Click on a word to bring up parses, dictionary entries, and frequency statistics
[118]
Et primum genus illud earum rerum, quae
ad oratorem deferuntur, meditatum nobis in perpetuum ad
omnem usum similium rerum esse debebit; nam et pro
tabulis et contra tabulas et pro testibus et contra testis et
pro quaestionibus et contra quaestiones et item de ceteris
rebus eiusdem generis vel separatim dicere solemus de
genere universo vel definite de singulis temporibus, hominibus,
causis; quos quidem locos—vobis hoc, Cotta et Sulpici,
dico—multa commentatione atque meditatione paratos atque
expeditos habere debetis.
M. Tulli Ciceronis Rhetorica. M. Tullius Cicero. A. S. Wilkins. 1902.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.