Ein krakk!

Ein krakk er ein fin ting. Me har nokre av dei her i huset. Nokre er ganske gamle, innkjøpte på auksjon ein gong for lenge si. Ein krakk kan brukast til så mangt: stå på når ein ikkje har så lange bein, eller til å ha malingsspanna på når det er det som hobbyen. Eller som sagebord. Eller som nattbord eller avlastningsbord. Min krakk har nok gjort bruk ved  fleire av desse tinga. Den har mykje malingsrestar, og har nok hatt fleire fargar i tillegg. Den har og hakk etter saging. Dei siste åra har den "budd" på vaskerommet. Godt å ha noko å sitte på når dei store kleshaugane skal leggast saman. Men den er ganske hard å sitte på lenge.

Eg oppdaga for ei tid sidan sida "Pinterest". Her er mykje artig. Ein kan bruke mykje tid her inne. Eg kikkar stort sett bare på strikketing og skuleting. Utruleg mange gode tips. Og det var då eg kom over ein god idè til krakken min. Bildet viste veg til ein blogg, og der fann eg jammen framgangsmåte og. Rektignok på utenlands, men gode bilder er godt nok for meg:-)

Så nå er krakken min ferdig. Ting tar ofte litt tid her i huset, så det har vore eit innimellom-prosjekt. Eg likar ikkje så veldig godt å hekle, for eg får fort vondt i hendene. Strammar nok musklane på ein rar måte... Hekla meir før, i ungdommen, blant anna ein heil kaffiduk og lange gardinkappar. Nå er det  mest strikking.

Men tilbake til krakken: Den ferdig! Hekla av garn i typen Petunia, Mandarin classic... I dei fargane eg hadde i korga min. Det minka heldigvis litt.

Mange spor etter tidligare bruk

God og sleten krakk.

Først hekla eg mange remser i rett lengde.

Klare til fletting

Veslejenta hadde andre planar for remsene mine.

Fletting pågår

Så var det klart til å hekle rundt.

Klar til bruk.

Nederst hekla eg ei rad med picoter.
Litt ekstra pynt.

Krakken er på plass på vaskerommet.
Eg må nok finne fram litt maling og få den
til å passe endå betre inn her.

Blir nok ein fryd å legge saman kler nå framover,
når eg får sitte på ein nypynta krakk!

Snøen daler lett og fin......

Det er lite snø i Rogaland. Enkelte år har me hatt nokre store snøfall, men dei siste åra har vore triste. Eg likar godt snøen. Det er kjekt på jobb når det er snø, ungane får utfalde seg på ein annan måte. Og det er kjekt å kunne ta seg ein skitur rundt husene her og. Eit år hadde me ein flott skitur på stranda! Me har lest at Rogaland eigentleg ikkje har vinter, for gjennomsnitttemperaturen er for høg. Litt trist.... Her kjem eit lite minne frå ein flott snørik dag  - i 2011.

Ikkje lett å sjå at dette er 0 meter over havet.

Fasinerandes med havet like ved.

Eldstejenta var med på tur.

Men - då får me lage snøfall inne. Eller iallefall snøkrystallar i lange banar! Eg kjøpte med Sandnes Garn sitt julehefte, og her fann eg oppskrift på fine og enkle snøkrystallar. Eg greide å hekle utan oppskrift då den første var unnagjort! Eg likar når eg huskar korleis me skal gjere det etter kort tid.
Først hekla eg tre små og tre store  (i litt tjukkare garn). Men her ein dag vart eg sittandes så lenge på sjukehuset med mi sjuke mor at då vart det produsert mange fleire. Eg måtte faktisk innom ein garnbutikk på veg til sjukehuset - for eg hadde gløymt strikketøyet. ( Ops! Eg kjøpte eit nøste! Men det var livsnødvendig!)

 Ein nyttig lærdom: 

Gå aldri ein plass utan spøtet. 

Det kan vere at dagen skal brukast til venting! 

Utruleg så lang tid alt må ta ein slik plass. Men med eit nøste i fanget, fann eg roen! Ikkje lett å seie korleis det hadde gått hvis ikkje.... Eg kan bli ganske rastlaus.

Eg brukte garnet Tove frå Sandnes garn, kokte opp melis og vatn som eg dyppa dei oppi etterpå, spente dei opp med nåler på ei gummimatte, og vips - så var dei klare for oppheng i stova. Dei store skal få vere med på skulen og pynte opp i klasserommet. Kjekt og raskt prosjekt.

Ventetid = produksjonstid

Denne er hekla i fritidsgarn.
Samme mønster, blir bare større.
Kan jo brukast til pynt på eit vinterbord og!

Klare for oppstramming og forming.

Klare til oppheng.

Det snør, det snør, tiddelibom...