Teppe i Pt2

 Eg har fått ein god start på året

 når det gjeld å gjere ferdig uferdige objekt.

Dette teppet begynte eg på for ca. fem år sidan.  

Mønsteret fann eg i eit av Pt sine mange fine interiørhefter.
(Pt design nr. 93)

Fem ulike fargar, fire ulike ruter.  

Rutene er montert diagonalt.

Eg brukte krok nr. 4 i staden for 5
 og hekla teppet mitt litt større enn det i mønsteret.

 (13x9 ruter)

Veldig mange trådar å feste!!  Over 1000, 

så det var ei tolmodighetsprøve eg ikkje vil anbefale!
Men teppet blei veldig fint det!  Tidlaust og klassisk.

Dette bildet blei tatt tidlegare i veka.  

Vi har meir snø no. 

 Kjekt å få besøk av svaner og stokkender.

Teppe og handkle i bomull

 Teppet og handkledet frå eit innlegg lenger nede på sida, er ferdige.

Teppet, som også kan brukast som duk, 

er hekla som ei stor bestemorsrute.

Det veg ca. 550 gram, 

så her har eg fått brukt opp litt bomullsgarn frå lageret.

(Mandarin Petit og Pandora).
Eg har hekla ei luftmaske mellom alle stavgruppene.
I hjørna har eg to luftmasker.
Ved fargeskift har eg skifta mellom kva hjørne eg har starta i,
for å unngå at ruta skulle vri seg.

 Dette handkledet fann eg mønster på i den siste boka til Tove Fevang.

Også her har eg brukt garn som eg hadde på frå før!!

17. mai-pynt

Til 17. mai i år hekla eg denne blomen.

Mønsteret fann eg på bloggen til Solstrikke.

Eg brukte Mandarin Petit og Fiol.

Heklekrok nr. 3 og 2,5 til sirkelen i midten.

Max kosar seg i skogen.

Sommarpledd

 Dette pleddet hekla eg mesteparten av i fjor sommar. 

No har eg hekla ferdig dei siste stripene og festa alle trådane.

***

 Mønster: Granny stripes, Attic 24.

Garn:  Daletta, Dale.

Heklekrok: 3,75
Opplegg:  Ca 180 lm.

Hekla sjal

 I vinterferien har eg fått sortert og rydda litt i garnelageret mitt.

Det er ganske stort, så det må nok miniserast noko,

for å seie det pent :D

Eg synest det er greit med enkle prosjekt for tida.

Har difor hekla eit par sjal, som er veldig raske å lage.

 Det til venstre er hekla i Lerke frå Dale (2,5 nøste),

 og det til høgre i Faerytail frå DSA (2 nøster).

Har brukt krok nr. 5 på desse to.

Svingete løpar og OL-lue

Denne løparen har vore ferdig ei stund no.  

Eg sydde den i fjor vår, 

men fekk ikkje gjort den heilt ferdig før i januar i år.

Sydde stripesett og brukte "slipslinjal".  Artig!

Og så har eg hekla ei OL-lue. 

Brukte mønsteret til Ullkurven.

Dobbel babyull frå Dale og krok nr. 4.

Hekla hals

Denne halsen er hekla av eit nøste mini palett frå Sandnes.
Skulle prøve å ta sjølvportrett for å vise fram halsen,
men det var ikkje så lett :D
Eg blir alltid sjåande så streng ut :(
(ikkje så lett å smile til seg sjølv)
***
Halsen er i alle fall veldig god!!
Den er surra to gongar rundt halsen.
Kjekk og relativ rask å hekle var den også.

Meir sikk-sakk

Det var så kjekt å hekle desse gryteklutane,
at eg måtte hekle eit par til.
Denne gangen i Mandarin Naturell frå Sandnes.

Gryteklutar med sikksakkstriper

Eg har hekla eit par gryteklutar med sikksakkstriper.
Mønsteret har eg kjøpt av Ellen Thunestvedt - her.
Garnet eg har brukt er Milk & Honey frå Viking.
Likar veldig godt dette mønsteret!!

Gryteklutane er doble, like på begge sidene.

Sommardag

I dag har vi hatt ein fin sommardag på Vestlandet,
den første etter at skulane tok ferie.
Ikkje kjempevarmt akkurat,
men fint nok.
Eg er i gang med babyteppet.
Fann ut at det var best å hekle,
sidan eg er litt usikker på kor mykje eg klarar å strikke enno.
Eg heklar sikksakk med krok nr. 5, og det går fort.
Teppet blir lett og luftig.
På grunn av at det er laust hekla,
vil eg ikkje ha så mange trådar å feste,
så eg heklar eit nøste til det ikkje er meir garn igjen.
Er halvvegs no.

Mønster på dette teppet fann eg i boka:
Hekling - Gammel teknikk i ny design
av Bente Myhrer og Lilly Secilie Brandal.
(Ei veldig kjekk heklebok!)

Epleposar

I dag har Minstemann og eg berre sløva og kosa oss inne
etter utedagen på fjellet i går.
Den Gode Feen linkar til diverse bloggar i dag,
blant anna Pepperkakehuset.
Der fekk eg sjå desse søte hekla epleposane,
eller epluier som ho kallar dei.
Ho har funne ideen på bloggen Mollie makes.
Før frukost hadde eg hekla ein
+ vore på matbutikken og handla modellar
( dvs. epler i ulike størrelsar).

Ein treng ikkje mønster til desse eigentleg. Det er berre å hekle ein sirkel, fortsetje oppetter utan å auke og til slutt hekle fram og tilbake eit stykke. Hekle ei hempe og sy i ein knapp.
Mine er i to ulike størrelsar. Den lilla er litt større. Der hekla eg ein tungekant oppe og rundt opninga i ein annan lillafarge. Har brukt Svale og Muskat til desse to og krok nr. 3,5.

Seterliv og hekling

I dag hadde vi ein fin dag på setra.

Veret var ikkje så verst,
sjølv om sommarvarmen lar vente på seg.

Litt hekling blei det også tid til.
Det går i glassbrikker for tida.

Søte lam som gjerne ville bli klappa.

Nye varer i epla-butikken min:

6 like brikker i Mandarin Petit.

4 like i samme garnet.
Synest denne fargen er så fin.
Den er litt grønngul.

4 like brikker hekla i Fiol.

Hekla klutar

Kluten frå innlegge under er ferdig.
Har hekla ein i omvendte fargar også.
Oppvaskbørste frå Rice.

Hekla klut

I dag har eg begynt å hekle på denne kluten i
Safran frå Garnstudio.
Ide og mønster på bloggen til Wenche.
Synest dette mønsteret blir fint,
og det er veldig enkelt og kjekt å hekle.

Skiftande ver i dag. Sol og varme innimellom regnbyene.
Her har det nettopp begynt å regne igjen.

Sommarferie

Det har vore to hektiske veker på slutten av skuleåret.
Mange avslutningsfestar på kveldstid
og ein del ekstra jobbing for å bli ferdig til ferien.
Eg er nesten ferdig....

Hekling er ein fin måte å stresse ned på.
Eg har hekla nokre glassbrikker,
som eg skal selje på Eplabutikken min.

Mønster på brikkene fann eg i boka:
"Beyond the square, Crochet motifs".
Men brikkene på det nederste bildet har eg hekla utan mønster,
etter å ha sett nokre kjempefine brikker på denne bloggen.

Søt lita ugle

Då eg såg dei to uglene til Olavas verden,

måtte eg berre finne fram garn og begynne på ei eg og.
Synest dei er så søte!
Har som Olava brukt Bomull sport frå Gjestal og krok nr. 3

Ugla er ca. 14 cm utan snor/blome.
Mønster hos Fru Madsens.
P.S. No er øyrene også komne på plass.....

Here we go again.....

Eg er nesten bra i arma mi no, men ikkje heilt.
Det går betre å hekle enn å strikke,
difor blir det mange sjal.
Det er greit med noko som går av seg sjølv,
når ein skal slappe av......

Muffins halstørkle i Milk & Honey frå Viking.

og Halv oldemorsrute i Kitten Mohair frå Sandnes.
Begge sjala er hekla av garn frå lageret mitt,
det har gått med ca 100 gram pr. sjal.

17. mai

Gratulerer med dagen!

***
Vi har hatt ein fin 17. mai,
sjølv om veret ikkje har vore det beste her på Vestlandet.

Vi blei inviteret både på middag og i kaffiselskap i dag.
***
I kaffiselskapet fekk eg hekla ferdig, festa trådar
og fotografert dette vesle sjalet.
Måtte nytte høvet når eg hadde modell tilgjengeleg.
***
Eg veit dette begynner å bli keisamt.
Har mista oversikta over kor mange sånne sjal eg har hekla no,
og dette blir nok ikkje det siste.....
Men å hekle desse sjala er berre så enkelt (brainless)
og avslappande!!

Garn: Dale Royal Alpakka, 2 nøster a 50 gram.
grårosa farge.
Heklekrok: nr. 5.
Mønster: Halv oldemorstute,
med ein taggekant rundt to sider av trekanten.
Dette garnet fekk eg lyst til å lage fleire ting av.
Herleg å jobbe med, og resultatet blei veldig mjukt og fyldig.

Fleire klutar

Eg klarar visst ikkje å slutte å hekle.
Finn stadig ut nye ting eg har lyst til å lage.
Har hekla ein stripete klut med fastmasker i bakre maskeledd.
Såg at Synnøve Olava har hekla klut med halvstavar i bakre makseledd,
så då måtte eg prøve det og. Det gjekk raskare.
Til desse klutane har eg brukt Mandarin Naturell.