Det er ikkje alle gåver ein skal takke for...

Eg melde meg på Hemmelig uvenn på Hobbyboden. No kan eg berre ha det så godt...

Konseptet er heilt suverent. Vi får tildelt ein uvenn som vi får sende det verste garnet vårt til, i så store mengder som vi vil. Og så får vi tilbake ein pakke med det verste nokon annan har. Flotte greier, ikkje sant? Sist hadde eg eigentleg flaks, og fekk garn eg likte! No var det verre.

Eg var veldig fornøgd over å ha rydda i skuffene og kassene mine, og sendt frå meg ein heil haug med garn som eg ikkje kom på noko bruksområde til. Men det eg fekk tilbake var hakket verre! Min hemmelige uvenn syns ho kanskje burde ha dårleg samvittigheit, og ja, det kan du godt! Fysj, så mykje fælt samla i ein Norgespakke!


Store mengder akryl, og så mange raggsokknøste av typen stikkete ekte raggsokkgarn! Og det mest fantastiske er at jentene mine står i kø og vil ha av garnet;)

Legg merke til den lys lilla greia midt i biletet over. Det er noko som har sjølvdauda, det er eg sikker på. La ikkje fargen lure deg. Dette er ondskap satt i system!

Eg er ikkje sikker på om det blir strikka så mykje av det... Jaja, kanskje når eg får tenke litt på det!

Her ser du alt det "herlige" garnet på ein plass. Eg har ikkje sjekka kor mykje det er, det orkar eg ikkje...

Eg har strikka litt dei siste dagane, og mellom anna har eg gjort kål på restane etter Mitu-tunikaen. Det vart ei lue og eit panneband, mottakar ukjent enno.

Mitu....

I dag var eg på strikkekafe på Trådkråa. Det vart ikkje strikka ei maske, for eg var ikkje heilt i modus til å sette meg ned og strikke når det var strålande sol ute... Men sidan det var 20% avslag på alt garn, måtte eg jo ta med meg litt! Gubben har snakka om at han kunne tenkt seg ein islendar, så då er jo det eit mogleg prosjekt.

Innehavar Barbro på Trådkråa har ganske god oversikt over kva som fins, så ho kom kjapt med oppskrift på islendar strikka i Mitu. Det garnet har eg aldri prøvd før, men eg blir tiltrekt av blandinga av ull og alpakka. Så då får eg prøve det no.

Men då eg bladde i heftet, kom eg over eit mønster eg har vurdert til meg sjølv. Ein enkel tunika med rundfelling og stjernemønster i rundfellingsfeltet. Jammen vart det med nok Mitu til å strikke den også... Sjølv om oppskrifta var meint til pt5. Mitu var så mjukt og deilig, eg berre måtte!!

40% avslag på garn!

Her kan du finne farlege freistingar ein mandag formiddag:) Hverdagsliv skal slutte med dropsgarn, og sel ut alt med 40% avslag. Det utgjer mykje på handelen, særleg når eg handla ei stor kasse... Eg fekk mitt garn i helga, og har kosa meg med det. Bilete får du ikkje, eg kan ikkje vise fram galskapen....

Fantastisk gåve!

Sjå, for ei herleg gåve eg har fått! Det er berre fantastisk å få så mykje flott garn!

Delight er eit flott garn, det har eg vel registrert før. Og desse fargane er nydelege! Nepal har eg ikkje sett før, i alle fall ikkje på nært hald. Mjukt og deilig, det kan bli noko lekkert av det!

Og så er eg fascinert over den store hespa med spennande garn, eg trur namnet er Villa. Det er i alle fall ullgarn, frå Estland eller Latvia? Her blir det nok ein del forsking før eg konkluderer med prosjekt. Heldigvis har eg no ei god unnskyldning for å besøke systra mi som har hespetre og nøstemaskin:)

Det var ikkje så vanskeleg å finne ut kven avsendaren er, sidan eg fekk oppgitt adressa til bloggen og det viser seg at det er Husfruen som står bak:)

Tusen takk, Husfruen, dette er verkeleg ein pakke eg set stor pris på!

Litt nytt om mangt:)

Av og til er det ekstra kjekt å opne postkassa. I går vart det brått slik! Eg hadde ikkje venta å få noko anna enn avisa og kanskje ei rekning... Men så var det ein pakke der! AnitaK har ei flink turnjente, og for nokre veker sidan var dei her i bygda på turnkonkurranse. Det gjorde at lokalavisa fekk noko meir å skrive om:) Og sidan det var eit bilete av AnitaK si jente, sende eg avisa til henne. Eg syns vel at det var ei stor takkegåve for ei avis eg hadde lese ferdig, men eg har sjølvsagt ingenting imot garn som eg ikkje har sett før;) Nydeleg farge! Tusen takk, Anita!
Og så kan du kanskje sjå på det eine biletet i montasjen at eg viser fram lange negler? Eg har aldri hatt pålimte negler før, og syns det var gøy å prøve. Men dei varte ikkje heile kvelden, eg klipte dei ein god del kortare etterkvart.... Framleis er dei lange nok til å vere litt jålete!
Eg gjer, som så mange andre, stadig impulskjøp av garn;) Dette garnet vart med heim etter ein tur til Florø. Det er Incawool frå Hjertegarn, tjukt og mjukt.
Kjerstrikk hadde ei oppskrift på tova vottar, og den fungerte fint til Incawool. Men garnet tova fryktelig lett, så sjølv om eg tenkte at eg skulle ta det forsiktig, tova vottane litt i overkant... Det er ikkje så smart at eg har ny vaskemaskin heller, så eg har ikkje heilt kontroll over korleis den tovar. Vottane er stort sett passe til minstemor, så ho er glad:)

I natt har vi hatt ei ekstra jente på overnattingsbesøk. Det var stor stas, og dei har kosa seg. Etter mange timar med ds-speling vart det heldigvis fleirtal for ein tur ut. Dei gjekk litt på ski, og leika i snøen ei stund. Eg vurderte om eg skulle legge inn biletet av knall og fall, men fann ut at det var greitt med eit bilete der alle tre står på beina;) Vottane flaug like etter dette biletet vart knipsa, og ei av jentene måtte ha hjelp til å stable seg på beina igjen.....

Takk for ei flott helg:)

Sidan det er morsdag, kan eg sende ei takk til mamma:) Og for så vidt til pappa også, sidan dei tok ansvaret for våre to prinsesser så vi foreldra fekk stikke av og få med oss konserten til Musikanten. Han er med i TenSing Norway i år, og Florø var den næraste konserten dei skulle ha på sine turnear i innland og utland.

Vintertreff er ei årviss storhending i Møre og Romsdal, eg var med på mange i mine glansdagar. Alle TenSing-arar har sikkert vore med på eit eller fleire vintertreff. Sogn og Fjordane og Møre og Romsdal slo seg saman i år, og det trur eg var ein suksess. Litt langt å køyre for oss, men det skadar ikkje når ein har gode besteforeldre som stiller som barnevakt:)

Konserten var gnistrande flott, med mykje bra musikk. Musikanten min spelte slagverk og trompet, han song solo og i koret, og så var alle med på danseinnslag. Alle deltakarane på Ten Sing Norway er dyktige, og alle ser ut til å ha sjølvtillit nok til å stå på ei scene og vise seg fram. Det er jammen ingen dårleg eigenskap å ta med seg i livet.

Dei unge som reiser på vintertreff, må bu på flatseng på skule. Heldigvis er vi gamle nok til å kunne velge annleis;) Og vi hadde sjølvsagt ikkje noko ansvar for deltakarane som var med. Dermed kunne vi overnatte på hotell, det likar eg!


Det vart eit strålande ver laurdag, og vi fekk spasert ei runde i byen. Eg har aldri vore i Florø før, men eg kjem gjerne tilbake. Det ser ut til å vere ein sjarmerande by!
Det er store skilnadar i landet vårt. Heime på sunnmøre har vi nokre cm snø, i Florø var det ikkje ei snøfille å sjå nokon stad. Men på vegen til Florø passerte vi meterhøge brøytekantar både her og der. Vi vart sitande i stor fascinasjon og sjå på målaran i bilen då vi køyrde heimover. Ved Jølstervatnet var det 20 minusgrader, og det er ikkje ofte eg ser slike tal! Vakkert var det også! Sjølvsagt måtte eg innom nokre få butikkar i Florø. Det var ikkje mogleg å gå frå desse to. Eg har ikkje sett dette garnet før, og det ropte på meg;)
I dag var gubben på dugnad i huset til systra mi. Så eg tok med meg jentene til Leikeland i Ålesund. Med strikkepinnane på plass, te og cookie. Det er lett å kose seg når borna hyler av fryd.

Jammen er eg heldig!

Eg trur eg er inne i ei heldig periode. Kanskje:) Eg vann ikkje det store gratislotteriet til butikkane i dag, med gåver verdt ca 7500 kr. Men eg fekk ein flott pakke i postkassa mi! Akkurat perfekt til meg. Eigentleg var det sikkert mykje eg ikkje hadde bruk for i den andre gevinsten, men denne pakken får eg bruk for:)

Soline hadde ei jubileumstrekning i bloggen sin, og eg vart trekt ut som ein av to vinnarar. I dag auka garnlageret mitt kraftig! Fem nøster Eskimo, tre nøster Ullteppegarn, to nøster Merino, eit nøste Tynn alpakka. Dette blir mykje deilig, det er garantert! Tusen takk, Soline!


Elles vart eg ferdig med nokre julegåver i dag. Desse to para er til ei svigerinne og ein svoger. Det største paret er til mannen, det er strikka av RaggeYarn frå Schachenmayr. Det andre paret skal passe til dama i huset og er strikka i pt5. Eg er spent på om dei passar... Mannen vil ha korte sokkar, eg syns desse er ganske korte?

Gåvedryss:)

Eg likar pakkar! No får eg pakke kvar dag, frå Brit sin fantastiske adventskalender, og i dag fekk eg enda ein pakke! Totalt utan hint, så det blir vanskeleg å sende takk i rett retning enno. Men eg går ut frå at dette er frå min hemmelege venn i julerunda på Hobbyboden. Eg forstår logikken i at denne pakken ikkje kunne pakkast inn som ei julegåve, for den inneheldt ein adventskalendar;) Dei fungerer best før jul! I tilegg fekk eg deilig garn, som to jenter nesten var klar til å adoptere straks. To nøste Kid-Silk og to nøste alpakka, i ein ganske sterk rosafarge. Ei oppskrift på ei lue fulgte også med. Så no har eg alle sjansar til å strikke lue nr 10!

I adventskalenderpakken merka med nr 8, fann eg deilig julete, med spennende kryddersmak.

I pakke nr 9 fekk eg meir garn:) Me like! Fire nøste Østlandsgarn i to ulike lillafargar, med forslag om at dette kunne bli vottar i adventsfargar. Det er eit godt forslag!

Det søte liv

Eg må fortelle litt meir om vikingmarknaden vi besøkte sist helg:) Det var ei hyggeleg oppleving, og litt for både små og store! Det gjer ikkje så mykje for mor å kjenne litt på plantefarga garn... Eg måtte berre ta med heim eitpar fristelsar: Honning og plantefarga garn...


Jentene fekk også sjå litt av korleis vikingane hadde det. Dei hadde gått litt lenger enn til byttehandel, så det gjekk an å bruke pengar... Og om du hadde nok pengar, kunne du få kjøpe både koppar og skåler, sydde klede, luer og diverse i nålebinding.
Det var også spennende å kjenne på ringbrynjer!

Vikingpølser var også mogleg å få teste. Berre gryta gjer at det smakar ekstra godt;)

Garnshopping!

30% på drops-garn.... Eg måtte berre handle litt!

Så no har eg eit lite utval til ein gong eg kjenner behovet;)

Wollmeise! Tenk det;)

Eg er kjempeheldig, så eg har no kosa meg med mi aller første hespe Wollmeise-garn. Dette er altså handfarga garn, merinoull, og det er ettertrakta vare. Sidan eg ikkje har hatt nok iver til å stille meg i "kø" ved pc-en på akkurat rette tidspunkt, har eg ikkje hatt dette garnet i hus før eg vann det! Takk for det, Vibeke:)Besøk Vibeke her!

Eg brukte ein del tid på å berre sikle på dei nydelege fargane, og etterkvart kom eg til at eg ville strikke eit sjal. Oppskrifta fann eg på garnstudio sine sider. Oppskrifta er eigentleg meint for lettare, meir pusete garn, men det fungerer fint med denne typen garn også.


Eg kjem nok til å vere stolt når eg brukar dette!

Vinterferie:)

Det er jammen godt å ha nokre dagar fri av og til:) Eg lurer av og til på om eg burde jobbe meir enn 80%, men sidan det medfører mange timar avspasering er det ganske lekkert å ikkje jobbe fullt. Det er i alle fall velkomne dagar! I dag har vi kosa oss heime, gått ein liten tur i nærområdet, vaska klede og spelt spel. Og baka brød. Sengene er visst reine også.

I morgon skal eg ha ein liten ego-dag, det trur eg også er greitt å ha av og til. Eg har planlagt å levere jentene på barnehage og SFO litt utpå formiddagen, og så stikke på shopping. Det er klart jentene burde få vere med på butikkrunde, men med to jenter på slep vert det ein litt annan type butikkdag. Då vert det noko meir i retning kaférunde....

Prinsessa fyller 7 år om nokre dagar, så eg skuldar på at eg skal kjøpe presang til henne;)

I dag var det ein herleg pakke i postkassa! Vibeke trekte meg som vinnar i blogglotteriet sitt, og eg fekk ein nydeleg Wollmeise i dag! Eg har ikkje teke bilete av det, men du kan sjå det i eit innlegg litt lenger ned på sida. Nydelege fargar, raudt, gult, oransje. Eg veit ikkje kva eg skal lage av det, men eg trur ikkje eg har hast med å sprette denne hespa. Enn så lenge kan den ligge til pynt:)

Eg vann!

Eg er heldig!
I dag kom det ein pakke i postkassa mi. Utanpå var den grå og kjedeleg, som pakkar brukar å vere. Eg brukte ei stund på å tenke på om eg kan vite noko om avsendaren, sidan adressa avslørte at ho bur i same bygd som mi svigermor kjem frå...

Pakken inni gråpapiret var meir sjarmerande, og innhaldet er jo heilt supert!

Eg har aldri testa Sterk, det relativt nye garnet som skal egne seg til så mangt, også sokkar. Mjukt og godt, med alpakka og merinoull, og 20 % nylon.

Sjå, så søte rosa flodhestar! Og to Hello Kitty-knappar, dei vil nok bli populære! Det blåturkise i venstre kant er to markørar med karabinkrok, noko eg ikkje har frå før.

Kva gjer at eg har gjort meg fortent til å få ein så fin pakke? Berre flaks, og eit besøk hos bloggen til Jaja74, og så vart eg den heldige vinnar av jubileumstrekninga hennar. Tusen takk, Jaja74!