Click on a word to bring up parses, dictionary entries, and frequency statistics
[215]
Neque vero,
si quis utrumque potest, aut ille consili publici auctor ac
senator bonus ob eam ipsam causam orator est aut hic
disertus atque eloquens, si est idem in procuratione civitatis
egregius, illam scientiam dicendi copia est consecutus:
multum inter se distant istae facultates longeque sunt
diversae atque seiunctae neque eadem ratione ac via
M. Cato, P. Africanus, Q. Metellus, C. Laelius, qui omnes
eloquentes fuerunt, orationem suam et rei publicae dignitatem
exornabant. Neque enim est interdictum aut a rerum
natura aut a lege aliqua atque more, ut singulis hominibus
ne amplius quam singulas artis nosse liceat.
M. Tulli Ciceronis Rhetorica. M. Tullius Cicero. A. S. Wilkins. 1902.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.