This text is part of:
Table of Contents:
Click on a word to bring up parses, dictionary entries, and frequency statistics
12.
[45]
haec igitur aetas
prima Athenis oratorem prope perfectum tulit. Nec enim
in constituentibus rem publicam nec in1 bella gerentibus
nec in2 impeditis ac regum dominatione devinctis nasci
cupiditas dicendi solet. Pacis est comes otique socia et
iam3 bene constitutae civitatis quasi alumna quaedam elo-
quentia.
[46]
itaque ait Aristoteles, cum sublatis in Sicilia4
tyrannis res privatae longo intervallo iudiciis repeterentur,
tum primum, quod esset acuta illa gens et controversia
†natura5, artem et praecepta Siculos Coracem et Tisiam
conscripsisse—nam antea neminem solitum via nec arte,
sed accurate tamen et descripte6 plerosque dicere—; scriptas-
[p. 1014]
que fuisse et paratas a Protagora rerum inlustrium disputa-
tiones, qui7 nunc communes appellantur loci;
[47]
quod idem
fecisse Gorgiam, quem singularum rerum laudes vitupera-
tionesque conscripsisse8, quod iudicaret hoc oratoris esse
maxime proprium, rem augere posse laudando vituperan-
doque rursus affligere; huic Antiphontem Rhamnusium
similia quaedam habuisse conscripta; quo neminem umquam melius ullam oravisse capitis causam, cum se ipse
defenderet, [se audiente9] locuples auctor scripsit Thucy-
dides;
[48]
nam10 Lysiam primo profiteri solitum artem esse
dicendi; deinde, quod Theodorus esset in arte subtilior,
in orationibus autem ieiunior, orationes eum scribere aliis
coepisse, artem removisse; similiter Isocratem primo11 artem
dicendi esse negavisse12, scribere autem aliis solitum orationes,
quibus in iudiciis uterentur; sed cum ex eo, quia quasi13
committeret contra legem 'quo quis14 iudicio circumveniretur,15' saepe ipse in iudicium vocaretur, orationes aliis destitisse scribere totumque se ad artes componendas transtulisse.
1 nec in FO2: nec codd. (bis）
2 nec in FO2: nec codd. (bis）
3 et iam F2: etiam L
4 Sicilia G: Siciliam L
5 et controversia natura L: et controversa in ea iura Madvig: et controversia nata Peter: et controversiis nata Jacobs: et c. matura Martha
6 descripte Schmitz: de scripto L
7 qui Eberhard: quae L
8 quem ... conscripsisse Bake: cum ... conscripsisset L
9 se audiente damnavit Campe
10 nam L: tum Eberhard: iam Stangl esse secl. Bake
11 primo secl. Eberhard
12 artem ... negavisse et autem secl. Kayser
13 quasi qui Jahn
14 a quo quis Jahn
15 circumvenietur maluit Martha
M. Tullius Cicero. M. Tulli Ciceronis Rhetorica, Tomus II. A. S. Wilkins. Oxonii. e Typographeo Clarendoniano. 1911. Scriptorum Classicorum Bibliotheca Oxoniensis.
The Mellon Foundation provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.