Click on a word to bring up parses, dictionary entries, and frequency statistics
[32]
Ad nosmet ipsos iam revertor,
quoniam sic fuimus semper comparati, ut hominum sermonibus
quasi in aliquod contentionis iudicium vocaremur.
Quid tam dissimile quam ego in dicendo et Antonius? cum
ille is sit orator, ut nihil eo possit esse praestantius, ego
autem, quamquam memet mei paenitet, cum hoc maxime
tamen in comparatione coniungar. Videtisne, genus hoc
quod sit Antoni? Forte, vehemens, commotum in agendo,
praemunitum et ex omni parte causae saeptum, acre, acutum,
enucleatum, in sua quaque re commorans, honeste cedens,
acriter insequens, terrens, supplicans, summa orationis varietate,
nulla nostrarum aurium satietate.
M. Tulli Ciceronis Rhetorica. M. Tullius Cicero. A. S. Wilkins. 1902.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.