt litt lenger, Dvs - gubbe-jakken rakk eg opp igjen ein god del på, men nå er eg på veg oppover igjen. Ikkje alltid lett å vere fornøyd med ein gong. Syns pinnane vart for tjukke:-)

Mange var ute på tur i dag.

Fine steinar - med lange vinterskyggar.

Flott marshmellowsnømann - smakte godt i vintersola!

Innbydandes serveringsbrett!
Alltid kjekt å komma på besøk der i huset

Flott å vere i lag med gode venner

Eg ønsker meg ei slik.....

Og så litt strikking:

Eg trur det blir fint dette.

Kan bli bra dette og!

Litt igjen ennå,
men det nærmar seg slutten.

Ut av dvalen!

Sola er tilbake! Etter 2 1/2 måned skin endeleg sola på huset vårt her innerst i Krongleveien. Det kjennest godt. Me har jo sett sola i mellomtida, men ikkje heime hos oss. Litt rart, når me bur på flate Jæren. Men slik er det. To hus her innerst ser misunneleg på nabohusa som ligg der og bader i sol heile året! Men det har sine fordeler og: Me slapp å vaske vindua til jul, me såg ikkje kor gale det var. Støvet på golvet viste heller ikkje så godt. Men nå kan ingenting skjulast! Gjett kven som har ein stor jobb føre seg nå? Eg trur me stemmer på gubben! Me kan nesten ikkje sjå ut pga saltråk.

Me gler oss til sol og vår!