東京馬拉松完結篇．戰利品

 

我的第三條Finisher Towel，台南、大阪、東京。日本和台灣比賽愛送Finisher Towel，歐洲及美國好少見，至少我未見過。

 最重要、珍貴的，當然是獎牌，我的第十八枚馬拉松獎牌。

其他在Expo及大會派的紀念品，有：黃色Tee、免費朝日啤(左上)、Tokyo Marathon Water(左上)、東京地鐵x馬拉松File、東京馬拉松紀念地鐵票(號碼布下)、《讀賣新聞》簿仔(右上)、東京馬拉松紀念筆(右上)、CW-X手帶(中下)、Puma file(右下)、Cream、吸面油膏及Adidas香水。仲有一大pack撒隆巴斯唔記得影。

但最大收獲係Tokyo Marathon Music，第一次見有主辦單位特登為馬拉松比賽出碟，仲要出夠四隻！

碟一隻都要2100Yen(HK$210)，我買了左邊兩隻：Tokyo Marathon Music Trial 10km和Tokyo Marathon Music Tokyo Morning Run。

點解叫Trial 10km？原來隻碟13條track約60mins，由track 1開始跑，播到最後應該跑完十公里！呢隻碟好好聽，都係開心振奮的音樂，聽返先發現好多旋律都在Expo播過，勾起好多回憶。

Morning Run就一般的輕音樂。最可惜沒有買黃色Runner's Choice，上網試聽後先發現走了寶．．．

東京馬拉松賽道的照片，已上載Facebook Album。

PS：由今年開始，我的每次馬拉松都會替樂施會籌款，如果各位讀者喜歡這輯「東京馬拉松」系列，支持我繼續把世界各地的馬拉松風景帶給讀者，歡迎每人捐助$50或$100給樂施會，支持他們的扶貧工作。捐款網頁是：https://www.oxfam.org.hk/tc/oneoffdonationform_2012pc001.aspx

 謝謝各位。

東京馬拉松表演篇四．終章前的華采樂段

仲未出的表演，全部在最後兩公里晒冷


再大多三千萬


唔好咁快衝線，終點前仲有兩隊．．．


Last 一個表演。歡樂今宵再會，明年再來跑啦．．．

東京馬拉松表演篇三．築地至豊洲

銀座外的管樂團，把壯志驕陽、スキマスイッチ　全力少年(收錄在Tokyo Marathon Music的其中一隻碟內)及紅日炒埋一碟，我也不自覺地跟住唱。在馬拉松的路上，聽到這些既熟悉又勵志的旋律，真係熱淚盈眶，好想喊．．．

預備上天橋往豊洲．．．最後五公里的表演排山倒海，我開始擔心再聽下去要上車．．．


第一次在馬拉松聽Jazz，仲要係日本，正爆！

聽完西樂，又回到日本國樂，可惜他們在小休中．．．（待續）

東京馬拉松表演篇二．日比谷、淺草至銀座

13km，增上寺，芝公園附近

 

唔記得點解無拍呢這四個表演，只係影了相。


下一個，已經是27km、雷門淺草寺外，由淺草觀光聯盟贊助的劇場！連舞台都搭埋，勁。


淺草往銀座的路上的one man band小號樂手。


築地的樂隊。（待續）

東京馬拉松表演篇一．新宿起點至日比谷

每看到沿途表演，我都停一停欣賞，拍一段Video記錄。據場刊，東京馬拉松沿途有28個打氣表演站，但我只拍了16個表演，遺漏了12個，大概因為去到表演站時，剛好演出者休息中。


百人合唱團的歌聲下，三萬六千人由新宿東京都廳出發！

錯過了靖國通的第一個表演，樂隊當時在休息。第二個細路打鼓陣，我掛住玩埋一分，一時唔記得拍Video。


第三個表演，一班太太同兩個男人唱民歌，都幾搞鬼。有無人可以講到，後面兩個男人彈的，是甚麼日本樂器？


每次都是先影相，再拍Video。好彩都拍到水尾幾秒，有無人知道這是甚麼舞蹈？


這班細路同唔知乜鳥，在Expo都有表演。可惜又係影完相就跳完囉，拍唔到video．．．


十公里，日比谷公園外。


細路跳Hip Hop，掂。（待續）

東京馬拉松食物篇二．東京人、謝謝你

這四個小孩子可愛到爆，勁like！估計應該係阿爸阿媽都係朋友，大家帶埋仔女出黎打氣。

仲有熱紅豆沙！

淺草回程條路有得食，聽參加過三次的朋友說，他們年年都在同一地點擺檔，帶gas爐即場煲！

爆炸頭先生自己整三格筲箕掛上身，仲有提子及Chocolate cornflake!

這段由淺草到日本橋的路是食物陣，跑停跑停影相，手仲攰過腳。

最可愛是細路。沿途已食到咀刁，香蕉唔吸引啦！

得意動物餅及車厘茄！

呢班扮俏護士的靚女，唔知會唔會客串埋人工呼吸？

呢檔熱湯都幾正，好多人幫襯。

仲有脆米果，食到唔停得口。

所有路邊市民供食応援的照片，已上載於Facebook Album。

東京馬拉松食物篇一．琳瑯滿目的42km大食會

上次大阪馬拉松因不夠相機電池，沒有辦法把所有提供食物的人全部影下來。這次出發前買多舊相機電，換張16G SD card，希望拍下全程所有食物，所有表演都拍Video。

有各種食物放置在餐盤上及籐藍，原來跑馬拉松是會肥的。

幾個朋友搭張枱支持跑手，放了有餡麵包、蕉、能量飲品。後面插兩支旗，可能是商號或店鋪贊助？

Beer Stop啤酒站！

呢個超好食，蘸了朱古力的香蕉！我吃了兩件，但不好意思吃太多，要留給後面的跑手。

穿商店製服的応援東京人，商鋪不知幾落力支持！

孭住BB的少婦有超甜士多啤梨。Vuvuzela兔女郎將近派光一大盤朱古力。還有熱麥茶與味噌湯。
 

日本各種各類的糖果路上都有提供。這pair情侶檔，女的舉牌遞盤，男的後面把麵包切成小塊，溫馨。

我的午餐在路上解決。食物及飲品之繁多，沒多久已塞滿個胃，根本不可能每件試一塊，沿途去了四次洗手間，包括酒店、西式cafe、日式餐廳、及40km先出現無人排隊的流動廁所。

東京馬拉松Fun Runners篇

若只能以一張照片表達東京馬拉松，一定是這張，不作他選。

我們在雷門淺草寺門前，初時只有食錢怪、紅裙及包頭套的四人拍照，後來了超人迪加和戴帽女士 ，最後來到的我攝在左邊。回香港後看報紙，才知道原來替我們拍照的是《新華社》攝影記者！

因為《信報》在2月27日也在「獨眼新聞」版刊登了這張相，相片來源是：新華社。

東京馬拉松很多fun runners，根本不可能拍下所有，我只拍了三十多個，只能盡力見一個拍一個。這兩對情侶好sweet，扮叮噹叮鈴超可愛，沒有多少情侶可以一起馬拉松，通常只有男的跑，女的在沿途及終點等，能找到一起跑的另一半、一起作俏裝扮，是三生一遇的幸運。

東京碰不到巴魯坦星人了，但有食錢怪與這個我不知道叫甚麼名的機械人。

還有鐵血戰士。去過東京馬拉松，就深深知道自己對動畫的認識極膚淺，很多造型也認不了。但有沒有人知道，這個金色的機械人是甚麼來頭？

起點見到聖誕老人。歌舞伎町碰到這位女士，她的背寫上Lady Gaga，但睇落都聯想唔到。

左邊是英國人Joseph Tame，在東京工作的多媒體Freelancer。他在日本是「名人」，他身上的鐵架裝了N部ipad and iphone，如同流動CCTV，即時在他的網頁上載360度賽道的風景，讓全球網友跟著他東京馬拉松的步蹤。

他這個攝錄東京馬拉松的project，CNN等國際傳媒都有報道，也是跑友David Yung介紹，我才知道Joseph原來大有來頭！他把東京馬的風景帶到全世界，大會肯定要多謝他。這樣高難度也有，邊跑邊tweet真係濕濕碎啦！

日本武士最辛苦是要hold住把刀唔好跌！

15KM左右，又見到叮噹叮鈴，全程一起跑好sweet，真係令人羨慕！

30KM後見到魔女宅急便，佢真係好X痛苦！

唯二可惜是，最誇張扮耶穌背十字架跑的跑手，我竟然錯失看不到。5H48M完成的AKB48秋元才加，我也遺漏了！！！

所有Fun Runners的照片已上載Facebook Album。