Gåve frå ein litt hemmeleg sommarvenn!

Eg har fått gåve frå ein "hemmeleg sommarvenn". Det var ikkje så mange med i denne runda på hobbyboden, så det var ikkje direkte vanskeleg å finne ut kven avsendaren var.... Tusen takk for deilig garn og silkeband, Strikkesnuppa! Fargen på biletet er litt feil, garnet ser "kaldare" ut på biletet enn det eigentleg er. Eg veit ikkje kva dette skal bli omdanna til, men kanskje ein bolero eller noko slikt til ei av jentene? Dei likar slikt for tida...

Kanskje den mest spennande julegåva i år

Hobbyboden kan friste med så mangt. Eg vart med på hemmelig venn i julerunda, og då fekk eg tildelt ei hobbydame i Oslo som eg skulle sende pakke til. Sjølv fekk eg ein pakke frå ein eller annan som eg ikkje kjende identiteten til. Men det var ikkje umogleg å gjette at det var Tove som stod bak denne pakken. Ho budde her i mange år, før ho flytta lenger sørover langs kysten saman med prestemannen sin;) Tusen, tusen takk, Tove!!

Her var det sjokolade, te og serviettar. Og så masse deilig rosa garn, som jentene mine kjem til å nyte:) New Zealand lammeull, alpakka og deilig melert pusegarn!

Det er ikkje alle gåver ein skal takke for...

Eg melde meg på Hemmelig uvenn på Hobbyboden. No kan eg berre ha det så godt...

Konseptet er heilt suverent. Vi får tildelt ein uvenn som vi får sende det verste garnet vårt til, i så store mengder som vi vil. Og så får vi tilbake ein pakke med det verste nokon annan har. Flotte greier, ikkje sant? Sist hadde eg eigentleg flaks, og fekk garn eg likte! No var det verre.

Eg var veldig fornøgd over å ha rydda i skuffene og kassene mine, og sendt frå meg ein heil haug med garn som eg ikkje kom på noko bruksområde til. Men det eg fekk tilbake var hakket verre! Min hemmelige uvenn syns ho kanskje burde ha dårleg samvittigheit, og ja, det kan du godt! Fysj, så mykje fælt samla i ein Norgespakke!


Store mengder akryl, og så mange raggsokknøste av typen stikkete ekte raggsokkgarn! Og det mest fantastiske er at jentene mine står i kø og vil ha av garnet;)

Legg merke til den lys lilla greia midt i biletet over. Det er noko som har sjølvdauda, det er eg sikker på. La ikkje fargen lure deg. Dette er ondskap satt i system!

Eg er ikkje sikker på om det blir strikka så mykje av det... Jaja, kanskje når eg får tenke litt på det!

Her ser du alt det "herlige" garnet på ein plass. Eg har ikkje sjekka kor mykje det er, det orkar eg ikkje...

Eg har strikka litt dei siste dagane, og mellom anna har eg gjort kål på restane etter Mitu-tunikaen. Det vart ei lue og eit panneband, mottakar ukjent enno.

Ein hemmelig sommarvenn har sendt meg pakke:)

Det er kjekt å vere på ferie, og det er kjekt å kome heim. Det var godt med grovbrød med brunost til kvelds i går, og eg kosa meg med å bla gjennom stabelen med post. Eg rekna med å finne ein pakkelapp, og det gjorde eg! Til og med to, sidan den fyrste hadde venta på meg ei god stund. Men i dag fekk pakken bli med ut frå posten sine hyller:)

Nydeleg med litt søte saker, inkludert Melkerull:) Og så to fint innepakka gåver, eg måtte knipse før eg opna dei!

Gjett om eg er fornøgd med min hemmelige sommarvenn!! Dette er midt i blinken! Eg er stor fan av Tynn Alpakka, og fargekombinasjonane er lekre. Faerytale trur eg ikkje at eg har strikka av før, men det kjennes deilig ut.
Og så eit nøste Arwetta Classic, eg er overbegeistra! Nydeleg farge, og ferdig nøsta opp:)
Her er det berre å sette i gang! Men eg veit ikkje enno kva eg skal lage... Det kjem etterkvart!

Enn så lenge veit eg ikkje kven du er, men eg får sende ein stor takk til min hemmelige sommarvenn uansett:)

Gåve frå hemmeleg venn i april

Det var ikkje så vanskeleg å finne ut kven den hemmelege vennen var denne månaden:)

Ei grom innflyttarjente, jauda, det må berre vere Gromjenta. Det ser ikkje ut til at du har blogg sjølv, Gromjenta, men eg kan jo fortelle dei som vankar på hobbyboden at det er du som er avsendaren:)
Pakken inneheld nokre av Gromjenta sine favorittar, og det forstår eg godt. Det er knapt noko som er mjukare enn tynn alpakka, og sokkar i Viking raggegarn blir supre og fargerike. Sjokoladane har visst forsvunne, eg veit ikkje kvar....

Tusen takk!

Fantastisk gåve!

Sjå, for ei herleg gåve eg har fått! Det er berre fantastisk å få så mykje flott garn!

Delight er eit flott garn, det har eg vel registrert før. Og desse fargane er nydelege! Nepal har eg ikkje sett før, i alle fall ikkje på nært hald. Mjukt og deilig, det kan bli noko lekkert av det!

Og så er eg fascinert over den store hespa med spennande garn, eg trur namnet er Villa. Det er i alle fall ullgarn, frå Estland eller Latvia? Her blir det nok ein del forsking før eg konkluderer med prosjekt. Heldigvis har eg no ei god unnskyldning for å besøke systra mi som har hespetre og nøstemaskin:)

Det var ikkje så vanskeleg å finne ut kven avsendaren er, sidan eg fekk oppgitt adressa til bloggen og det viser seg at det er Husfruen som står bak:)

Tusen takk, Husfruen, dette er verkeleg ein pakke eg set stor pris på!

Gåvedryss:)

Eg likar pakkar! No får eg pakke kvar dag, frå Brit sin fantastiske adventskalender, og i dag fekk eg enda ein pakke! Totalt utan hint, så det blir vanskeleg å sende takk i rett retning enno. Men eg går ut frå at dette er frå min hemmelege venn i julerunda på Hobbyboden. Eg forstår logikken i at denne pakken ikkje kunne pakkast inn som ei julegåve, for den inneheldt ein adventskalendar;) Dei fungerer best før jul! I tilegg fekk eg deilig garn, som to jenter nesten var klar til å adoptere straks. To nøste Kid-Silk og to nøste alpakka, i ein ganske sterk rosafarge. Ei oppskrift på ei lue fulgte også med. Så no har eg alle sjansar til å strikke lue nr 10!

I adventskalenderpakken merka med nr 8, fann eg deilig julete, med spennende kryddersmak.

I pakke nr 9 fekk eg meir garn:) Me like! Fire nøste Østlandsgarn i to ulike lillafargar, med forslag om at dette kunne bli vottar i adventsfargar. Det er eit godt forslag!

Hemmeleg venn i retur:)

Dette var morsomt, eigentleg. Eg er med på Hobbyboden sin Hemmelege venn i august, og eg sende ein pakke til IBell. I dag fekk eg ein pakke frå ei adresse eg kjende att:) IBell sende pakke til meg også!

Og det var ein flott pakke:

To nøster Ragge Yarn, mjukt og deilig, og to nøster Fritidsgarn. Og tre store, søte perlemorsknappar:)

Tusen takk!

Heimestrikka gåve til meg!

Hurra, eg har fått pakke! Og den kom samtidig med at eg handla inn til ein pakke eg skal sende sørover:) Hemmeleg venn er ein fin ting. Og i dag vart eg imponert! Eit nøste Opal Cotton i lekre fargar, og så to klutar og ein handduk! Ekstra koselig å få noko som andre har laga:)

Dessverre viser det ikkje på biletet, men på klutane er det ugler! Den store handduken har sjakkrutemønster.

Tusen takk!!

Gåve frå ein veldig hemmeleg venn:)

I dag fekk eg pakke i postkassa, og det likar eg alltid! Og når det er ein så flott pakke, er det jo berre enda betre.

Men det var lite hint å få om avsendaren! Heldigvis er det berre nokre få dagar til eg får vite det uansett, i avsløringa på hobbyboden. Enn så lenge kan eg kose meg med innhaldet!

Tre deilige nøste med alpakka, to av dei er babysilk-alpakka og det tredje er "vanleg" alpakka i ein søt rosafarge. Fire lys, og påskesjokolade! Nam:) Den har eg gøymt i strikkekorga mi... Tusen takk, min hemmelege venn!

Hemmeleg venn også i februar

Eg har vore på shopping i dag, og kom heim med ny dongeribukse og fire bursdagsgåver. Det var det eg skulle ha, så det må bety at dagen var bra:) Og i tillegg fekk eg vere saman med systra mi, og den aller søtaste tanteungen i verda...

I postkassa mi fann eg ein pakke! Eg veit ikkje korleis andre har det, men eg klarer knapt å vente til eg er innkomen før eg må opne slike pakkar. I dag klarte eg å vente til bilen stod i garasjen:) Heganikva, du har jo vore min hemmelege ven før! Eg måtte bla litt tilbake, men fann deg i mai 09. Eg har ikkje funne nokon blogg å linke til, men tusen takk skal du ha!! Pakken var såå spennende, med mange små overraskelsar. Tre garnnøste, som eg lurer på om eg skal lage tova tøfler av, kaffe, kakao, kjeks, strikkepinne, mini-sysett! Dette var ein morsom pakke!

Tusen takk, Heganikva!!

Hemmeleg venn-gåve

I dag fekk eg gåve frå januar-runda av Hemmeleg venn! Eg har venta ei stund, og veit at det er Iris som har sendt denne pakken til meg. Ho beklaga for nokre dagar sidan at pakken hadde blitt liggande i baksetet av bilen, etter at mannen hadde fått oppdraget å sende den... Typisk mannfolk;)
Men som eg sa til Iris: Den som ventar på noko godt, kan tole å vente litt. Og det var ein flott pakke som dumpa inn i postkassa mi i dag!


To nøster Frøya, det må bli sokkar eller noko anna lekkert til mi minste prinsesse som heiter det same:) Nydelige jentefargar!

Men det neste nøstet kan ikkje bli sokkar, det går eg ikkje med på:) Oppskrifta på baksida av magebeltet gir heilt sikkert flotte sokkar, men garnet er rett og slett for lekkert til å bli trakka på! Kva eg skal lage veit eg ikkje enno, men eg må sjekke litt kva andre har laga av Sandnes Mini Palett-garn. Det er sikkert godt mogleg å strikke skjerf eller sjal av det, eller pulsvarmarar, leggvarmarar, babygenser.... Who knows?

Tusen takk for det lekre garnet, Iris!!

24. desember

Jul er ein fin ting. Det er ein av dei finaste tinga eg kan tenke meg akkurat no:) Vi har god tid ilag med familien, og kosar oss med gåver og god mat. Her er eit lite utval av både det eine og det andre... Sidan eg har fått kamera i julegåve frå min kjære, gubben, vert det nok ein del bilete framover! Det er eit Canon 500D, og eg har førebels ikkje peiling på effektar etc.

Legg merke til alt garnet som du ser på bildet! Det er ei gåve frå ein hemmeleg ven i hobbyboden, og eg klarte å vente heilt til julaftan med å opne den. Det var godt gjort, skal eg berre seie deg! Og for ein pakke! Haugar av trådnøste ramla utover då minstemor ville hjelpe meg med å opne. (Ho var nemlig ferdig med alle sine pakkar, og var ivrig på leit etter fleire...)
Tre nøster Viking Sportsragg, to nøster Ida strømpegarn, tre nøster Tresko, to nøster pt2, to nøster Sandnes alpakka. Hallo, det er 12 nøster!! Og som ikkje det var nok, fann eg også to søte små nissar og eit hjerte til å henge på juletreet. Tusen takk, Kristinaler!

Elles går det mykje god mat desse dagane. Eg tenkte eg kunne vise fram korleis eg henger opp julekorta mine, dei får nemlig hedersplass på trappevangen i stova. Jentene har adventskalenderpakkar hengande i eit raudt silkeband i trappa. Og etterkvart som dei plukkar ned pakkar, vert det ledig plass til å henge opp julekort. Smart? Og lett synleg!

Elles har eg fått ei geit i julegåve i år. I tillegg til ein del anna, meir tradisjonelt:) Frå systra mi fekk vi altså ei geit, eller vi er "eigarar" av ei geit som kanskje nokon annan får ha nytte av, til dømes i Afrika. Vi fekk også ein engel laga av ungdomar i Zululand. Dei lagar englar av gamle brusbokser. Sjarmerande julepynt på treet mitt.

Ein fin laurdag, med pakke i posten!

I dag var postmannen hyggeleg! Iris må nok ta ein god del av æra for det, forresten... Iris er nemlig min hemmelige venn i hobbyboden i oktober, men ho var lett å avsløre!
I postkassa fann eg ein flott pakke: Tre nøste 3-trådsullgarn frå Rauma, eg trur det kan bli omdanna til tova vottar. Det har eg i alle fall tenkt at eg skulle strikke, så får vi sjå... I tillegg fekk eg eit koselig kort, prega av Iris heile vegen, og ein pose kaffe med vaniljesmak, og sjokolade! Den fekk gubben smake litt av;)Tusen takk, Iris!!

I dag hadde vi ingen planar, så vi tok hurtigbåten til Ålesund og vandra litt i byen. Det var, litt overraskande for oss, musikk på kaia då vi kom. Det var ikkje fordi vi endeleg kom ein tur, men opning av den nye landgangen. Kapteinen på båten stod høgtideleg og nikka pent til alle sine passasjerar, omtrent som ein flykaptein;) Fint, serru!

Hemmeleg venn:)

Wow, eg fann ut kven som sende meg pakke med ein gong:) Tusen takk for ein flott pakke, hjerter! I pakken fann eg to nøste Robin Chunky, eit garn eg aldri har sett før! I tillegg fekk eg ei nål med stein på, te og ei såpe med hjerte i;)Tusen takk!!

Eg vil gjerne vise fram kveldsmaten min også! Sjå kor deilig:

Gubben måtte berre køyre på besøk til svigers for å få med seg heim ferdig kokte krabber. Dei var framleis litt varme då dei kom på bordet her. Krabbe er nydelig!

Gåve frå hemmeleg venn juli

Det er alltid spennende å gå gjennom posten etter å ha vore borte nokre dagar. Og når eg veit at det er pakke til meg, er det jo ekstra morsomt å kome heim og sjå kva som ventar. Sidan eg er så sein med å opne pakken, veit eg alt at det er blomstermamma som er min hemmelige venn.

Dette er litt av ein pakke! Herlig, mjukt alpakkagarn, og mørkgrønt ullgarn, og begge er nye for meg. I tillegg ein pose kaffi med karamellsmak, massevis av sjokoladar, og oppskrift på tova tøfler. Og nærbiletet av dei yndige maskemarkørane kan du sjå lenger nede i innlegget. Desse vert det ei fryd å bruke!!



Tusen takk, blomstermamma!!

Hemmelig venn har sendt meg gåve!

Eg har fått pakke i dag, og så har eg sendt ein pakke i ei litt anna retning. Slik kan vi kose oss, vi som har oppdaga www.forum.hobbyboden.com...

Dette var ein spennande pakke, eg måtte umiddelbart opne teen og snuse litt ekstra. Og så vart det jammen laga te også, nokså fort. Eg har aldri sett te med kakaosmak, og eg har sjølvsagt heller ikkje smakt det. Det var faktisk godt;)

Yndlingsgarnet mitt! Tynn alpakka! Snakk om heldig dame, no har eg berre valgets kvalar: Kva skal eg lage? To mjuke, deilige, naturkvite nøste, og dei luktar godt også:) Kakaoteen har gjort garnet til ein ekstra fin opplevelse. Ein ekstra dimensjon, så å seie!
Ser du at eg har fått knappar også? Tre turkis/blå/petrolblå knappar! Søte, ja?
Tusen takk til deg, min hemmelige venn!

Gratulerer med dagen til meg!

Hurra for meg! Det er fint med bursdagar. Og at det er eg som vert eldre, er ikkje noko problem. Alternativet er langt verre, ikkje sant? I dag har vi hatt kaffislabberas, uten for mykje stress. Ofte har eg servert litt "skikkeleg" mat også, men i dag annonserte eg kaker og kaffi. Dermed vart det enklare og mindre stress på førehand. Behageleg å kunne bruke dagen til å ordne i huset, lage litt kakemat og elles ha kvilepuls. Vil du smake?
Fruktsalat med granateple i! Det er jentene sin absolutte favoritt, dei elskar granateple. Eg såg då eg rydda ut at granateplebitane låg att i nokre av skålene, så det er ikkje alle som likar det:) Hadde minstemor sett det, hadde ho plukka restane av skålene uten å nøle...

Dette er litt sært. Eller forresten: Det er veldig sært. Svigerfar fortalde at han ein gong i fortida hadde smakt dessert av surgras. Sidan har gubben fått jentene til å plukke store mengder surgras... I dag vart surgrasdessert sett på bordet i selskapslivet også! Det var ikkje alle som torde å smake, men det smakar faktisk ganske godt. Dersom du likar rabarbrakompott, er dette ganske likt. Og eg laga det som eg hadde laga retten av rabarbra. Det er viktig å ikkje bruke for mykje av den nederste, grove stilken. Nam med vaniljesaus! Minstemor åt det uten noko tilbehør, og ho sette til livs fleire skåler:)

Eg lurer på om det var flaks eller veldig god planlegging? Eg fekk bursdagspresang frå min hemmelige venn. Heganikva, tusen takk!! To nydelige, raude nøste Tynn alpakka, te, sjokolade, og ein stor haug lekre treperler. Eg har lagt planar om eit makramesmykke!