Vottedagen 2016

14.oktober er det vottedagen, 

i følge gamle primstavar. 

Då er det på tide å ta fram vottane og ta dei i bruk. 

Dette har dei "feira" på Instagram. 

I år vart det mange flotte bilder av fantastiske vottar. 

Veldig kjekt å sjå.  

Pinneguri som sette i gang dette på Insta oppfordra alle til å strikke vottar ute i det offentlige rom. 

Denne utfordringen måtte prøvast. 

Sidan eg er på hytta,  tok eg med meg Gubben og to strikketøy 

og drog inn til Hjelmelands ferjekai. 

Der står det nemleg ein kjempestor Jærstol, 

dei lagar nemleg mange slike stolar -i  normal størrelse- her i bygda. 

Den store stolen passa godt til å sitte å strikke på, tenkte eg. 

Litt strevsomt å komme seg oppå, men det gjekk. 

Litt lite grasiøst, men det gjer ingenting. 

Opp kom eg, og strikka fekk eg.

Ikkje lett å sjå kva vottar eg strikkar,
men det er Snøhvit frå Eventyrvottar.

I tilleg fann eg fram alle strikkevottane me hadde på hytta og hengte dei ut til lufting. Artig det og!

Eg har ikkje strikka alle sjølv,
men desseer ofta i bruk på hytta.

Har nok endå fleire fine par heime, i allefall i gåvekorga mi. Får vise dei ein annan gong.

Ei lysande framtid - versjon 2.

Eg er ferdig. Igjen! Nok eit tulleprosjekt er avslutta. 2 år sidan forrige gong. Ein ny lysandes ullstolpe er på plass i Konglevegen. Til glede eller forargelse? Mest glede, trur eg. Mens eg stod ute i sol og vind og monterte strikkeriet på plass, kom fleire av naboane med kommentarar. Han eine lurte til og med om nokon hadde fjerna den gamle, e-verket feks. "Eg likar den stolpen, då er det så lett å forklare vegen til meg! Det var jammen godt du strikka ein ny!" Kjekt å få slike kommentarar.

Eg har brukt ca 2 mnd på prosjektet, og garn type Smart og Per Gynt. Denne gong har eg vore litt ukritisk i fargevalg - dermed vart stolpen ennå meir fargerik. Eg trengte litt Gubbe-hjelp for å få "pølsa" heilt til topps, likar meg ikkje så godt øverst i stigen.

Eg er spent på korleis det går denne gongen med fargane i sola. Sist starta falme-prosessen ganske fort. Eg håpar på lenger levetid nå. Dersom denne blir like falma som den første, har eg bestemt meg for eit 3.forsøk. Men då skal eg bare bruke akryl-garn! Tenkte at sånn plastikk-greier kanskje held betre på fargen? Er det nokon som har erfaring med den type garn? Eg får begynne å samle - har ikkje vore ivrig brukar av garn som ikkje er av naturmaterialer.

5 meter strikk
Ja til fine fargar!

Klar, ferdig, sy!

Stor konsentrasjon.

Det var ein kald og blåsandes dag,
sjølv om sola skein.
Blei ganske kald av å stå lenge i ro.

Måtte dra strikket så langt ner eg kunne,
slik at eg slapp å ha armane så høgt opp i lufta.
Må tenke på arbeidsstillingar og HMS.

Klar til uttrekk.

Lykken er:
Å ha sin eigen
heimestrikka lyktestolpe!

Den gamle stolpen.
Skikkelig falma.

Godt med Gubbe-hjelp.

Ferdig!
Klar for 2 nye år.
Minst.

Tullestrikk og "galskap"!

Eg er visst litt sprø! Nå prøver eg igjen. Snakk om å bruke opp garn - og tid på ein ufornuftig måte! Men kanskje det kan muntre opp nokon? Eller forarge..... (men det håpar eg ikkje.)

Lyktestolpen "min" - den som står på tomta vår og som eg har okkupert - har hatt eit godt og varmt trekk nå i 2 år. Men det er ganske utruleg for ein slitasje som regn og sola kan gjere. Nå var stolpen falma, skitten og ekkel - ikkje noko pryd for nabolaget med andre ord. Gubben trua med demontering, noko som "sjokkerte" meg først, men sidan gav meg ein ny ide! Ein gong til? Jo, eg har meir restegarn....... Dessutan har eg fått mange positive reaksjonar på tøyset mitt. Enkelte legg til og med spaserturen sin om stolpen min! Ny attraksjon, altså!

1.utgåven

På lørdag måtte stolpen gje tapt. Gubben kom med kniven, og den rotna nesten i hendene hans. Skikkeleg morkent strikketøy! Litt trøttandes at det ikkje varer lenger. Øverste del heng ennå igjen - det gjekk ikkje an å dra det nedover stolpen. Må nok opp med stigen ein dag.

Til og med eføyethar gjort stolpen til sin.

Skikkelig ekkelt strikk.

Strikkestolpen må gje tapt.....

Ikkje mykje som minner om våren 2013 her.....

Koste han seg tru, med å ta ner stolpen?!
Bare vent - den som ler sist......

Men - eg er i gang med ny stolpe! Denne gong er det ikkje bare dei blåe-lilla-grønne-gråe nøstene som blir brukte, no tar eg litt ukritisk i haugen, og får unna mange smånøster som er til liten nytte. Kan bli mange tiara i spareglaset mitt dette. Så snart går lyktestolpen min ei ny og lysandes framtid i møte.

Ja til eit fargerikt fellesskap!

Har visst nokre meter igjen...
Får satse på lange bilturar snart.

I strikkekorga - i slutten av februar.

Det er ikkje bare baby-strikk som er på pinnane. Det er altfor lett å starte på nye prosjekter. Men eg likar visst å ha det slik. Det er kjekt å kikke oppi strikkekorga og tenke: kva skal eg strikke på i dag? Kven ropar høgast, tru? Eg har nok strikka opp ein del meter allereie i 2015, og akkurat nå er det dette som er på pinnane! Eg har forresten blitt flink å føre strikkedagbok - her skal alt huskast  og dokumenterast.

Fana-kofta veks.
Ekstra spennandes når fargane trer fram etterkvart!
Eg er ei gang med 2.armen.
Eg strikkar i Kauni

Pinne 2 er ganske tynnt!
Men dette skal bli fine bunadssokkar.
Til ein ung kar!

Håndkleet veks og.
Fekk vere bilstrikk på turen til Bortelid.
Vart litt lenger då.
Treng nok bare ein biltur til,
så er det nok ferdig.

Eg har begynt på nytt tøyseprosjekt.
Sol og regn tar på strikk som får stå ute året rundt.
Gubben truar med demontering til våren.
Då må strikkepinnar og restegarn fram igjen.
Denne gong er eg litt meir ukritisk til fargeval -
må bruke opp det eg har.
Førsteutgåva kan du lese om her.

Det styggaste strikketøyet.
Eg fekk det ikkje til!
Eg har mange røde, gule, oransje nøster type Sissugarn.
Tenkte det kunne bli eit fint teppe.
Men nei! Eg likar det ikkje.
Og eg likar ikkje strikke på stygge ting.
Kort prosess:
Bossdunken neste.
Redda bare strikkepinnen.

Klar for eit bad!

Nå er eg klar! Til ein sommar med mykje bading. Til varme dagar der det er deilig å slenge seg i sjøen og symje litt. Skuleferien nærmar seg med stormskritt. Bare 5 arbeidsdagar igjen før me kan ta ein god og lang pause. I allefall dette året - det er jo uvisst kva framtida vil bringe når det gjeld feriar og arbeidstid. Enn så lenge kan me jo nyte dagane.

Eg har avslutta badehåndkleet mitt. Nå trur eg det var langt nok, til å ikkje ta for stor plass i kofferten - og til å få rundt meg når badet er over. Eg er litt spent på korleis det funkar i bruk. Suger det til seg nok vatn? Eg har det i vaskemaskinen akkurat nå, det har nok liten sugeeffekt før det er vaska. Falmar dette prosjektet like mykje ute i sola, slik som sykkelen og stolpen gjorde? Blir eg full av "riller" om eg legg meg på det når eg solar meg? Me får sjå utover sommaren. Så nå har eg spart nye 230 kr i spareglaset mitt - kjekt å bruke opp restegarn. Eg puttar nemleg på 10 kr pr oppbrukt nøste - stort eller lite. Det kan bli ein fin sum av det når året er omme.

Nå skal håndkleet få vere med ut i verden - me skal ha oss ein hopp-på-tur til Kroatia. Reiser allereie på lørdag! Me gler oss til gode varme dagar, bading, god mat, god tid, gode turar - på leigesykkel eller til fots, eller i leigebil. Me gler oss til gode opplevelsar,  bare Gubben og eg på tur!

Kjekt med striper

Sommarlektyren er klar!
Går an å sole seg når ein har
lesestoff eller eit strikk tilgjengeleg.

Ta plass!

Snart klar for badeliv.

Sommaren nærmar seg med stormskritt - og det er jo ein herlig tid. Noko av det eg sett  pris på med gode varme sommardagar er å få bada litt. Det er herleg å slenge seg i vatnet - eller å entre det på ein fin og forsiktig måte (slik som eg gjer) - og å få symje litt. Eg er nok litt treg til å starte badesesongen - eg er vel ikkje akkurat den som hoppar uti når gradestokken viser langt under 20 grader. Men begynner det å nærme seg 20-talet - då er eg ganske ivrig. I år er eg snart ekstra klar for badesesongen - eg held nemleg på å strikke meg eit eige badehandkle. Nytt sprøtt prosjekt! Jada - eg veit det. Men eg kunne ikkje la ver! Året er jo prega av garnslanking og bruk av allereie innkjøpt garn - og noko måtte eg bruke alt det fine, litt tjukke bomullsgarnet som eg har liggandes, til. Mange av nøstene var sjølvsagt påbegynte, og då er det ikkje alltid lett å finne noko fornuftig å bruke dei til. Då er det jo aldri nok likevel. Så - inspireret av Arne & Carlos sitt hageteppe ( som eg og strikkar på), blei det ein smalare variant i bomull. Nå er det tre veker igjen til ferie - eg har strikka i 1 1/2 veke - eg er over halvvegs - det kan gå å få ferdig mitt eige stripete badehandkle. Prosjektet kan anbefalast - kjekt å strikke striper - kjekt å bruke restegarn!

Ein pose garn  -
det meste med ca 22 - 23 m strikkefasthet
på pinne nr. 3 1/2

Stripe på stripe .....
i fine blåe-grønne-og-lilla-fargar.

Balanse-kunst.
Desse nøstene har eg igjen.
Trur det blir akkurat nok.

Ei lysanedes framtid!

Årets mest ufornuftige prosjekt er over! "Du er ganske sprø!" sa systera mi ein dag! Og det er kanskje sant. Men innimellom er det litt herleg å gjere noko som ikkje er forventa, og litt artig å få mange ulike reaksjonar. Prosjektet som eg starta i slutten av februar er avslutta, og i restegarnskorga mi er det blitt betre plass. Nesten 5 meter er oppstrikka, i glattstrikk. Det meste går i blåe og grønnlige fargar, men innimellom finn me litt brunt og grått og sånn, måtte jo bruke opp dei restenøstene og! "Slangen" har vore ferdig ei lita stund,  i påvente av fint ver og god tid - og i går var begge desse to tinga til stades. Nydeleg ver på ein lørdag - det passa fint. Så då var det bare å rigge seg til ute, med stoppenål, saks i ein tråd rundt halsen, campingsstol, kamera på sjølvutløysar og gode vindtette kler. Litt kaldt å stå i ro på samme plassen i mange timar! Naboane lurte litt på kva i alle dager eg held på med, og eg fekk fleire koselege samtalar i løpet av dagen. Ein god  innfallsvinkel til ein god prat! Eg lurte litt på korleis eg skulle få opp den siste delen, men eg sydde alt på stolpen først, før eg skudde remsa oppover. Tilslutt var Gubben komen heim frå kyrkjedugnaden, så  han tok stigen og klatra til topps og retta ut alle skrukkene. Restegarnskorga vart ikkje tom - nå må nye sprøe prosjekt klekkast ut.

Klar, ferdig, SY!

Greit med ein stol i starten.

I gang......

Her går det unna.

"Sokkaseg"!

Oppå denne steinen vart eg ståandes lenge.

Natuleg trådhaldar - slik at dei ikkje fauk vekk i vinden.
Sjølv om det var eit "tøyseprosjekt" der det ikkje var
så nøye med festing av trådar og slikt:
Eg likar at ting er skikkeleg, alle trådar er nydeleg festa!

Hit, men ikkje lenger.
Det var det høgaste eg greide å skubbe "sokken".

Skikkeleg fasongstrikk.
Må ha god passform til ein stolpe og.

Dagens  knestrømper stod i stil.

Nesten ferdig - sjå kor fint strømpene mine matchar!

Gubbehjelp.
Eg haldt stigen.

Lett å finne mitt hus nå - eg bur der med den strikka stolpen!

Nå er eg spent på smitteeffekten -
tar nokon utfordringen  om ein eigen strikka stolpe?

Etterpå blei det tid til ein tur til hagesenteret.
Herleg å pynte med litt blomar igjen!
Og ja - blått er verkeleg min farge.