မြက်ရိုင်းတောကြီးကို ကျော်ရင်
လူခြေရာတွေနဲ့ခွေးခြေရာတွေ
မတူညီတဲ့ဖိနပ်ရာတွေ
ဖိနပ်မပါတဲ့ ခြေဗလာရာပေါင်းများစွာ
ခေါင်းနဲ့မျက်နှာမှာ သွေးတွေနဲ့
ရုပ်ရှင်တွေ ဝတ္ထုစာအုပ်တွေထဲကလို
သူ့အိတ်ကပ်ထဲကနေ ဘာစာတိုလေးမှ ထွက်မလာ
မည်းညစ်နေတဲ့သစ်တော်သီးလေး
သစ်တော်သီးမှ ဘုရားစူး_သစ်တော်သီး
တခြမ်းစာသာ တွေ့ရတယ်
အဲဒါ သူ့နောက်ဆုံးအာဟာရပေါ့။
မောင်ရေချမ်း
