Etui til rundpinnar

I helga har eg sydd eit etui til å ha rundpinnar i.
Eg sydde etter mønsteret til Vanella.
Eit veldig greit steg for steg mønster med tekst og bilde.

Ein nydeleg søndag på Vestlandet.

Vi bur på skyggesida, så inga sol på oss enno.
Men trøysta er eit rikt dyre- og fugleliv....

Biblioteket her har begynt å ta inn digibok-kort.
Lånte og har høyrt Huset du elsket av
Saras nøkkel /Bumerang - forfattaren.
Denne boka var heilt annleis og hadde lite innhald.
Har høyrt at fleire har blitt veldig skuffa.
Men boka er grei nok å høyre på
viss ein har noko anna å gjere på samstundes .
Den har sine (få) lyspunkt.
Hovudpersonen skriv i eit brev
"....har du opplevd korleis ei bok fører deg vidare til neste bok"
. Huset du elsket førte meg i alle fall vidare til Madam Bovary,
som eg hadde ulest i bokhylla.

Sommarleg trekantveske

Denne trekantveska har visst ikkje blitt blogga.
Fekk knipsa nokre bilder i full fart før den blei gitt vekk til mora mi.
Trur eg må skaffe meg ein sånn "fotovegg" som Timotei har.
Les om hennar fototips her.

No merkar eg at eg vil ha tilbake det flotte veret,
som vi hadde før 17. mai langhelga.
Er sultefora på sol og varme!!

Rema-roser innkjøpt til 17. mai
(... i litt for god tid, for dei var ganske visna då dagen kom...).

Lita veske

Denne veka har eg sydd noko morosamt,
nemleg veske til digibokspelaren min.
Eg kjøpte eit mønster med tre stryke-på-mønster av Siv på Lappestua.
Veldig enkelt og raskt!
Berre å stryke mønsteret til baksida av eit stoff,
brette og sy etter oppstreka linjer.
Eg sydde på trykknapp etterpå.

Veska har to bur

Veska kan også brukast til mobil og liknande.

Uglepose

Eg har planar om å sy mange sånne enkle posar til å ha strikketøy i.
Har mykje stoff liggande som må ut av skapet....
No er i alle fall den første posen ferdig,
så vil tida vise kor mange det blir!

Eg har lagt posen ut for sal i eplabutikken min.
Gjer det mest for moro skyld, ikkje så mykje pengar å tene på
handarbeid i forhold til kva "råvarene" kostar og tida ein brukar.
Det er ikkje så nøye om det blir seldt heller,
for eg lagar berre ting som eg kan tenke meg å ha sjølv :-)

Klemmepung

I går kveld var eg på møte i den lokale quilteklubben.
Der viste Elin oss korleis vi syr klemmepungar
(mønsteret er frå Quiltemagasinet 5/2007).
Det var enkelt og kjekt, og eg fekk sydd denne "froske-pungen".
Eg trur ikkje eg har rørt symaskina mi sidan i juni/juli, så det var på tide med litt sying igjen. Faktisk blei eg så optimistisk, at eg har meldt meg på 9NA's Julemysterium i dag!

På møtet kjøpte eg dessutan desse to stoffbitane av Siv på Lappestua. Likte dei kjempegodt!

Handarbeidsmappe

Eg har sydd meg ei mappe til å ha roseteppeblokkene mine i medan dei blir til. Den er heilt enkel, fora men utan vatt. Ingen quilting altså, så den var ganske rask å lage. Skal sy ei nålebok som passar til og. Ser at mange syr liknande mapper, men viss du ikkje syr sjølv, vil eg anbefale mappene til Felisi, som ho syr for sal. Dei er veldig proffe og av god kvalitet!

Blokk nr. 7 under arbeid, men det går ikkje så fort med meg for tida.....

Ei lita veske

No har eg endeleg fått sydd denne Japan-inspirerte veska som eg fekk mønster på i fjor. Det er ein kollega av meg som har teikna grunnmønsteret. Ideen er frå ei japansk bok.

Pynten har eg "desinga" sjølv. Applikerte på ein sirkel og sydde på ein hekla blomst.

Synest denne fasongen er så fin! Viss nokon fekk veldig lyst på det stoffet som eg har brukt som hovudstoff (kjøpt hos Ingun), er det mogeleg å vinne det hos Lappetausa, som har Give Away i høve toårsdagen til bloggen sin!

Vinteridyll-pute

No har eg for ein gong skuld sydd ei pute som eg ikkje skal stikke nåler i.
Stitcheryet frå Jordbærstedet sin stitcheryklubb er ferdig. Eg valde ein litt enkel variant då eg broderte. Brukte berre ein farge (blåmelert Lenes silketråd), men angra ikkje på det. Eg brukte berre eit av dei fire stoffa som var med og. Synest dette blå/kvit-blomstrete er heilt nydeleg og passar godt til motivet. Det mørkeblå stoffet hadde eg frå før. Puta kunne sjølvsagt vore pynta litt meir med "snurpeblomstrar", knappar og band, men inntil vidare får den vere slik...

Wild Bird

Eg har sydd ein liten fugl som eg fann mønster på i
"Quilts and more - fall 2008".

Har planar om å sy fleire sånne i ulike fargar, for den var så rask og enkel å lage!

Verdens enklaste og smartaste nålebok

I dag har eg sydd denne nåleboka.

Det var veldig fort gjort og veldig morosamt!
Det som tok mest tid var faktisk å sy i knappane.

Mønsteret er det Lappequri i Mosjøen som har laga.

Wild Flowers

På tysdag skal vi sy denne blomstrande nåleputa på møtet i Nordfjord Lappe-og Quilteklubb. Eg sydde ei i fjor vår, berre sjå her. No då eg skulle lage eit mønster på norsk, måtte eg sy ei til.

Veldig tynne stoff gir litt slappe blad ( sjå det gule), men viss ein brukar stoff med litt meir hald i, blir blada betre og kan formast om ein vil det. Det er fint å feste synåler på blada, slik at dei ikkje forsvinn ned i nåleputa. God plass til knappenåler oppå. Det er litt arbeid å teikne opp og klippe ut alle delane, men syinga går raskt og greit. Veldig morosamt! Det går med ein del fyllvatt, sidan nåleputa er ganske stor...

Julegave frå meg til LilleMø

Dette er vel den einaste julegava eg laga før jul som eg ikkje har vist fram på bloggen.
Den laga eg til systra mi, LilleMø. Kumønsteret fann eg i eit blad og resten er sjølvkomponert. Posen er stor nok til å oppbevare eit lite handarbeid i.

Det går fortsatt i posar.....

Eg har sydd ein pose som passar til ei vinflaske. Kjøpe ein "kit" med påteikna mønster på striestoff på tilbod for ei stund sidan. Eg endra litt på det heller dårlege mønsteret. Sydde på litt stoff her og der og laga ein annan botn.....

Posar til julemenn/pepperkakeformer

Eg likte så kjempegodt ideen om ein stoffpose til å oppbevare småkakeformene i, at eg måtte sette i gang ein liten produksjon i helga. Førebels er eg ferdig med to posar, men kjem heilt sikkert til å sy fleire (optimisten...).

Her har eg putta mine former opp i den eine posen, og den blei berre halvfull.

Mannen er brodert med kontursting, eller min versjon av kontursting (var litt usikker på dette stinget....). Brukte linstoff, som det stod i boka at ein skulle bruke. Det blei ganske fint. Raudt bomullstoff som for.

My forest friends

Eg har meldt meg på "Pincushion of the month" hos denne australske nettbutikken.
Det går ut på at eg får ein pakke kvar månad med alt som trengs for å sy ei nålepute (eller to..).

Den første pakken var designa av Squirrel Momma.
Det var kjekt å lage noko i filt, og resultatet blei ganske bra. Eg sydde alt for hand.
Med i pakken var også ei søt jordbær-knappenål (..sjå pinnsvin...)
Blir spanade å sjå kva som kjem neste gong - trur eg skal få nok nåleputer til slutt :-)