Svingete løpar og OL-lue

Denne løparen har vore ferdig ei stund no.  

Eg sydde den i fjor vår, 

men fekk ikkje gjort den heilt ferdig før i januar i år.

Sydde stripesett og brukte "slipslinjal".  Artig!

Og så har eg hekla ei OL-lue. 

Brukte mønsteret til Ullkurven.

Dobbel babyull frå Dale og krok nr. 4.

Løpar i gamle stoff

 Denne løparen sydde eg i fjor vår.

 No har eg endeleg fått quilta den og sydd på lukkekant.

Eg har brukt berre gamle stoff, 

som eg har hatt liggande i mange år.
Mange av dei er frå 1990-talet.

Mug-rug og spisebrikke.

 Måtte berre prøve å sy desse søte eplene til AnnAKa.  

Først blei det ei lita krus-brikke,

og så ei spisebrikke.

Eg finn ikkje igjen stoppefoten til symaskina mi,

så dei er ikkje kvilta slik mønsteret seier.

Brikkene var veldig enkle, raske og morosame å sy!!

 Her fekk eg jammen vist fram favoritt-serviset mitt også.

(Mon Amie frå Rørstrand).

Mobiletui

 Til jul fekk eg meg ny mobil av gutane mine, 

og no har eg sydd eit etui til den.

Følgde mønsteret til Timotei.

Kjekt og enkelt å sy,

takka vere gode bilder og god forklaring!!

Nøff, nøff....

Fekk nokre timar på syrommet ein dag, 

og då blei denne løparen ferdig.

Det einaste som manglar er grisehalane.

Mønster:  AnnAKa.

 Feminint tilbehør kom i posten frå Hobbyklubben.

  Kjekk bok, særleg modellane først i boka.

På pinnane no.  Dvs. eg fekk for lite garn, 

så no er det pause frå dette prosjektet til butikken opnar igjen.

Strikkar denne lua i Air og Sky.

Fekk nok for lite garn pga av at eg brukar Sky i staden for Soul.

(oppdaga det først no...)

"Nissegaver"

Eg har sydd ferdig ein juleløpar, 

som eg begynte på før jul i fjor.

Det er AnnAKa som har designa dette mønsteret,

"Nissegaver".

Advent

 På tide med eit  livsteikn i ei travel adventstid.  

Eg har sydd ei lita adventsbrikke. 

 Kjøpte mønster og stoffpakke av Ingun på Primula design.

Denne brikka har kollegaen  min Ann Margret sydd.

Samme pappmalar som er brukt i Annes sommerduk.

Regionstreff

I dag har eg vore på Regionstreff for quiltarar i Sogn og Fjordane .
Mange fine arbeid var utstilt.

Og så blei det sjølvsagt handla litt.
Eg kjøpte desse reprostoffa av Wenche/Norhern Quilts.
Wenche heldt foredrag om reprostoff og gamle quiltar.

Ein veldig kjekk dag!

Kurshelg

Denne helga har eg vore på kurs med Mia Øberg frå MiasQuiltbod i Sverige. Kurset heiter "Smarta remsor og fiffiga trianglar".
Det er kanskje to år sidan eg har vore på sykurs, så det var på tide. Det har blitt veldig lite sying på maskin det siste halve året (...trur eg har sydd ein klemmepung, det er alt...), men no håper eg at det kan bli meir.

Eg fekk sydd framsida på ei sofapute (smarta remsor),

og toppen på ein liten kjøkkenløpar (fiffiga trianglar).
Eg valde enkle løysingar og små prosjekt,
sidan eg ikkje er så trent i faget som dei fleste andre i klubben.
Kjekt å bli mest mogeleg ferdig også.
No har eg berre monteringa igjen, og det er eg fornøgd med!

Her er søndagens lunsj og kake.

Heldige meg

Flittige hender hadde Giveaway på bloggen sin tidlegare i sommar. Måndag fekk eg vite at eg hadde vunne ekstrapremie, og i går kom denne kjempesøte korga i posten!!

Eg blei veldig glad for den, så tusen takk Grethe!
Det artige er at tanta mi, Lappetausa, tipsa meg om denne tutorialen for ei god stund sidan. Etter at eg fekk denne flotte utgåva, fekk eg lyst til å prøve mønsteret eg og, så det blir nok neste prosjekt! Her er mønsteret!

Lucky me, I won this basket on a GiveAway!

Papirpose i stoff

Papirpose i stoff heiter dette mønsteret til Helle C. E. Løvenskiold.
Mønsteret er henta frå boka "Lapper for enhver anledning".
Veska blir stor og god (ca. 52x27 cm). Eg begynte på den etter å ha vore på foredrag med Helle på Regionstreffet i Førde i april. Veska er veldig kjekk og enkel å sy. Eg har brukt både gamle og nye stoff. Sydde på ein knapp og ei hempe for å kunne lukke den litt.

Rosenett

I helga sydde eg Sara Bolster sitt 70-tals"Rosenett".

Det var veldig raskt og enkelt å sy, det einaste pirket var å få rynkene fine.
Amy Butler-stoffet kjøpte eg på sal hos Desiree i fjor haust. Mønster og hjorteband fekk eg tak i hos Primula.
Eg blei veldig fornøgd og har allereie funne fram stoff til veske (nett) nr. to!!

Påskebesøk hos Lappetausa

I dag var eg (m. fl.) på besøk hos tante Elin. Der fekk vi sjå på alle blokkene som ho har sydd det siste året, og det er imponerande mange! Desse Sylvia Bridal-blokkene held ho på å sy saman til eit dobbelt sengeteppe. Legg merke til alle blokkene ho held i hendene som enno ikkje er sydd saman!
Dette prosjektet begynte ho på etter å ha lese desse romanane. Eg har fått låne boka som er på over 700 (engelske) sider og inneheld dei tre første romanane. Eg trur ikkje eg kjem til å forstå fullt ut kva dette går ut på, før eg har lese desse romanane og studert litt på sida til forfattaren, Jennifer Chiaverini.
Eg håper Lappetausa tek med seg det halvferdige prosjektet til Regionstreffet på Stårheim skule, søndag 30. mars, slik at fleire kan få gleden av å studere det på nært hald!

AnnAKa-pose for hesteinteresserte

I dag sydde eg ferdig min andre AnnAKa-pose, denne gongen den mellomste storleiken.
Eg trur eg skal kjøpe ei mindre dokumentklemme til denne. Det som er veldig bra med desse klemmene, er at dei sit så godt fast, at posane fint kan henge på ein krok på veggen.

AnnAKa-pose

Søndag fekk eg sydd denne AnnAKa-posen med plastvindauge. Eg kjøpte mønster hos Ingun på fredag, så dette var raskt levert for å vere meg! Det var veldig kjekt og lærerikt å følge mønsteret punkt for punkt. Denne posen kan ein faktisk sy utan ein einaste handsaum. Eg har brukt blomstrete Amy Butler og einsfarga Kaffe Fassett-stoff.
Slik ser posen ut utan noko i.
Eg hadde berre ei handkleklype til å feste i nedbretten oppe på posen, så i dag var eg innom Libris for å kjøpe ei dokumentklype av typen som AnnAKa har brukt! Kult, hadde aldri kome på dette sjølv! Eg har fylt posen med glidelåssamlinga mi. No har eg planar om å sy mange fleire posar av denne typen..........

Årets andre utskeiing!

I kveld var eg på møte i den lokale lappeklubben. Eg kom heim med dette heftet som inneheld mønster på 12 koselege applikasjonar med tekst (noko å leve opp til i det nye året!)! Dei kan syast kvar for seg eller settast saman til eit teppe. Kjekt å ha!

Årets første utskeiing....

I går kom eg heim med mønster og to stoffbitar kjøpt hos Ingun på Primula.

Eg har hatt lyst til å sy desse spisebrikkene heilt sidan eg såg det nye AnnAKa-mønsteret like før jul! Så får vi sjå kor tid det blir.....

I dag måtte eg sy ei ny gardinkappe til kjøkkenet.

Eg har rydda vekk jula denne helga. Er av dei som må få julepynten fort vekk etter nyttår.

Nålepute

Denne nåleputa blei sydd i all hast på ti minutt, berre for å ha litt fleire modellar til i morgon..... Fekk ideen på nettet ein plass for lenge sidan. Eg brukte ikkje mønster, for det fann eg ikkje før etterpå. Men det finst her. Veldig enkelt!

Eit einsleg hjarte, men ikkje einsamt! / One single heart, but not lonely!

I kveld har eg sydd dette hjartet frå ei Tildabok. Måtte berre teste ut om det kunne vere ei passande oppgåve til tekstilformingstimane på skulen i morgon..... Ikkje så dumt, men eg trur eg må forstørre mønsteret litt. Lurer og på om det blir finare å sy i knappen gjennom hjartet, evnt. lenger oppe? Her er det mange variasjonsmogelegheitar!!