கமலுடன் நடிக்க மறுத்த காஜல் அகர்வால் ! சம்பள விஷயத்தில் கறார்

முன்னணி கதாநாயகர்களுடன் நடிக்க நடிகைகள் போட்டி போடுவதுண்டு.
முன்னணி நடிகர்களுடன் நடிக்க வாய்ப்பு கிடைக்கும் போது சம்பளத்தை பற்றி கதாநாயகிகள் கவலைப் படுவதில்லை. ஆனால் நடிகை காஜல் அகர்வால் இதற்கு நேர் மாறாக உள்ளார். சம்பள விஷயத்தில் மிகவும் கறாராக நடந்து கொள்கிறார். காஜல் அகர்வாலுக்கு சமீபத்தில் கமலஹாசனுடன் கதாநாயகியாக நடிக்க வாய்ப்பு கிடைத்தது. ஆனால் அவர் எதிர்பார்த்த சம்பளத்தை தயாரிப்பாளர் கொடுக்க முன்வரவில்லை. இதையடுத்து கமலஹாசன் படத்தில் நடிக்க காஜல் அகர்வால் மறுத்துவிட்டார். கமலஹாசனுடன் நடிக்க நடிகைகள் போட்டி போடும் போது சம்பள விஷயத்தால் அந்த வாய்ப்பை காஜல் அகர்வால் இழந்துள்ளார். அதே போல் சிரஞ்சீவி தம்பி பவன் கல்யாணுடன் “கப்பர்சிங்-2” படத்தில் நடிக்க காஜல் அகர்வாலுக்கு வாய்ப்பு கிடைத்தது. ஆனால் அவர் கேட்ட சம்பளத்தை தயாரிப்பாளர் கொடுக்க மறுத்துவிட்டார். இதையடுத்து அந்த படத்தில் இருந்தும் காஜர்அகர்வால் விலகிவிட்டார். முன்னணி நடிகர்களுடன் நடித்தால்தான் சினிமாவில் தாக்குப்பிடிக்க முடியும். அப்போது சம்பளத்தை பெரிதாக கருத வேண்டாம் என்று அவருக்கு நெருங்கிய தோழிகள் அறிவுரை கூறுகிறார்கள். ஆனால் காஜல்அகர்வால் அதை கண்டு கொள்ளவில்லை.

சூரியநெல்லி பாலியல் வழக்கில் இருந்து குரியன் விடுவிப்பு

சூரியநெல்லி பாலியல் வழக்கில் இருந்து குரியன் விடுவிப்பு"
இந்த குற்றத்தில் ராஜ்யசபா துணை தலைவர் பி.ஜே.குரியனுக்கும் தொடர்பு உள்ளது என்று பாதிக்கப்பட்ட பெண் புகார் கூறியதால் வழக்கில் திருப்பம் ஏற்பட்டது. மேலும் அந்த பெண்ணை தான் குரியனிடம் அழைத்துச் சென்றதாக முக்கிய குற்றவாளியான தர்மராஜன் கூறியிருந்தார். அதன் அடிப்படையில் கோர்ட்டில் மனு தாக்கல் செய்யப்பட்டு விசாரணை நடைபெற்று வந்தது. இந்த வழக்கின் தீர்ப்பு இன்று வழங்கப்பட்டது. குரியன் குற்றவாளியாக சேர்க்கப்படுவார் என்று எதிர்பார்க்கப்பட்ட நிலையில், வழக்கில் இருந்து அவர் விடுவிக்கப்பட்டுள்ளார். இந்த வழக்கில் புதிதாக எந்த உண்மைகளும் இல்லை என்று கூறி, குரியனுக்கு எதிரான மனுவையும் கோர்ட் தள்ளுபடி செய்தது.

கனிமொழி பிரதமரையும் சோனியாவையும் சந்தித்து நன்றி கூறினார் ! ஆட்டுவித்தால் யாரொருவர் ,,,,

மாநிலங்களவைத் தேர்தலில் வெற்றி பெற்ற கனிமொழி, புதுடெல்லியில் பிரதமர்  மன்மோகன் சிங்கைச் சந்தித்து நன்றி தெரிவித்தார். தி.மு.க. நாடாளுமன்றக்குழுத் தலைவர் டி.ஆர்.பாலு, எம்.பி., இச்சந்திப்பின்போது உடனிருந்தார்,<

முன்னதாக அகில இந்திய காங்கிரஸ் கட்சியின் தலைவர் சோனியா காந்தியை சந்தித்தும் நன்றி தெரிவித்தார், தமிழகத்தில் 5 எம்எல்ஏக்களைக்கொண்ட காங்கிரஸ் கட்சி, மாநிலங்களவைத் தேர்தலில் திமுக வேட்பாளரான கனிமொழிக்கு ஆதரவு தெரிவித்திருந்தது,

வேர்களை வெளிச்சமிட்டுக் காட்டிய கலைஞன் பாரதிராஜாவின் வாழ்க்கை சிறுகுறிப்புக்கள்

 தமிழ் சினிமாவைப் புதிய திசைக்கு செலுத்திய இயக்குநர் பாரதிராஜாவின்
பெர்சனல் பக்கங்கள்..
பாரதிராஜா அல்லிநகரத்தில் பிறந்தது 1941-ல் பெரிய சம்சாரிக் குடும்பம். அக்கா இரண்டு பேர், அண்ணன்கள் இருவர், ஒரு தம்பி, ஒரு தங்கை எனப் பெரிய குடும்பம். பெரிய மாயத்தேவர் – கருத்தம்மாவின் ஜந்தாவது வாரிசு!சினிமாவுக்கு வருவதற்கு முன் `ஊர் சிரிக்கிறது’ `அதிகாரம்’ `சும்மா ஒரு கதை’ என நாடகங்கள் எழுதி திருவிழா காலங்களில் இயக்கி நடித்திருக்கிறார். பிறகு தான், புட்டண்ணா கனகலிடம் சினிமா கற்றார்!
சென்னையில் ஆரம்பத்தில் சேர்ந்து தங்கியிருந்த நண்பர்கள் இளையராஜா, கங்கை அமரன், ஆர்.செல்வராஜ், கச்சேரித் தெருவில் சிறு வீட்டில் இருந்து இவர்களின் பயணம் தொடங்கியது. இப்பவும் கூடிப் பேசினால் அவர்களின் அனுபவங்கள் மேலே விரிந்து பரவும்!

செயற்கை அருவியை உருவாக்கி பணம் வசூலிக்கும் கும்பல்

நெல்லை மாவட்டம், செங்கோட்டை அருகே மேக்கரை கிராமம் உள்ளது. இந்த கிராமத்தில் இருந்து சுமார் 2 கி.மீட்டர் தூரத்தில் அடவிநயினார் கோவில் அணை உள்ளது.மேற்கு தொடர்ச்சி மலையடிவாரத்தில் உள்ள மேக்கரை கிராமத்தில் ஒரு கி.மீட்டர் இடைவெளியில் எருமைச்சாவடி, குறவன்பாறை என இரண்டு ஆறுகள் ஓடுகின்றன. இவை 20 அடி அகலம் கொண்டவை. இந்த ஆறுகள் மேற்கு தொடர்ச்சி மலையில் உற்பத்தியாகி மேக்கரை, அச்சன்புதூர், இடைகால், சாம்பவர்வடகரை, சுரண்டை, வீ.கே.புதூர் வழியாக 50 கி.மீட்டர் வரை பயணித்து சிற்றாற்றில் கலக்கிறது.இந்த இரண்டு ஆறுகளில் வருடம் முழுவதும் தண்ணீர் ஓடுவது சிறப்பு. கடந்த ஆண்டு ஏற்பட்ட வறட்சியின்போது இங்கு தண்ணீர் வற்றாது ஓடியது குறிப்பிடத்தக்கது. வறட்சி காலங்களில் இந்த ஆறுகளில் இருந்து மோட்டார் மூலம் தண்ணீர் எடுத்து பக்கத்து கிராம விவசாய பணிகளுக்கும், குடிநீருக்கும் பயன்படுத்துவது வழக்கம். இப்பகுதி மக்கள் குடிநீர், விவசாயம் மற்றும் குளிப்பதற்கு இந்த ஆறுகளின் தண்ணீரை பயன்படுத்துகின்றனர்.

Manipal Kasturba Medical College Gang rape குற்றவாளிகள் கைது ! ஆனால் விசாரணைக்கு ஒத்துழைக்க மாணவி தயக்கம் !

UDUPI: Exactly a week after the heinous sexual assault on a medical student of Manipal's Kasturba Medical
College, police on Thursday arrested two people — Yogesh Poojari, 30, a resident of Ontibettu, and Hariprasad Poojari, 27, a resident of Badagabettu, Parkala.
Yogesh was critical in KMC Hospital, Manipal after consuming poison. Late evening, the third accused, Anand, 28, from Badagabettu, who had been absconding since morning, was admitted to KMC Hospital in a serious condition after he attempted suicide by hanging உடுப்பி: பலாத்காரத்துக்கு ஆளான மணிபால் பல்கலைக்கழக மருத்துவ மாணவி மற்றும் அவரது குடும்பத்தினர் விசாரணைக்கு ஒத்துழைக்க மறுத்து வருவதால் சட்ட சிக்கல் ஏற்பட்டிருப்பதாக உடுப்பி போலீஸ் வட்டாரங்கள் தெரிவித்தன. கர்நாடக மாநிலம் உடுப்பி அருகே உள்ள மணிபால் பல்கலைக்கழகத்தில் மருத்துவ பட்டப்படிப்பு 4ம் ஆண்டு படித்து வந்த கேரள மாணவி ஒருவர், கடந்த 20ம் தேதி மூன்று பேரால் ஆட்டோவில் கடத்தப்பட்டு பலாத்காரம் செய்யப்பட்டார். தற்போது மாணவிக்கு சிகிச்சை அளிக்கப்பட்டு வருகிறது. பலாத்காரம் செய்யப்பட்டது மருத்துவ பரிசோதனையில் உறுதி செய்யப்பட்டது. அவர் கொடுத்த அடையாளங்கள் அடிப்படையில் 3 பேரின் உருவப்படம் வரைந்து பத்திரிகைகளில் வெளியிடப்பட்டது.

நடிகையர் திலகம் சாவித்ரியின் பேரன் நடிக்கும் தமிழ்படம்

மறைந்த ஜெமினி கணேசன், சாவித்ரி பேரன் அபினய் நடிக்கும் படம்
‘விளம்பரம்'. இதுபற்றி இயக்குனர்

கே.ஏ.சூரியநிதி கூறியது: மனதார காதலிக்கும் ஹீரோ, ஹீரோயின் ஜோடி, விளம்பர படம்
எடுப்பது சம்பந்தமாக மலேசியா செல்கின்றனர். அங்கு தன் பழைய காதலியை ஹீரோ சந்திக்கிறார். அதே சமயம் தன் சிறு வயது தோழியை சந்திக்கிறார் ஹீரோயின். இந்த சந்திப்பால் பல்வேறு பிரச்னைகள் உருவாகின்றன. இது காதல் ஜோடியை குழப்பத்தில் ஆழ்த்துகிறது. அத்துடன் விபரீத விளைவுகளையும் சந்திக்கின்றனர். இந்த பிரச்னையில் இருந்து ஹீரோ, ஹீரோயின் மீள்கின்றனரா என்பதற்கு விடை சொல்கிறது படம்.இதில் ஹீரோயின்களாக ஹைரா, ‘அட்டகத்தி' ஐஸ்வர்யா, தம்பி ராமய்யா, சுமன் ஷெட்டி, சோனா, ரித்திஷ், பத்மினி, சுசிக் உள்ளிட்டோர் நடிக்கின்றனர். ஏ.ஜோசப் ஸ்டாலின் தயாரிக்கிறார். வி.பி.ராமகிருஷ்ணன் இணை தயாரிப்பு செய்கிறார். அப்துல் கலாம் ஒளிப்பதிவு செய்கிறார். ஜே.விமல் இசை அமைக்கிறார்.

நாக்பூரில் கற்பழித்து கொலை செய்த 2 பேருக்கு தூக்கு தண்டனை

நாக்பூரில் இளம்பெண்ணை கடத்தி கற்பழித்து கொலை செய்த வழக்கில்
கைதான 2 பேருக்கு தூக்கு தண்டனை விதித்து கோர்ட்டு தீர்ப்பு அளித்தது. மராட்டிய மாநிலம் நாசிக் மாவட்டம் கல்மேஷ்வர் அருகே உள்ள லோனாரா கிராமத்தை சேர்ந்த இளம்பெண் கஞ்சன் மெஷ்ரம் (வயது 19). கடந்த 2005-ம் ஆண்டு டிசம்பர் மாதம் இவர் தனது வீட்டில் தனியாக இருந்தார். அப்போது அமர்சிங் தாக்கூர், ராஜேஷ் காம்ப்ளே ஆகிய 2 பேர் சேர்ந்து கஞ்சன் மெஷ்ரமை கற்பழிக்க முயன்றனர். அவர்களிடம் இருந்து தப்பிக்க கஞ்சன் மெஷ்ரம் வீட்டை விட்டு வெளியே ஓடி வந்தார். அவரை பின் தொடர்ந்து வாலிபர்கள் இருவரும் அவரது வாயை பொத்தி அருகில் உள்ள காட்டு பகுதிக்கு கடத்தி சென்றனர். அங்கு அவரை கொடூரமான முறையில் கற்பழித்து படுகொலை செய்தனர்.

பரிதி இனி சுயமரியாதை பிரசாரமா பண்ண முடியும் ? பணம் பண்ணலாம்

அதிமுக ஜோதியில் ஐக்கியமான பரிதி இவ்வளவு காலமும் சேர்த்த நல்ல பேரை வைத்து இனி பணம் பண்ணலாம் . அதிமுகவில் வேறு என்னதான் செய்ய முடியும் ? சுயமரியாதை பிரசாரமா பண்ண முடியும் ?

R T I: தகவல் அறியும் சட்டத்தில் இருந்து தப்ப சகல கட்சிகளும் முயற்சி

புதுடில்லி: ஆர். டி. ஐ., எனப்படும தகவல் அறியும் சட்ட வரம்பிற்குள் அரசியல்
கட்சிகளையும் கொண்டு வருவது தொடர்பான உத்தரவு .
கடந்த சில வாரங்களுக்கு முன்னர் தொடரப்பட்ட ஒரு மனுவை விசாரித்த மத்திய தகவல் உரிமை ஆணையம் , அரசியல்கட்சிகளையும் இந்த வரம்பிற்குள் கொண்டு வர முடிவு செய்து ஒரு ஆணைய பிறப்பித்தது. இதன் படி கட்சியின் வரவு செலவுகள் மற்றும் கட்சி நிதி, வேட்பாளர் தேர்வு, கட்சிக்குள் நடக்கும் பிரச்னைகள் குறித்து ஒரு சாமானியன் கேட்டால் தகவல் தெரிவிக்க வேண்டிய நிலையில் இந்த ஆணை இருந்தது. இதனால் சமூக ஆர்வலர்கள் வரவேற்பு தெரிவித்திருந்தனர்.

மத்தியில் காங்.ஆளும் ஐக்கிய முற்போக்கு கூட்டணிஅரசு தகவல் அறியும் உரிமை சட்டத்தை 2005-ம் ஆண்டு கொண்டுவந்தது. இந்த சட்டம் அரசு நிர்வாகத்தில் நேர்மையான , நியாயமான முறையில் நடக்கிறதா என்பதனை பொதுமக்கள் அறிய பெரிதும் உதவி புரிந்து வருகிறது. அரசியல் கட்சிகளும் தகவல் அறியும் உரிமை சட்டவரம்பிற்குட்பட்டவர்கள் தான் மத்திய தலைமை தகவல் கமிஷன் அதிரடியாக உத்தரவிட்டது. இந்நிலையில் தகவல் அறியும் உரிமை சட்டத்தில் அவசர சட்டம் கொண்டுவந்து திருத்த மத்திய அரசு முயற்சிக்கிறது.  இப்படியெல்லாம் நடக்கும் என்று தெரிந்திருந்தால் RTI யை வரவிட்டிருக்க மாட்டார்கள்... RTI சட்டம் கிட்டத்தட்ட காங்கிரஸ் கட்சி சொந்தச்செலவில் சூனியம் வைத்துக்கொண்டது போலத்தான்...

பரிதிஇளம் வழுதி: தலைமை பண்புகள் அற்ற ஸ்டாலின் நடவடிக்கைகளால் வெளியேற்றம்

பரிதிஇளம் வழுதி அளித்த சிறப்பு பேட்டி: தி.மு.க., வில் துணை சபாநாயகர், அமைச்சர், துணைப் பொதுச்செயலர் போன்ற பதவிகளை அனுபவித்த நீங்கள், தி.மு.க., விலிருந்து வெளியேற என்ன காரணம்?
தி.மு.க., வில் தொண்டர்களுக்கோ, காலமெல்லாம் கட்சிக்காக உழைத்தவர்களுக்கோ, எந்த முக்கியத்துவமும் கிடையாது. ஒரு குடும்பத்தின் நலனுக்காக, அக்கட்சி முழுமையாக பலி கொடுக்கப்பட்டு வருகிறது. கட்சி, முழுக்க முழுக்க, கருணாநிதியின் குடும்பத்தின் கட்டுப்பாட்டில் உள்ளது. இப்போதைக்கு கருணாநிதி செயல்பட முடியாத ஒரு தலைவராகவும், அதிகாரமற்ற ஒரு முதியவராகவும் மட்டுமே இருக்கிறார். தி.மு.க., என்ற கட்சியோ, குடும்பமோ இப்போது அவரது கட்டுப்பாட்டில் இல்லை. கட்சியில், குடும்பத்தினர் ஆதிக்கம் தலைவிரித்து ஆடுகிறது. குடும்ப பாசம் காரணமாக, கருணாநிதி, தகுதியற்ற, தன் வாரிசுகளை கட்சி பதவிகளிலும், அதிகார பீடங்களிலும், தூக்கி வைத்ததன் விளைவாக, தி.மு.க., தொண்டர்களும், முன்னணி தலைவர்களும், மன உளச்சலில் உள்ளனர். எனக்கும், இதே அனுபவம் தான் ஏற்பட்டது. தலைமை பண்புகள் அற்ற ஸ்டாலின் நடவடிக்கைகளால், கட்சிக்காக, காலமெல்லாம் உழைத்த நான், "தன்மானம்' காக்க, "மவுனமாக' வெளியேற வேண்டிய நிலை ஏற்பட்டுள்ளது.

அமெரிக்காவில் சட்டவிரோதமாக 1 கோடி வெளிநாட்டினர் ! அனேகமாக விசா கொடுக்கப்படும்

அமெரிக்க அதிபராக ஒபாமா 2-வது தடவை பொறுப்பேற்றதும் சட்ட
விரோதமாக குடியிருக்கும் வெளிநாட்டவர் மீது நடவடிக்கை எடுப்பதில் தீவிரம் காட்டி வருகிறார். அதற்காக பாராளுமன்றத்தில் குடியுரிமை மறு சீரமைப்பு சட்டம் கொண்டு வரப்பட்டு நிறைவேற்றப்பட்டது. பின்னர், இச்சட்டம் ஒப்புதலுக்காக ‘செனட்’ உறுப்பினர்கள் சபையில் தாக்கல் செய்யப்பட்டது. இதையடுத்து நேற்று ஓட்டெடுப்பு நடந்தது. அதில், கூடுதல் வாக்குகள் பெற்று இச்சட்டம் நிறைவேற்றப்பட்டது. அப்போது, அமெரிக்காவில் 1 கோடியே 10 லட்சம் வெளிநாட்டினர் சட்ட விரோதமாக எந்த வித ஆவணமும் இன்றி குடியிருப்பதாக தெரிவிக்கப்பட்டது. மேலும், சட்ட விரோதமாக வெளிநாட்டினர் நுழைவதை தடுக்க தீவிர கண்காணிப்பு நடவடிக்கை மேற்கொள்ளவும் முடிவு செய்யப்பட்டுள்ளது. அதற்காக கூடுதலாக 20 ஆயிரம் எல்லை பாதுகாப்பு படை வீரர்கள் தேர்வு செய்யப்படுகின்றனர். மேலும், எல்லையில், புதிய சுவர்கள் கட்டவும், ஆளில்லா விமானங்கள் மூலம் கண்காணிக்கவும், முடிவு செய்யப்பட்டுள்ளதாகவும் குறிப்பிடப்பட்டுள்ளது. இச்சட்டம் நிறைவேற ஓட்டு போட்ட செனட் உறுப்பினர்களுக்கு அதிபர் ஒபாமா பாராட்டும், நன்றியும் தெரிவித்தார்.maalaimalar.com

ஸ்டாலினுக்கு ஜால்ரா அடிப்பதை விட ஜெயலலிதாவுக்கு ஜால்ரா அடிப்பதே தேவலை! பரிதியின் better choice

பரிதி இளம்வழுதி
திமுகவை விட்டு பிரிந்து சென்றது உண்மையில் பெரிய
 இழப்பு தான் . எப்படித்தான் வெற்று வார்த்தைகளை  அள்ளி வீசி சமாளித்தாலும் இது பெரிய  இழப்புத்தான் .
பரிதி என்ன சாதாரணமான அரசியல்வாதியா ? தாழ்த்தப்பட்ட சமுகத்தை சேர்ந்த ஒரு சுயமரியாதையுள்ள பகுத்தறிவுவாதி, அயராத கழக தொண்டன் நல்ல பேச்சாளர் என்பதை எல்லாம் விட சரித்திரம் அவருக்கு பெரிய ஒரு இடத்தை கொடுத்திருக்கிறது ,
எமெர்ஜென்சி காலத்தில்  தனி திமுக சட்ட மன்ற உறுப்பினராக இருந்து ஆளுங்கட்சியை தூங்க விடாமல் செய்த கம்பீரமான வரலாறு பரிதிக்கு இருக்கிறது ,
ஸ்டாலினுக்கு ஜால்ரா வீச முடியாத நல்ல  பல தலைவர்கள் எல்லாம் திமுகவை விட்டு  விலகி கொண்டே வருகிறார்கள்
கடந்த காலத்தில் கழகம் கண்ட பல தோல்விகளுக்கு இதுதான் பெரிய காரணம்
கலைஞரின் மீது கொண்ட பற்றின் காரணமாக பலர்  மௌனமாக உள்ளார்கள் .அவர்களின் மனக்குமுறல்களை  லேசாக எடுத்துகொள்வது சரியல்ல ,

மழைக்காக யாகம் ! ஜெயலலிதா அரசு நாடு முழுதும் கோவில்களின் யாகம் நடத்த உத்தரவு ! வாழ்க பகுத்தறிவு

சென்னை: தமிழகத்தில் மழை பெய்து மாநிலம் செழிக்க வேண்டி மாநிலம் முழுவதும் உள்ள முக்கிய கோவில்களில் யாகம் நடத்தி வருகிறது தமிழக அரசு. தமிழகத்தில் பருவ மழை பொய்த்ததால் ஏரி, குளங்களில் தண்ணீர் இல்லை. நிலத்தடி நீர் மட்டமும் வெகுவாக குறைந்து விட்டது. இதனால் மாநிலம் முழுவதும் கடுமையான வறட்சி மற்றும் குடிநீர் பற்றாக்குறை ஏற்பட்டுள்ளது. இதையடுத்து முக்கிய கோவில்களில் யாகம் நடத்த உத்தரவிட்டுள்ளது தமிழக அரசு. இதைத் தொடர்ந்து இந்து அறநிலையத்துறை சார்பில் மாநிலம் முழுவதும் கோவில்களில் யாகங்கள் நடத்தப்பட்டு வருகின்றன. இதில் ஓதுவார்களை கொண்டு சுந்தரமூர்த்தி நாயனார் இயற்றிய 7ம் திருமறை பதிகம் ஓதுதல், மேகவர்சினி, அமிர்தவர்சினி, ஆனந்த பைரவி, ரூபகல்யாணி போன்ற ராகங்களுடன் வாத்தியங்கள் இசைக்க வேண்டும், சிவன் கோயில்களில் சிவபெருமானுக்கு சீதலகும்பம் எனப்படும் தாராபாத்திரத்தில் நீர்விழச் செய்தல் போன்றவை நடத்திட வேண்டும், ருத்ர அபிஷேகம், வர்ண வேத மந்திர பாராயணம், காயத்ரி மந்திர பாராயணம் உள்ளிட்டவை நடத்தப்பட வேண்டும் என்று உத்தரவிடப்பட்டுள்ளது.

பா.ம.க.,விடம் ரூ.100 கோடி இழப்பீடு வசூலிக்க அரசு முடிவு

சென்னை:வட மாவட்டங்களில் நடந்த வன்முறையால் ஏற்பட்ட சேதத்துக்கு
இழப்பீடாக, 100 கோடி ரூபாய் வரை, பா.ம.க.,வினரிடம் வசூலிக்க, தமிழக அரசு முடிவெடுத்துள்ளது. ஜூலை, 1ம் தேதி முதல், விசாரணைக்கு வருமாறு, பா.ம.க.,வினருக்கு நோட்டீஸ் அனுப்பப்பட்டுள்ளது. சென்னையை அடுத்த, மாமல்லபுரத்தில், ஏப்., 25ம் தேதி, வன்னியர் இளைஞர் பெருவிழா நடந்தது. இந்த விழாவிற்கு சென்றோருக்கும், மற்றொரு பிரிவினருக்கிடையே, மரக்காணத்தில் மோதல் நடந்தது. இதன் மீதான, போலீசாரின் நடவடிக்கையைக் கண்டித்து, தடையை மீறி ஆர்ப்பாட்டம் நடத்திய, பா.ம.க., நிறுவனர் ராமதாஸ் கைது செய்யப்பட்டு, சிறையில் அடைக்கப்பட்டார்.இதைக் கண்டித்து, வட மாவட்டங்களில், வன்முறை சம்பவங்கள் நடந்தன. 800க்கும் மேற்பட்ட அரசு, தனியார் பஸ்கள் நொறுக்கப்பட்டன; 15க்கும் மேற்பட்ட வாகனங்கள், தீ வைத்து எரிக்கப்பட்டன. இதில், மூன்று பேர் இறந்தனர்."வன்முறையாளர்கள் மீது, கடும் நடவடிக்கை எடுக்கப்படும்' என, முதல்வர் ஜெயலலிதா அறிவித்தார். இதன்படி, பா.ம.க.,வைச் சேர்ந்த, 96 பேர், குண்டர் சட்டத்திலும், 24 பேர் தேசிய பாதுகாப்புச் சட்டத்திலும் கைது செய்யப்பட்டு, சிறையில் அடைக்கப் பட்டுள்ளனர்.

அழகி: சராசரி மனிதனின் அற்பத்தனங்கள் இடித்துரைக்கப் படாமல் அனுதாபத்துடன் சித்தரிக்கப்படுவது ஏன்

“அழகி” திரைப்பட விமரிசனம் – 2002-ம் ஆண்டு எழுதப்பட்ட கட்டுரை )
 அற்பத்தனம் என்பது யாதெனில்….
நடைபாதையோரத்தில் சண்முகம் தனத்தைச் சந்திக்கின்ற அந்தத் தருணம் வரை, “உன் குற்றமா, என் குற்றமா, யாரை நானும் குற்றம் சொல்ல” என்று பாடல் ஒலிக்கிறதே அந்தத் தருணம் வரை, சண்முகம் குற்றமற்றவன் என்றே ஒப்புக் கொள்வோம். ஒரு கூலிக்காரியாக, நடைபாதை வாசியாக, கணவனை இழந்த கைம்பெண்ணாக, தாயாக, அநாதையாக தனத்தைச் சந்தித்த சண்முகம் அவளை நண்பர் வீட்டில் வேலைக்காரியாக ஏன் சேர்த்து விட வேண்டும்?
நேரே தன் மனைவியிடம் வந்து அவளைப் பற்றிக் கூறி, பள்ளிப் பருவத்தில் தங்களுக்குள் இருந்த பருவம் வராக் காதலைப் பற்றியும் கூறி, தனத்தை வீட்டிற்கு அழைத்து வர மனைவியிடம் ஒப்புதல் கேட்டிருக்கலாமே. வளர்மதி அதற்கு ஒப்புக் கொண்டிருந்தால், ஒரு வேலைக்காரியாக இல்லாமல், சமமான தோழியாக தனம் அவர்களுடன் வாழ்ந்துருக்க முடியுமே! வளர்மதி மறுத்திருக்கக் கூடும். அப்படியானால் அவளுடன் போராடியிருக்கலாம். இனிமையான அமைதியான மணவாழ்க்கையில் ஒரு சிறிய சலனம் ஏற்படிருக்கும்; ஒருவேளை, அத்தகைய போராட்டம் வளர்மதி என்ற அன்பு மனைவியின் அதுவரை தெரியாத அற்பத்தனங்களையும் சண்முகத்திற்கு அடையாளம் காட்டியிருக்கும்.
“கண்ணீர் வடிப்பதென்பது சிந்திப்பதாகும்” என்றார் ஒரு கலை விமரிசகர். “ஒரு கலைப்படைப்பில் துன்பியல் நாயகனின் அனுபவத்தில் பங்கு பெற்று அவனுக்காக அனுதாபப்படுகையில் தான் படும் சொந்தத் துன்பத்தின் மூலமாக ரசிகன் தூய்மைப் படுத்தப் படுகிறான். அவனுடைய வாழ்வு ஒரு உயர்ந்த நிலைக்கு உயர்த்தப்படுகிறது” என்பது இதன் பொருள்.
தமிழ் மக்கள் தம் அன்றாட வாழ்வில் அல்லற்பட்டு ஆற்றாது அழுத கண்ணீரைக் காட்டிலும், சொந்த வீட்டு எழவுக்கு அழுத கண்ணீர் அதிகம். “கண்ணீர் வடிப்பது என்பது சிந்திக்க மறுப்பதாகும்” என்பதுதான் நாம் அனுபவத்தில் கண்டிருக்கும் உண்மை.

களம்பல கண்ட பரிதி இளம்வழுதி அதிமுகவில் ஐக்கியம் ! ஸ்டாலின் ?

ராஜிவ் காந்தி மறைவுக்குப் பின் நடந்த தேர்தலில் திமுக தலைவர் கருணாநிதியும், பரிதி இளம்வழுதியும் மட்டுமே வென்றனர். கருணாநிதி தனது பதவியை ராஜினாமா செய்துவிட தனி ஆளாக சட்டசபையில் திமுகவின் மரியாதையைக் காப்பாற்றிக் காட்டியவர் பரிதி. மிகச் சிறந்த பேச்சாளரான இவர் சட்டசபை துணை சபாநாயகராகவும் செய்தித் துறை அமைச்சராகவும் இருந்தவர். ஆனால், சென்னை மாவட்ட திமுகவில் இவரை ஸ்டாலின் ஒதுக்க ஆரம்பித்தார். இதனால் மிகவும் மனம் நொந்து போய் இருந்தார் பரிதி.

திமுகவின் முன்னாள் அமைச்சர் பரிதி இளம்வழுதி இன்று காலை முதல்வர் ஜெயலலிதாவை சென்னை விமான நிலையத்தில் சந்தித்துப் பேசினார். ஜெயலலிதாவின் கொடநாடு பயணத்தின்போது இந்த சந்திப்பு நிகழ்ந்தது.

மு.க.ஸ்டாலினுடன் ஏற்பட்ட முரன்பாடு காரணமாக கடந்த இரண்டு வருடங்களாக திமுகவின் தலை மையால் புறக்கணிக்கபட்டுள்ளார்.  அவரிடம் இருந்த மாநில துணை பொதுச்செயலாளர் பதவியும் பறிக் கப்பட்டது.

காலம் மாறும், சூழ்நிலை கனிந்துவரும் என்று 2 வருடங்களாக காத்திருந்து...காத்திருந்து ஏமாந்து போனார்.  இந்நிலையில் அவர் இன்று அதிமுகவின் பொதுச்செயலாளரும், முதல்வருமான ஜெயலலிதாவை சந்தித்து பேசியுள்ளார்.

 இதையடுத்து அவர் அதிமுகவில் இணையவிருப்பதாக கூறப்படுகிறது

A Raja Interview தொலைபேசி கம்பனிகளின் கார்டேல்லை (CARTEL) உடைத்து நான்தான் ! அவர்களின் ஏகபோகத்தை நான் அனுமதிக்கவில்லை

17600000 கோடி ஊழல் என்றால் ஏன் சிபிஐ என்மீது அந்த தொகைக்கு உரிய குற்றச்சாட்டை சுமத்தவில்லை ? ஒரு சில தொலை தொடர்பு காபரெட் முதலாளிகளே கட்டனத்தை தீர்மானித்து கொண்டிருந்த போது அதை மாற்றியவன் நான்தான்

இந்தியாவின் முதல் சமுக நீதியாளர் சாயாஜி மகராஜ் 139-வது பிறந்த தினம்

 ஜுன் 26, மராட்டிய மாநிலம் கோலாப்பூரை ஆண்டு வந்த போஸ்லே அப்பாசாஹிப் கட்கே மற்றும் ராதாபாய்  ஆகியோர்களின் புதல்வராக 1874-ம் ஆண்டு ஜூன் மாதம் பிறந்தார். சமூகத்தில் பிறபடுத்தப்பட்ட, தாழ்த்தப்பட்ட மக்களுக்கான கல்வி மற்றும் வேலைவாய்ப்பில் இட ஒதுக்கீடு என்னும் உண்ணதமான வழிக்கு பாதை வகுத்துத்தந்தவர், இவரது தந்தை கல்வி கற்க முற்பட்ட போது சூத்திரர்கள் கல்வி கற்ககூடாது என்று கூறி கல்விகற்றுத்தர பார்ப்பனர்கள் முன்வராத நிலையில் பரோடாவிலிருந்து  பார்ஸிமொழி ஆசிரியரை வரவழைத்து வெளியில் யாருக்கும் தெரியாதவாறு கல்வி கற்றார், குழந்தைப் பருவத்தில் இருந்த சாகு விற்கும் இந்த காட்சி மனதில் பெரும் பாதிப்பை உண்டாக்கி விட்டது, 1894-ல் பட்டத்து சத்ரபதி சாஹூஜி மகராஜ் என்ற பெயருடன் பட்டத்திற்கு வந்தார். தன்னுடைய அரண்மனை எங்கும் பார்ப்பனர்களின் ஆதிக்கமே நிறைந்திருப்பதைக் கண்டார். பார்ப்பனர்களுக்கு எதிராக கல்விப் புரட்சியை துவங்கிய சாகு மகராசர் கோலாப்பூரில் பல கல்விச்சாலைகளை அமைத்தார், மற்றும் மாணவர்கள் தங்கிப் பயில விடுதிகளைக் கட்டினார். கோலாப்பூரில் உள்ள பஞ்ச கங்கை நதியில் குளிக்கும் போது பார்ப்பனர்கள் வேத ஸ்லோகங்களைப் பாடுவார்கள் ஆனால் நீண்ட நாட்களாக அவர்கள் புராணக் கதைகளை மட்டும் ஸ்லோகங்களாகப் பாடி வருவதை அறிந்த மகராசர் தான் ஏமாற்றப்பட்டதை அறிந்து இதற்கான காரணம் கேட்டதற்கு அரண்மனைப் பார்ப்பனர்கள் சத்திரியர்களுக்கு மட்டும் தான் வேத பாரயணங்கள் படிப்போம் ஆனால் நீ சத்திரியன் அல்ல நீ சூத்திரனே என்று கூறி அவரை அவமானப்படுத்தினார்கள்.

இதனை அடுத்து பார்ப்பனர்களுக்கு இதுவரை அளித்துவந்த அனைத்து சலுகைகளையும் உடனடியாக நிறுத்த உத்தரவிட்டது மட்டுமல்லாமல் சங்கராச்சாரியாருக்கு (கோலாப்பூர்) தானமாகக் கொடுத்த நிலங்களையும் பறிமுதல் செய்ய உத்தரவிட்டார்.

ஒடும்காரில் இரு பெண்கள் பாலியல் பலாத்காரம் டெல்லியில் தொடரும் கொடுரம்

 Two Delhi-based women were gang-raped by three men in a moving car early Thursday while returning home from a pub, police said.

Protests against rape. Agencies.

The two women had hired a car outside the Sahara Mall for Rs.300 to go to Tughlaqabad area in south Delhi. The driver, however, let two other men into the car.
The car was then diverted to the Gurgaon-Faridabad road where the men gang-raped them in the moving car “for some hours”, a police officer told IANS.
They were later dumped on the same road. The victims then contacted the police.
டில்லியைச் சேர்ந்த இரு பெண்கள் ஓடும் காரில் பாலியல் பலாத்காரம் செய்யப்பட்டனர்.டில்லியைச்சேர்ந்த இரு பெண்கள் இன்று டில்லி போலீசாரிடம் அளித்த புகாரில் இரவு விடுதியில் பணியாற்றும் நாங்கள், குர்காவுன் நகர் சென்று அங்குள்ள வணிக வளாகத்தில் இருந்து நேற்று இரவு டில்லி செல்வதற்காக , காரில் வந்தவர்களிடம் லிப்ட் கேட்டு்ள்ளனர். அப்போது எம்.பி. ரோடு வந்த போது காரில் ஏற்றிச் சென்ற மர்ம நபர்கள் பாலியல்பலாத்காரம் செய்தனர். இவ்வாறு அந்த புகாரில் கூறியுள்ளனர். புகாரினை பெறற டில்லி நகர துணை போலீஸ் கமிஷனர் , மகேஷ்வர் தயால்,வழக்குப்பதிவு செய்துவிசாரணை நடத்தி வருகிறார்

பாரதிராஜா விஜயகாந்த் மீது பாய்ச்சல்: பாவம் தமிழர்கள்... எங்களை விட்டுடுங்க!'

சென்னை: தொடர்ந்து பரபரப்பு கிளப்பி வருகிறார் இயக்குநர் பாரதிராஜா. இளையராஜா, சமீபத்தில் மறைந்த மணிவண்ணன் ஆகியோருக்கு அடுத்து, இப்போது அவரது அட்டாக் தேமுதிக தலைவர் விஜயகாந்த் மீது. தமிழரல்லாத விஜயகாந்த், தமிழரை ஆளக் கூடாது என்னும் பொருள்பட, மிஸ்டர் விஜயகாந்த், பாவம் தமிழர்கள், எங்களை விட்டுவிடுங்கள் என்று காட்டமாகக் கூறியுள்ளார். இந்த வாரம் விகடன் மேடையில் வாசகர் கேள்வி ஒன்றுக்கு அவர் அளித்துள்ள பதில்: கேள்வி: விஜயகாந்த்-எங்கே... உங்க மனசுல என்ன தோணுதோ... பளிச்னு சொல்லுங்க? பதில்: இந்தியாவில் வியாபாரம் செய்யவந்த வெள்ளைக்காரன், ஒரு கட்டத்தில் நாட்டைவிட்டே ஓடிட்டான். டெல்லிக்குப் படையெடுத்த மொகலாயனும் திரும்பிப் போய்ட்டான். ஆனா, தென்னிந்தியாவில் படையெடுத்து வந்த விஜயநகரப் பேரரசைச் சேர்ந்தவங்க என்ன ஆனாங்க? கேரளாவிலும் கர்நாடகாவிலும் அவங்களைத் துரத்தியடிச்சுட்டாங்க. ஆனா, தமிழ்நாட்டுல? இதுதான் பல பட்டறை கண்ட பூமியாச்சே... கலைஞர் 'பராசக்தி'யில் சொன்னது மாதிரி, வந்தாரை வாழவைக்கும் தமிழகம் அவங்களையும் வாழவெச்சுட்டு இருக்கு. அவங்களும் இங்கே சுகவாசியா இருந்து பழகிட்டதால, இடத்தைக் காலி பண்ண மாட்டேங்கிறாங்க. தமிழர்களின் பூமியில் அண்டிப் பிழைக்க வந்து தஞ்சம் அடைஞ்சவங்க, இப்போ தமிழ்நாட்டின் மண்ணுக்கும் ஆட்சிக்கும் சொந்தம் கொண்டாடுறாங்க. மிஸ்டர் விஜயகாந்த்... பாவம் தமிழர்கள்... எங்களை விட்டுடுங்க!'' tamil.oneindia.in

கனிமொழி வெற்றி மீண்டும் எம்.பி.,யானார்.! 31 ஓட்டுக்கள் பெற்றார்

தமிழகத்தில் இன்று நடந்த ராஜ்யசபா தேர்தலில் பதிவான ஓட்டுக்கள்மாலை எண்ணப்பட்டன. இதில் மொத்தம் 230 ஓட்டுக்கள் விழுந்தன. ஒரு ஓட்டு செல்லாததாக அறிவிக்கப்பட்டன.
மொத்தம் 6 சீட்களில் எம்.எல்.ஏ.,க்களின் எண்ணிக்கை அடிப்படையில் அ.தி,மு.க., சார்பில் மைத்ரேயன் ( 36 ஓட்டுக்கள்) , ரத்தினவேல் ( 36 ஓட்டுக்கள்)அர்ஜூனன் ( 36 ஓட்டுக்கள்)லட்சுமணன் ( 35 ஓட்டுக்கள்)இந்த கட்சியின் ஆதரவு பெற்ற இந்திய கம்யூ., கட்சியை சேர்ந்த டி. ராஜா ( 34 ஓட்டுக்கள்) பெற்று வெற்றி பெற்றதாக அறிவிக்கப்பட்டது. கடும் போட்டி நிலவிய கனிமொழி 31 ஓட்டுக்கள் பெற்று வெற்றி பெற்றார்.ஓட்டு எண்ணி முடிக்கும்வரை கனிமொழியின் வெற்றி உறுதியாக சொல்ல முடியாத நிலையில் தான் இருந்தது.

தேமுதிக அதிருப்தி எம்.எல்.ஏக்கள்..அதிமுகவினருடன் இணைந்து வாக்களிப்பு!

சென்னை: ராஜ்யசபா தேர்தலில் தேமுதிக அதிருப்தி எம்.எல்.ஏக்கள் வாக்களிப்பார்களா? அவர்கள் யாருக்கு வாக்களிப்பார்கள்? என்ற சஸ்பென்ஸ்க்கு முற்றுப் புள்ளி வைக்கும் வகையில் அதிமுகவினருடன் இணைந்து இன்று வாக்களித்தனர். தமிழக ராஜ்யசபா தேர்தலில் 6 எம்.பி. இடங்களுக்கு 7 பேர் போட்டியிடுகின்றனர். இதில் தேமுதிக சார்பில் இளங்கோவன் போட்டியிடுகின்றார். அவரை ஆதரிக்குமாறு அதிருப்தி எம்.எல்.ஏக்கள் 7 பேருக்கு அக்கட்சித் தலைவர் விஜயகாந்த் கடிதம் அனுப்பியிருந்தார். இருப்பினும் தாங்கள் அதிமுகவை ஆதரிப்போம் என்று 7 பேரும் அறிவித்திருந்தனர். சஸ்பென்ஸ் உடைத்த தேமுதிக அதிருப்தி எம்.எல்.ஏக்கள்..அதிமுகவினருடன் இணைந்து வாக்களிப்பு! இந்நிலையில் நேற்று அதிருப்தி எம்.எல்.ஏக்கள் 7 பேரும் தலைமைச் செயலகம் வந்திருந்தனர். அவர்கள் அனைவருக்கும் வாக்களிப்பது எப்படி என்று அதிகாரிகள் விளக்கினர். அப்போது, தாங்கள் தேமுதிகவையோ திமுகவையோ ஆதரிக்கமாட்டோம் என்று கூறியிருந்தனர். பின்னர் நேற்று இரவு அதிருப்தி எம்.எல்.ஏக்களிடம் தேமுதிக தரப்பில் போன் மூலம் ஆதரவு கோரப்பட்டது. ஆனால் எவருமே பதிலளிக்காமல் இருந்துவிட்டனர்.

காங்கிரசுடன் கூட்டணி அமைக்க YSR கட்சி விருப்பம்! அடித்த பணத்தை காப்பாற்றவேண்டுமே ?

ஐதராபாத்: ஆந்திராவில் காங்கிரஸ் கட்சியுடன் கூட்டணி அமைக்க தயாராக
உள்ளதாக ஒய்.எஸ்.ஆர் காங்கிரஸ் கட்சி மறைமூகமாக தெரிவித்துள்ளது. தனியார் தொலைக்காட்சிக்கு பேட்டி அளித்துள்ள அக்கட்சியின் தலைவர் ஜெகன் மோகன் ரெட்டியின் சகோதரியும் கட்சியில் முக்கிய பொறுப்பு வகிப்பவருமான ஷர்மிளா ரெட்டி இதனை தெரிவித்துள்ளார். காங்கிரஸ் கட்சி தங்களை முதுகில் குத்தியிருந்தாலும், தாங்கள் பாரதிய ஜனதா கட்சியுடன் கூட்டணி வைத்துக் கொள்ளப் போவதில்லை என்று அவர் கூறியுள்ளார். மேலும், மத்தியில் 3வது அணி அமைந்தால், அதனை ஆதரிக்கவும் ஒய்.எஸ்.ஆர் காங்கிரஸ் கட்சி தயக்கம் காட்டாது என்றும் அவர் கூறியுள்ளார். தொடர்ந்து பேசிய அவர் கூட்டணி குறித்து கட்சியின் தலைவர் ஜெகன் மோகன் ரெட்டி உரிய நேரத்தில் சரியான முடிவை எடுப்பார் எனவும் அவர் தெரிவித்துள்ளார். காங்கிரஸ் கட்சி நாடாளுமன்ற தேர்தல்களிலும், சட்டமன்ற தேர்தல்களிலும் வெற்றி பெற தமது தந்தை ராஜசேகர ரெட்டி தான் காரணம் என்று கூறியுள்ள அவர், காங்கிரஸ் நன்றி மறந்து தங்களுக்கு துரோகம் செய்துவிட்டதாக புகார் கூறினார்.

சவுதி அரேபியா பெண்களுக்கு sports சுதந்திரம் கிடைக்காது ! ஒருகையால் கொடுத்து மறுகையால் பறிக்கப்படும்

பெண்கள் விளையாட்டுக்கு பிகு பண்ணும் சவுதி அரேபியா ! பிற்போக்குத்தனமான காரணங்களை முன்னிறுத்தி பெண் குழந்தைகளின் உரிமைகளை பறித்து குழந்தை பருவத்தை நரகமாக்கி வருகிறது சவுதி அரசாங்கம்.;இனிமேல் பெண் குழந்தைகள் விளையாடுவதற்கு அனுமதி வழங்கப்படுகிறது” இது ஏதோ 19-ம் நூற்றாண்டில் செய்யப்பட்ட அரசின் அறிவிப்பு என்று நீங்கள் நினைக்கலாம். உண்மையில் இது சவுதி அரேபியாவின் தனியார் பள்ளிகளில் படிக்கும் பெண்களுக்கு விளையாடும் உரிமையை வழங்கிய சவுதி மன்னரின் அறிவிப்புதான் அது.
சவுதி அரேபியாவின் அதிகாரபூர்வ செய்தி நிறுவனமான எஸ்.பி.ஏ. இந்த புதிய சட்டம் ஷரியத் விதிகளின்படியும், இஸ்லாமிய சட்டங்களுக்கு ஏற்பவும் வழங்கப்பட்டுள்ளதாக தெரிவிக்கிறது. கல்வி அமைச்சகத்தின் பிரதிநிதி முஹம்மத் அல் தக்கினி, “எங்கள் மத போதனைகளின் அடிப்படையிலேயே இந்த மாற்றம் பிறந்துள்ளது என்றும், ஷரியத்திற்கு ஏற்ப பெண்களை பள்ளிகளில் விளையாட அது அனுமதிக்கிறது” என்றும் அறிவித்துள்ளார்.
இத்தனை நாட்கள் பெண்கள் விளையாடுவதை அனுமதிக்காத ஷரியத் விதிகளும், இஸ்லாமிய போதனைகளும் திடீரென மாற்றத்தை அனுமதிப்பதும், அது தனியார் பள்ளிகளில் மட்டும் அனுமதிக்கப்படுவதற்கும் காரணம் இல்லாமல் இல்லை.

தாயா பிள்ளையா வாழ்கிறோம் என்ற தேவர் சாதி டையலாக்

உசிலம்பட்டியில் தொடரும் தீண்டாமைக் கொடுமை! தீண்டாமையை குற்றமாகப் பார்க்க மறுக்கும் தேவர் சாதி வெறித்தனம்!

மதுரை மாவட்டம், உசிலம்பட்டி தாலுகா, உசிலம்பட்டியிலிருந்து கிழக்கு நோக்கி 5 கி.மீ தொலைவில் இருக்கும் வடுகபட்டியில் பறையர் சமூகத்தைச் சேர்ந்த காலம் சென்ற பாண்டி, நாகம்மாள் இவர்களின் மகன் 11 வயது அருண்குமார் என்ற மாணவனை காலில் செருப்பு அணிந்து செல்ல விடாமல் அவன் தலையில் சுமக்க வைத்த காட்டுமிராண்டித்தனம் நடந்துள்ளது.
வடுகபட்டியில் ஊரின் மேல்புறத்தில் அமைந்துள்ள கள்ளர் மேல்நிலைப்பள்ளியில் ஆறாம் வகுப்பு படித்து முடித்த அருண்குமார் தான் ஆறாம் வகுப்பில் பாஸ் ஆகிவிட்டோமா என்று பார்ப்பதற்காக கடந்த 3.6.2013-ம் தேதியில் பள்ளிக்குச் சென்றவனை அதே ஊரைச்சேர்ந்த வீராயி கோவில் பூசாரி பதிவுராஜா என்பவரின் மகன் நிலமாலை என்ற தேவர் சாதி வெறியன் மாணவன் அருண்குமாரிடம், “செருப்பு போட்டு நடந்து போக கூடாது என்பது தெரியாதோ? செருப்பை கழட்டுடா” என்று மிரட்டி தலையில் செருப்பை வைக்கச் சொல்லி நடந்து போக வைத்து ரசித்து இருக்கிறான்.
விசயத்தை கேள்விப்பட்ட அருண்குமாரின் தாயார் நாகம்மாள் “என் மகன் பச்ச மண்ணு, அவனுக்கு என்னா தெரியும் அவன்கிட்ட இப்படி நடந்துகிட்ட இது நியாயமா?” என நிலமாலையின் தம்பியிடம் தெரியப்படுத்தி விட்டு வந்துள்ளார். இந்த நிகழ்வை அறிந்த ஊர் மக்கள் யாரும் இதுபற்றி கண்டு கொள்ளவில்லை.
5.6.2013-ம் தேதி ஒரு காதணி விழா நிகழ்ச்சியில் நிலமாலை மது அருந்திய நிலையில் நாகம்மாளை சத்தம் போட்டிருக்கிறான். பிறகு மீண்டும் நாகம்மாளின் வீட்டில் வந்து சத்தம் போட்டிருக்கிறான். “பறச்சி அழிச்சிடுவேன் செருப்பு போடக்கூடாதுன்னா சரி என்று கேட்டு நடக்கனும்” என்று சத்தம் போட்டிருக்கிறான். அதன் பிறகுதான் நாகம்மாள் காவல் நிலையம் சென்றிருக்கிறார்.

Bill Gate நம்ப சினிமாகாரனை பார்த்து சமூக சேவைன்னா என்னான்னு கத்துக்கனும்

வினவு  மசாலா : பில்கேட்ஸின் குட் புக்கிலும் இணைந்து விட்டார் அமீர்கான்.
இது சம்பந்தமாக தன் ட்விட்டர் பக்கத்தில் ட்விட்டியிருக்கும் பில்கேட்ஸ் ”பாலிவுட் நடிகரும், சமூக சேவகருமான அமீர்கானை சந்திக்க நான் காத்துக்கொண்டிருகிறேன். யுனிசெப்பின் குழந்தைகள் ஊட்டச்சத்து திட்டத்தின் தூதராக உள்ள அவரின் பணியை குறித்துக் கேட்டு தெரிந்து கொள்ள விரும்புகிறேன். இந்தியா சந்தித்து வரும் சில முக்கிய பிரச்னைகள் குறித்து விவாதம் நடத்திய ”சத்ய மேவ ஜெயதே” நிகழ்ச்சி பற்றியும் அவரிடம் கேட்க விரும்புகிறேன்” எனகூறியுள்ளார்.
 மருந்து : ஆமடே, அப்பிடியே ரஜினிகிட்ட இமயமலை ஆன்மீகம், கமலுகிட்ட விஸ்வரூபத்துல தீவிரவாதிய எதிர்த்து சண்டை போட்டது, விஜய் கிட்ட அயர்னிங் மிஷன் பரிசு கொடுத்தே பிறந்த நாளுக்கு பில்டப் போட்டது, அகரம் பவுண்டேசன்ல கல்வி ஃப்ரீன்னு ஊரை நம்பவைச்ச சூர்யான்னு அல்லா பயபுள்ளைகளையும் சந்திச்சு சமூக சேவையில கொடி கட்டிப் பறக்கிறது எப்படின்னு கத்துக்கலாம்டே! ஆனா ஒண்ணு, இந்த பில்கேட்ஸ், ஜார்ஜ் புஷ்ஷை விட நம்ம ஹீரோக்கமாருக்கு கொஞ்சமாவது அறிவு உண்டு! வின்  vinavu.com

ஜெயலலிதா கொடைநாடு செல்கிறார் ! அமைச்சர்களுக்கு நிம்மதி ஒரு மாதம் ஜாலி

முதல்-அமைச்சர் ஜெயலலிதா கடந்த சில தினங்களாக அரசு நிகழ்ச்சிகளில்
பங்கேற்று பல்வேறு திட்டங்களை தொடங்கி வைத்தார். இன்று மேல்-சபை தேர்தலில் வாக்களித்தார். இந்த நிலையில் அவர் நாளை கொடநாடு செல்ல திட்டமிட்டுள்ளார். இதுகுறித்து தமிழக அரசு வெளியிட்டுள்ள செய்தி குறிப்பில் கூறி இருப்பதாவது:- முதல்-அமைச்சர் ஜெயலலிதா சென்னையிலிருந்து நாளை (28-ந்தேதி) நீலகிரி மாவட்டம் கொடநாட்டிற்கு புறப்பட்டுச் செல்கிறார். சில வாரங்கள் அங்கு தங்கி, அங்கிருந்தபடியே அரசுப் பணிகளை மேற்கொள்வார். இவ்வாறு அதில் கூறப்பட்டுள்ளது.

கலைஞருக்கு அடுத்தபடி கனிமொழியை குறிவைத்து அதிகம் தாக்குவது ஏன் ?

கலைஞருக்கு அடுத்தபடி கனிமொழியை
குறிவைத்து  தாக்கும் பேர்வழிகளின்
தொகையை  பார்த்தால்   மிகவும் தெளிவாக தெரிகிறது  திமுக வின் அடுத்த வாரிசு கனிமொழிதான்  ,
எப்போதும் எதிரிகள் சரியாக கண்டு பிடிப்பார்கள். இந்த புலம் பெயர் புலிகளின் தமிழக  அடிவருடிகள் ஒரு போதும் ஸ்டாலினையோ அழகிரியையோ தாக்குவதில்லை . கலைஞரை எப்போதும் வாய்க்கு வந்தபடி சேறு பூசுவார்கள் இவர்களின் சேறு கலைஞரை ஒன்றும் செய்யாது , மாடுகள் முட்டி மலைகள் சரிவதில்லை ,
தராதரம் இல்லாதவர்களுக்கு எவ்வளவு தான் நன்மை செய்தாலும் பதிலுக்கு அவர்கள் ஒருபோதும் நன்றி காட்ட மாட்டார்கள் , உண்ட வீட்டுக்கு துரோகம் செய்வது அவர்களின் உடன் பிறந்த குணம் , அமரர் ராஜீவ் காந்தி மட்டுமல்ல அமரர் பிரேமதாசா கூட கேட்டதெல்லாம் கொடுத்தாரே , நன்றியை எப்படி காட்டினார்கள் ?
 ஜெயலலிதா ஆட்சியில் தமிழக அகதிகளுக்கு உயர்கல்வி மறுக்கப்பட்டது , இலங்கை அகதிகளை ஒரு கிரிமினல்களாக நடாத்தியதை மறுக்க முடியுமா ?
ஜெயலலிதா இவர்களுக்கு எவ்வளவு தீமை செய்தாலும் அவர் மீது உள்ள பயம் காரணமாக அவரை பற்றி அளந்து அளந்துதான் விமர்சிப்பார்கள்.

பெண் சிசுவை கள்ளிப்பால் ஊற்றி கொல்லும் கொடூரம் தொடர்கிறது

பென்னாகரம் : தர்மபுரி மாவட்டம் பென்னாகரம் அருகே 4வது குழந்தையும் பெண்ணாக பிறந்ததால் தாயுக்கு தெரியாமல் தந்தையே குழந்தையை கள்ளிப்பால் ஊற்றி கொன்ற கொடூரம் கடும் அதிர்ச்சியை ஏற்படுத்தியுள்ளது. தர்மபுரி மாவட்டம் பென்னாகரம் அருகே பருவதனஅள்ளி ஊராட்சிக்கு உட்பட்ட எர்ரங்காடு காட்டுக்கொட்டாய் பகுதியை சேர்ந்தவர் மாதேஸ் (30). பெங்களூரில் கூலி வேலை செய்கிறார். இவருடைய மனைவி மாலா. இவர்களுக்கு திருமணமாகி 9 ஆண்டுகளானது. இத்தம்பதியினருக்கு ஏற்கனவே சந்தியா (8), சாதனா (7), காவியா (2) என்ற 3 பெண் குழந்தைகள் உள்ளனர். இந்நிலையில் கர்ப்பமுற்ற மாலா கடந்த 3ம் தேதி பென்னாகரம் அரசு மருத்துவமனையில் 4வதாக அழகான பெண் குழந்தையை பெற்றெடுத்தார்.

ஓரினசேர்க்கை தம்பதிகளுக்கு சாதகமான தீர்ப்பு !அமெரிக்க உச்ச நீதிமன்றம்

WASHINGTON -- A sharply divided Supreme Court gave a double-barreled boost to gay and lesbian rights Wednesday, upholding a California ruling that legalized same-sex marriage in the nation's largest state and striking down a federal law that denied benefits to those already married in 12 states.
அமெரிக்காவில் ஓரினச்சேர்க்கை ஜோடி திருமணம் செய்துகொள்ள சில மாநிலங்கள் அனுமதித்துள்ளன. இருந்தும் அவர்களுக்கான சட்டப்பூர்வ நன்மைகள் கிடைக்க அரசியல் அமைப்பு சட்டத்தில் இடம் இல்லாமல் இருந்தது. இந்நிலையில் இதற்கு எதிராக கலிபோர்னியா மாகாணத்தை சேர்ந்தவர்கள் தொடர்ந்த வழக்கில் உச்ச நீதிமன்றம் நேற்று தீர்ப்பு வழங்கியது. அதில் சட்டப்பூர்வமாக திருமணம் செய்துகொண்ட ஓரினச்சேர்க்கையாளர்கள் நன்மைகள் பெற அனுமதி மறுக்கப்படும் சட்டத்திற்கு மறுப்பு தெரிவிக்கப்பட்டது. மேலும் ஓரினச்சேர்க்கையாளர்களுக்கு எதிராக இது வேற்றுமை பாராட்டுவதாகவும் உள்ளது என்றும் கூறியது. இந்த தீர்ப்பை வரவேற்றுள்ள அமெரிக்க அதிபர் பராக் ஒபாமா, அமெரிக்கர்கள் அனைவரும் சமமாக மதிக்கப்படுகிறபோது, அவர்கள் யாராக இருக்கிறார்கள்? யாரை நேசிக்கிறார்கள்? என்பது ஒரு பொறுட்டல்ல. நாம் எல்லோரும் இங்கு சுதந்திரமாக இருக்கிறோம் என்று கூறினார். நாடு முழுவதும் இந்த உத்தரவு நடைமுறைக்கு வரும் என்று கூறப்படுகிறது. ஓரினச்சேர்க்கை எதிர்ப்பாளர்கள் இந்த தீர்ப்பால் ஏமாற்றம் அடைந்துள்ளனர்

தமிழக கூட்டணி கணக்கை புரட்டி போட்ட ராஜ்யசபா தேர்தல் வாக்கு பதிவு இன்று

சென்னை : நாடாளுமன்ற மேலவை எம்பிக்களை தேர்ந்தெடுப்பதற்கான வாக்குப்பதிவு இன்று காலை 9 மணிக்கு துவங்குகிறது. தமிழகத்தில் காலியாக உள்ள 6 இடங்களுக்கு 7 பேர் போட்டியிடுகிறார்கள். இன்று மாலை 5 மணிக்கு வாக்குகள் எண்ணப்பட்டு முடிவுகள்  தெரியவரும். தமிழகத்தில் இருந்து தேர்ந்தெடுக்கப்பட்ட மைத்ரேயன், இளவரசன் (அதிமுக), திருச்சி சிவா, கனிமொழி (திமுக), ஞானதேசிகன் (காங்கிரஸ்), டி.ராஜா (இந்திய கம்யூனிஸ்ட்) ஆகிய 6 நாடாளுமன்ற மேலவை எம்பிக்களின் பதவிக்காலம் அடுத்த மாதம் 24ம் தேதியுடன் முடிவடைகிறது. இதையொட்டி காலியாக உள்ள 6 மேலவை எம்பிக்களுக்கான தேர்தல் இன்று நடைபெறுகிறது.

1 கோடியே 60 லட்சம் இழப்பீடு, மலேசிய போலிஸ் காவலில் இறந்த தமிழரின் குடும்பத்திற்கு

மலேசிய நாட்டில் போலீஸ் காவலில் உயிரிழந்த தமிழர் குடும்பத்துக்கு ரூ.1 கோடியே 60 லட்சம் இழப்பீடு வழங்க அந்த நாட்டு ஐகோர்ட்டு தீர்ப்பு அளித்தது. தமிழ்நாட்டைச் சேர்ந்தவர் குகன் (22 வயது). இவர் தனது குடும்பத்தினருடன் மலேசியாவில் வசித்து வந்தார். இவரை ஒரு கார் திருட்டு வழக்கில் மலேசிய போலீசார் கடந்த 2009-ம் ஆண்டு, ஜனவரி 20-ந்தேதி பிடித்துச் சென்றனர். தைபான் போலீஸ் நிலையத்தில் வைத்து அவரிடம் போலீசார் விசாரணை நடத்தினர். அப்போது போலீஸ் சித்ரவதையில் அவர் பரிதாபமாக உயிரிழந்தார். இது தொடர்பாக அவரது தாயார் இந்திரா, கோலாலம்பூரில் உள்ள மலேசிய ஐகோர்ட்டில் வழக்கு தொடுத்தார். இந்த வழக்கில், போலீஸ் காவலில் தன் மகன் இறந்ததற்கு செலங்கார் போலீஸ் அதிகாரியாக இருந்த காலித் அபுபக்கர், முன்னாள் போலீஸ்காரர் நவீந்திரன், முன்னாள் உதவி கமிஷனர் ஜைனல் ரஷீத் அபு பக்கர் ஆகியோரே காரணம் என இந்திரா குற்றம் சாட்டி இருந்தார். தனது மகன் போலீஸ் காவலில் இறந்ததற்கு இழப்பீடு வழங்குமாறு வழக்கில் கோரிக்கை விடுத்திருந்தார்.

கூட்டணியின் பின்னணி பற்றி சில கிசு கிசுக்கள் சில உண்மைகள்

தி.மு.க.வை கடைசி நேரம்வரை பதற வைத்துவிட்டு, ராஜ்யசபா தேர்தலில் கனிமொழிக்கு ஆதரவு கொடுத்திருக்கிறது காங்கிரஸ். கடைசி நேர ஆதரவுக்கு இரண்டு காரணங்கள் இருப்பதாக டில்லி அரசியல் வட்டாரத்தில் சொல்கிறார்கள்.
முதலாவது, டி.ஆர்.பாலு போன்ற தூதர்களை அனுப்பி ஆதரவு கேட்ட கருணாநிதி, ஒன்றுமே சரிப்பட்டு வராத நிலையில், கடைசியில் மகளுக்காக தாமே சோனியாவுடன் நேரில் பேசினார் என்கிறார்கள். கலைஞரே  நேரடியாக வாய்விட்டு கேட்டபின் சோனியாவால் மறுக்க முடியவில்லையாம்.
இரண்டாவது, அடுத்த ஆண்டு வரப்போகும் நாடாளுமன்ற தேர்தலில், தி.மு.க. காங்கிரஸ் கூட்டணிக்கு ஒரு ஸ்கெட்ச் போட்டுக் கொடுக்கப்பட்டதாம் தி.மு.க. தரப்பில் இருந்து!
அதாவது, “தேர்தல் அறிவிப்புக்கு முன், இலங்கை தமிழர் மற்றும் இலங்கை கடற்படையால் பிடித்துச் செல்லப்படும் தமிழக மீனவர் தொடர்பாக சில ‘உறுதியான’ நடவடிக்கைகளை எடுங்கள். அதன்பின் அதை காரணம் காட்டி நாங்கள் (தி.மு.க.) கூட்டணிக்குள் வருகிறோம்” என்ற உத்தரவாதம் தி.மு.க. தலைவரால் கொடுக்கப்பட்டதாம்.
அதையடுத்தே, கனிமொழியை ஆதரிப்பது என்ற முடிவை டில்லி எடுத்தது என்கிறார்கள்.

ஊரில் உள்ள ஊழலை வெளிச்சம்போடும் புதியதலைமுறை மாலன் !

தமிழ்நாட்டில் சமூக விழிப்புணர்வைக் கொண்டு வந்தே ஆகவேண்டும் என்ற இலட்சியத்துடன் நடத்தப்படும் வார இதழ் புதிய தலைமுறை. அதன் ஆசிரியர் மாலன் (நாராயணன்) ஜூன் 27, 2013 தேதியிட்ட இதழில் “நெருக்கடியை நோக்கி…” என்ற தலைப்பில் “இந்தியப் பொருளாதாரம் மெல்ல மெல்ல நெருக்கடியை நோக்கி நகர்ந்து கொண்டிருக்கிறது” என்று சொல்லி விட்டு, அதற்கான காரணத்தையும் சுட்டிக் காட்டியிருக்கிறார், “இந்தியாவின் எல்லாப் பிரச்சினைகளுக்கும் எது காரணமோ, அதுதான் இதற்கும் காரணம். ஆம் ஊழல்!”.

‘சமூக விழிப்புணர்வுக்கு போராடும்’ புதிய தலைமுறை பத்திரிகை

அதே இதழின் தலையங்கத்தில், மத்திய பெட்ரோலிய அமைச்சர் கச்சா எண்ணெய் இறக்குமதியை குறைத்து விடக் கூடாது என்று சில லாபிகள் மிரட்டுவதாக சொன்னதை கடுமையாக விமர்சித்து, முடிக்கும் போது “லாபிகள்தான் நாட்டின் தலையெழுத்தை தீர்மானிக்கின்றன, அரசை வழி நடத்துகின்றன என்பது உண்மையானால், தன்னை மிரட்டுவது யார் அல்லது எந்த லாபி என்ற விவரங்களை பகிரங்கமாக அமைச்சர் அறிவிக்க வேண்டும். பெட்ரோல் விலை உயர்வை எதிர்கொள்ளும் ஒவ்வொரு குடிமகனுக்கும் இந்த உண்மையை அறிந்து கொள்ள உரிமை உண்டு” என்று சாட்டையை விளாசுகிறார்.

பாவனா அப்செட் ! சித்திரம் பேசுதடி‘, ‘தீபாவளி’, ‘ஜெயம் கொண்டான்‘ போன்ற படங்களில் நடித்தவர்

சென்னை:கோலிவுட்டில் வாய்ப்பில்லாமல் கன்னட படங்களில் நடிக்க சென்ற
பாவனா பட தோல்வியால் அப்செட் ஆனார்.
‘சித்திரம் பேசுதடி‘, ‘தீபாவளி’, ‘ஜெயம் கொண்டான்‘ போன்ற படங்களில் நடித்தவர் பாவனா. தமிழில் அவரது மார்க்கெட் சூடு பிடிக்காததால் மலையாள படங்களில் நடிக்கச் சென்றார். அங்கும் எதிர்பார்த்த வாய்ப்பு கிடைக்காததால் கன்னட படங்களில் வந்த வாய்ப்பை ஏற்றார். புனித் ராஜ்குமார், உபேந்திரா, கணேஷ், சுதீப் போன்றவர்களுடன் ஜோடியாக நடித்தார். சமீபத்தில் சுதீப் நடித்த ‘டொப்பிவாலா படத்தில் 3 ஹீரோயின்களில் ஒருவராக பாவனா நடித்தார். இப்படம் வெளியாகி எதிர்பார்த்த வெற்றி பெறாததால் அப்செட் ஆனார். இதையடுத்து கன்னட படங்களில் அவருக்கு வாய்ப்பு இல்லாததால் மேலும் அப்செட்டில் இருக்கிறார். ‘இப்போதைக்கு கன்னட படங்களை ஏற்கவில்லை. மலையாளத்தில் ‘ஹனி பீ படத்தில் பிஸியாக நடித்துக்கொண்டிருக்கிறேன். எம்.டி. வாசுவதேவன், ஹரிஹரன் இணைந்து உருவாக்கும் ‘எழமத அறிவு பட ஷூட்டிங்கிற்காக விரைவில் சென்னை செல்கிறேன். மேலும் 3 மலையாள படங்களில் நடிக்க பேச்சு நடக்கிறது என்றார் பாவனா.

Benazir Bhutto கொலை வழக்கில் பர்வேஸ் முஷாரப் மீது குற்றப்பத்திரிகை தாக்கல்

The report contains “overwhelming circumstantial evidence” that Musharraf would be the main beneficiary from the removal of Bhutto and her party’s failure during the elections without her leadership.
It says that Musharraf’s government had ordered VVIP security to two former prime ministers – Shaukat Aziz and Chaudhry Shujaat Hussain – but had deliberately denied the same to Bhutto despite repeated requests.

 இஸ்லாமாபாத் : பாகிஸ்தான் முன்னாள் பிரதமர் பெனாசிர் புட்டோ படுகொலை வழக்கில் அந்நாட்டின் முன்னாள் அதிபர் பர்வேஸ் முஷாரப் மீது நேற்று குற்றப்பத்திரிகை தாக்கல் செய்யப்பட்டது. வெளிநாடுகளில் வசித்து வந்த பாகிஸ்தான் முன்னாள் அதிபர் பர்வேஸ் முஷாரப்(69) தேர்தலில் போட்டியிடுவதற்காக கடந்த மார்ச் மாதம் மீண்டும் நாடு திரும்பினார். >ஆனால், அதிபராக இருந்த போது 2007ம் ஆண்டில் அவசர நிலையை பிரகடனம் செய்தது, நீதிபதிகளை பதவி நீக்கம் செய்தது உள்ளிட்ட வழக்குகள் அவர் மீது நிலுவையில் இருந்ததால் அவர் தேர்தலில் போட்டியிட அனுமதி மறுக்கப்பட்டது. பின்னர், அவர் நீதிமன்ற உத்தரவின்பேரில் அவரது பண்ணை வீட்டில் சிறை வைக்கப்பட்டுள்ளார்.

அரசு பள்ளிகளில் பெற்றோர் ஆசிரியர் கழகம் என்ற போர்வையில் வசூல் வேட்டை! பள்ளிசெல்லாமல் வேலைக்கு செல்லும் மாணவர் அதிகரிப்பு!

சேலம்: அரசு பள்ளிகளில், பிளஸ் 1 மாணவர் சேர்க்கையில், கட்டாய அதிலும், பிளஸ் 1 சேர்க்கையில், கணிதம் மற்றும் கம்ப்யூட்டர் சயின்ஸ் பாடப்பிரிவுகளில் சேரவே, அனைத்து மாணவர்களும் ஆர்வம் காட்டுகின்றனர்.இதை சாதகமாக பயன்படுத்தி, 500 ரூபாய் முதல், 3,000 ரூபாய் வரை, நன்கொடை வசூலிக்கின்றனர்.வசதியில்லாத ஏழை, எளிய மாணவ, மாணவியர் சேர வந்தாலும், அவர்களிடமும், கட்டாய நன்கொடை வசூலிக்கப்படுகிறது. இதனால், நன்கொடை தர முடியாத பெற்றோர், மாணவர்களை சேர்க்க முடியாமல், வீடு திரும்புகின்றனர். பல மாணவர்கள், கல்வியை தொடர முடியாமல், வேலைக்கு செல்லும் அவலம் நீடிக்கிறது.

சோனியா காந்திக்கு கலைஞர் நன்றி

ராஜ்யபா தேர்தலில் காங்கிரஸ் கட்சி,; தி.மு.க. வேட்பாளர் கனிமொழியை
ஆதரிப்பதாக அறிவித்துள்ளது. இது தொடர்பாக தி.மு.க. தலைவர் கலைஞர், காங்கிரஸ் தலைவர் சோனியாகாந்திக்கு அனுப்பிய கடி ததத்தில்,காங்கிரஸ் கட்சிக்கு நன்றி தெரிவிக்க விரும்புகிறேன்.காரணம் மேல்–சபை தேர்தலில் தி.மு.க. வேட்பாளர் கனிமொழிக்கு, காங்கிரஸ் கட்சி ஆதரவு அளிக்கும் என்று அறிவித்ததற்காக நன்றி கூறி கொள்கிறேன்’’என்று கூறி உள்ளார்.

அரசியல் கட்சியினர் அமோக வசூல்! உத்தரகாண்ட் வெள்ளத்தில் பணம் அள்ளும் நிறுவனங்கள்

உத்தரகாண்ட் வெள்ளத்தில், பாதிக்கப்பட்டோருக்கு உதவும் பெயரில்,
அரசியல் கட்சிகள், தனியார், தன்னார்வ அமைப்புகள், பொதுமக்களிடம், நிதி திரட்டுவதில், களம் இறங்கி உள்ளன.இயற்கை இடர்பாடுகளின் போது, பாதிக்கப்பட்டவர்களுக்கு உதவி செய்வதாக, பல்வேறு அமைப்புகள், நிவாரண நிதி வசூலில், களம் இறங்கி விடுகின்றனர்.இவ்வாறு வசூல் செய்யப்படும் பணம், பொருட்கள், பாதிக்கப்பட்டோரை, முறையாக சென்றடையுமா, என்ற கேள்வி, கடந்த காலங்களில் எழுந்தது. இதை தடுக்கும் வகையில், நிவாரண நிதியை, அரசே திரட்டி வழங்கியது.தற்போது உத்தரகாண்ட்டில், வெள்ளத்தால் பாதிக்கப்பட்ட மக்களுக்கு உதவ, அரசின் சார்பில், நிதி திரட்டுவது குறித்து, அறிவிப்பு வெளியாகவில்லை.இதை, சாதகமாக பயன்படுத்திக் கொண்ட அரசியல் கட்சிகள், தனியார், தன்னார்வ அமைப்புகள், "உத்தரகண்ட் வெள்ள நிவாரண நிதி' என்னும் பெயரில், வசூலில் களம் இறங்கி விட்டன. திரட்டப்படும் நிதி மற்றும் பொருட்கள், பாதிக்கப்பட்ட மக்களுக்கு, முறையாக சென்றடையுமா, என்ற சந்தேகம் எழுந்துள்ளது.

உத்தரகண்டில் குஜராத்திகளை மட்டும் மோடி மீட்டார் ! ஒருவேளை குஜராத்திற்கு மட்டும் பிரதமராக ஆசையோ?

உத்தரகாண்டில் இருந்து 15000 குஜராத்தியர்களை காப்பாற்றி இருப்பதாக கூறுகிறார். தயவு செய்து இப்படியொரு பொய்யை சொல்லாதீர்கள். இராணுவம், விமானப்படை, துணைநிலை ராணுவப்படை ஆகியோர் இரவு பகலாக அங்கு மீட்புப்பணியில் ஈடுபட்டு வருகின்றனர். ஆனால் மோடி 15000 பேரை காப்பாற்றியிருப்பதாக கூறுவது புதுமையாக இருக்கிறது. 
மும்பை: "பா.ஜ.,வின் பிரதமர் வேட்பாளராக, குஜராத் முதல்வர் நரேந்திர
மோடி முன்னிறுத்தப்படலாம் என்ற பேச்சு எழுந்துள்ள நிலையில், உத்தரகண்டில், மழை வெள்ளத்தால் பாதிக்கப்பட்ட, குஜராத்திகளை மட்டும், அவர் மீட்டது சரியல்ல' என, சிவசேனா கட்சி விமர்சித்துள்ளது.உத்தரகண்ட் மாநிலத்தில், சமீபத்தில் பெய்த பேய் மழை மற்றும் அதனால், ஏற்பட்ட வெள்ளம், நிலச்சரிவு காரணமாக, அம்மாநிலத்தில் உள்ள, புனித தலங்களுக்கு சுற்றுலா சென்றிருந்த, பல மாநிலத்தவர்கள் பாதிக்கப்பட்டனர். இப்படி, உத்தரகண்டின், சில பகுதிகளில் சிக்கித் தவித்த குஜராத் மாநிலத்தவர், 15 ஆயிரம் பேரை, அம்மாநில முதல்வரான நரேந்திர மோடி, நேரில் சென்று மீட்டார் என, செய்திகள் வெளியாகின. மோடியின் செயலை, பா.ஜ., தலைவர்கள் பலரும் பாராட்டிய நிலையில், காங்., உட்பட, சில கட்சிகள் கடுமையாக விமர்சித்தன. "துயரமான சம்பவம் ஏற்பட்டு, நாடே சோகத்தின் மூழ்கியுள்ள நிலையில், முதல்வர் மோடி, விளம்பரம் தேடுகிறார்' என, காங்கிரஸ் விமர்சித்தது.

ராஜ்யசபா தேர்தலில் கள்ள ஒட்டு போடமுடியாது ! ஏஜென்டிடம் ஓட்டை காட்டவேண்டும்

சென்னை:"ராஜ்யசபா தேர்தலில், ஓட்டு போடும் எம்.எல்.ஏ.,க்கள், தாங்கள் பதிவு செய்த ஓட்டுகளை, கட்சி ஏஜென்டிடம் காட்ட வேண்டும். இல்லையெனில், செல்லாத ஓட்டாக அறிவிக்கப்படும்' என, தேர்தல் கமிஷன் உத்தரவிட்டுள்ளதால், கட்சி மாறி ஓட்டு போட நினைத்த எம்.எல்.ஏ.,க்கள் கலக்கம் அடைந்துள்ளனர்.தமிழகத்திலிருந்து, ஆறு ராஜ்யசபா எம்.பி.,க்களை தேர்வு செய்ய, நாளை ஓட்டுப்பதிவு நடைபெற உள்ளது. ஆறு இடங்களுக்கு, அ.தி.மு.க., சார்பில், நான்கு பேர், இந்திய கம்யூ., - தே.மு.தி.க., - தி.மு.க., சார்பில், தலா ஒருவர் என மொத்தம், ஏழு பேர் போட்டியிடுகின்றனர். சட்டசபையில் உள்ள, 234 எம்.எல்.ஏ.,க்கள் எண்ணிக்கை அடிப்படையில், ஒரு எம்.பி.,யை தேர்வு செய்ய, 34 எம்.எல்.ஏ.,க்கள் ஆதரவு தேவை.தற்போது, தேர்தலை புறக்கணிப்பதாக, பா.ம.க., அறிவித்துள்ளதால், ஒரு எம்.பி.,யை தேர்வு செய்ய, தேவைப்படும் எம்.எல்.ஏ., எண்ணிக்கை குறையும். தேர்தல் நடைமுறை குறித்து, தேர்தல் அதிகாரிகள் கூறியதாவது:தேர்தலில், பதிவான ஓட்டுகளில், செல்லத்தக்க ஓட்டுகளின் எண்ணிக்கை அடிப்படையில் மட்டுமே, ஒரு எம்.பி.,யை தேர்வு செய்ய, எத்தனை எம்.எல்.ஏ.,க்கள் ஓட்டு தேவை என்ற விவரத்தை தெரிவிக்க முடியும்.

சவுதி மன்னர் ஆட்சிக்கு எதிராக போராடிய மனித உரிமை ஆர்வலருக்கு 8 ஆண்டு ஜெயில்

Saudi court sentences human rights activist to 8 years in jail

Saudi human rights activist Abdul-Karim al-Khader 

சவூதியில் மன்னர் ஆட்சிக்கு விடையளித்து தேர்தலின் மூலமாக
மக்களாட்சியை கொண்டு வரவேண்டும் என போராடிய மனித உரிமை ஆர்வலருக்கு சவுதி நீதிமன்றம் 8 ஆண்டு சிறை தண்டனை அளித்துள்ளது. கடந்த மார்ச் மாதம் தனது நண்பர்கள் இருவரை கைது செய்த சவூதி அரசு அவர்கள் மீது தேச துரோக குற்றத்தை சுமத்தி 10 ஆண்டுகள் சிறை தண்டனை வழங்கியதை எதிர்த்து அப்துல் கரீம் அல்-காதர் என்பவர் சவூதியில் மனித உரிமை அமைப்பை தொடங்கினார். இந்த அமைப்பை தடை செய்யப்பட்ட அமைப்பாக அரசு அறிவித்தது எனினும், தடையை மீறி சவூதியில் நடைபெற்று வரும் மனித உரிமை மீறல், தேவையற்ற சிறை தண்டனை, தண்டனை காலத்தை கடந்த பின்னரும் விடுதலை செய்ய மறுப்பது, சிறை சித்திரவதை ஆகியவற்றை இவர் தனது இணையதளத்தின் மூலம் வெளிச்சம் போட்டு காட்டினார்.

காங்கிரஸ் தி.மு.க.வை ஆதரிக்கும் ! ஞானதேசிகன் அறிவிப்பு ராஜ்யசபா தேர்தல் கனிமொழிக்கு வெற்றி வாய்ப்பு

தமிழ்நாடு காங்கிரஸ் தலைவர் ஞானதேசிகன் இன்று சென்னை சத்தியமூர்த்தி பவனில் நிருபர்களை சந்தித்தார். அப்போது, டெல்லி மேல்சபை தேர்தலில் காங்கிரஸ் கட்சி, தி.மு.க.வை ஆதரிக்கும் என்று அவர் அறிவித்தார். 
தமிழகத்தில் காலியாக உள்ள 6 மாநிலங்களவை உறுப்பினர்கள் பதவிக்கு அடுத்த மாதம் 27-ம் தேதி தேர்தல் நடைபெற உள்ளது. இதில் அ.தி.மு.க. சார்பில் 4 வேட்பாளர்களும், தி.மு.க., தே.மு.தி.க மற்றும் இந்திய கம்யூனிஸ்ட் ஆகிய கட்சிகள் சார்பில் தலா ஒரு வேட்பாளர்களும் நிறுத்தப்பட்டுள்ளனர். இவர்களில் அ.தி.மு.க. வேட்பாளர்கள் மற்றும் அ.தி.மு.க. ஆதரவு பெற்ற கம்யூனிஸ்ட் வேட்பாளரின் வெற்றி உறுதியாகிவிட்டது. எனவே, மீதமுள்ள ஒரு உறுப்பினர் பதவியை பெறுவதில், தி.மு.க. வேட்பாளர் கனிமொழிக்கும், தே.மு.தி.க. வேட்பாளர் இளங்கோவனுக்குமிடையே கடும் போட்டி இருந்தது.
23 எம்.எல்.ஏ.க்கள் பலம் கொண்ட தி.மு.க. மனித நேய மக்கள் கட்சி, புதிய தமிழகம் கட்சியின் ஆதரவை பெற்று தனது பலத்தை 27 ஆக உயர்த்தியது. இன்னும் தேவைப்படும் 7 எம்.எல்.ஏ.க்களுக்காக பா.ம.க.வின் 3 உறுப்பினர்களை நம்பினார்கள். ஆனால் பா.ம.க. ஆதரவு தர முடியாது என்று கைவிரித்து விட்டது. மேலும் தேர்தலை புறக்கணிக்கப் போவதாகவும் அறிவித்து விட்டது. எனவே, காங்கிரஸ் கட்சியின் 5 எம்.எல்.ஏ.க்களின் ஆதரவை பெறுவதற்காக டெல்லியில் முகாமிட்டிருந்த டி.ஆர்.பாலு எம்.பி., மூத்த தலைவர்களை சந்தித்து பேசி வந்தார். இதே போல் தே.மு.தி.க.வும் காங்கிரசின் ஆதரவை பெறுவதில் முனைப்புடன் களமிறங்கியது. அந்த கட்சி சார்பில் எல்.கே. சுதீஸ் டெல்லியில் முகாமிட்டுள்ளார்.

சிலை ஒன்றுதானாக நகர்ந்து வருவதால் பீதி ! இங்கிலாந்து அருங்காட்சியகத்தில்

இங்கிலாந்தில் உள்ள அருங்காட்சியகத்தில் வைக்கப்பட்டுள்ள 4000 ஆண்டு பழமை வாய்ந்த எகிப்திய சிலை ஒன்றுதானாக நகர்ந்து வருவதால் பீதி ஏற்பட்டுள்ளது. எப்படி இந்த சிலை நகர்கிறது என்பது யாருக்கும் தெரியவில்லை. இதனால் இந்த சிலை வைக்கப்பட்டுள்ள மான்செஸ்டர் அருங்காட்சியக நிர்வாகிகள் குழப்பமடைந்துள்ளனர். இதுவரை அநத் சிலை 180 டிகிரி அளவுக்கு நகர்ந்து நிற்கிறது. சுழன்றபடி அது நகர்வதும் குழப்பத்தை ஏற்படுத்தியுள்ளது

ரூபா அய்யருக்கும் ஹீரோவுக்கும் மோதலால் ஸ்ரேயா Upset

ஸ்ரேயா படத்தை இயக்கும்
ரூபா அய்யருக்கும், ஹீரோவுக்கும்
ஏற்பட்ட
மோதலால் பரபரப்பு ஏற்பட்டுள்ளது. இளவரசி வேடத்தில் ஸ்ரேயா நடிக்கும் படம் சந்தரா. தமிழ், கன்னடத்தில் உருவாகியுள்ளது. இப்படத்தை ரூபா அய்யர் இயக்குகிறார். பிரேம், யாஷ் ஹீரோக்களாக நடிக்கின்றனர். இப்படத்தின் ஷூட்டிங் முடிந்து பட ரிலீசுக்கு முன்பான விளம்பர நிகழ்ச்சிகள் நடந்து வருகின்றன. இந்நிகழ்ச்சிகளில் பங்கேற்க ஸ்ரேயாவை மட்டும் அழைக்கும் இயக்குனர், 2 ஹீரோக்களையும் புறக்கணிக்கிறாராம். குறிப்பிட்ட சில நிகழ்ச்சிகளில் பிரேமுக்கு மட்டும் அழைப்பு விடுக்கிறாராம். இதனால் 2 ஹீரோக்களும்  மனகசப்பில் உள்ளனர். இந்நிலையில் சமீபத்தில் பெங்களூரில் நடந்த நிகழ்ச்சி களில் பிரேம், யாஷ் இருவரும் பங்கேற்க மறுத்துவிட்டார்களாம்.  ஹீரோ யாஷ் கூறும்போது, இப்படத்தில் எனக்கு சிறிய வேடமே தந்திருக்கிறார்கள் என்றாலும் என்னை இயக்குனர் ரூபா படம் சம்பந்தப்பட்ட எந்த நிகழ்ச்சிக்கும் அழைப்பதில்லை. படத்தில் நான் நடித்திருந்தாலும் இயக்குனரின் அழைப்பு இல்லாமல் நான் எப்படி நிகழ்ச்சியில் கலந்துகொள்ள முடியும். என்னை புறக்கணிப்பது மன வருத்தம் அளிக்கிறது என்றார். இதுபற்றி ஸ்ரேயாவிடம் கேட்டபோது அவர் பதில் அளிக்க மறுத்துவிட்டார்.

ஊழல் வர்த்தகத்தை வளர்த்த இந்திய கிரிக்கெட்

இந்திய கிரிக்கெட் கட்டுப்பாட்டு வாரியத்தில் எவ்வளவு நல்லவர்கள்
இருக்கிறார்கள் என்று இப்போது தெரிந்துவிட்டது. புத்துணர்ச்சியூட்டும் அனுபவம் இது. செயலர், நிதி காப்பாளர், இந்திய பிரிமியர் லீக் தலைவர் என்று அனைவரும் கட்டுப்பாட்டுக் கழகத்தைவிட்டு வெளியேறுவதோடு, இன்னும் பலர் இந்தப் புனிதமான கொள்கைக்காக வெளியேற வரிசையாக நிற்கின்றனர். அதிகம் வசைபாடப்பட்ட தங்கள் தலைவரைத் தூக்கி வீச இந்திய கிரிக்கெட் கட்டுப்பாட்டு வாரியமும் இந்திய பிரிமியர் லீகும் ‘வெளியேற்று சூத்திரத்தைப்’ பயன்படுத்துகின்றன. ஆனால், சீனிவாசனை வெளியேற்றுவதன்மூலம் ஐபிஎல்லையோ அல்லது கிரிக்கெட்டையோ தூய்மைப்படுத்திவிடமுடியுமா என்ன? கவனிக்கவும், அங்கு ஒரு பழம் மட்டும் அழுகிவிடவில்லை. மொத்தப் பழத்தோட்டமும் அழுகியுள்ளது. ‘மூன்று கிரிக்கெட் வீரர்கள் மட்டும்’ என்ற வாதம் ஒரு பெரிய மோசடி. இந்திய கிரிக்கெட் கட்டுப்பாட்டு வாரியம், இந்திய பிரிமியர் லீக் இரண்டையும் இந்த அழுகல் நாற்றமடிக்க வைத்துள்ளது. ஊடகம் சீனிவாசனின் உச்சந்தலைக்கு குறிவைத்துள்ளது. இதுவும்கூட ஒரு கேளிக்கையாகத்தான் இருக்கிறது. நேற்றைய சீனிவாசனனின் விசுவாசிகள் நாளைக்குத் தன்னையும் தாக்குவார்கள் என்று சரத்பவாருக்குத் தெரியும்.

இங்கே கிரிக்கெட் எந்த இலட்சணத்தில் ? சீனிவாசன் ஒருமனதாக வெற்றி !

நாடறிந்த ஊழலை செய்தவர்தான் தமிழ்நாடு கிரிக்கெட் சங்கத் தலைவர் தேர்தலில் வெற்றிபெற வேண்டும் என்றால் இங்கே கிரிக்கெட் எந்த இலட்சணத்தில் இருக்கும் என்பதை யாரும் தனியே விளக்கத் தேவையில்லை.
டிஎன்சிஏ என்றழைக்கப்படும் தமிழ்நாடு கிரிக்கெட் சங்கத்தின் 83-வது ஆண்டு பொதுக்குழு கூட்டம் சென்னையில் கடந்த ஞாயிற்று கிழமையன்று நடைபெற்றது. இதில் கிரிக்கெட் சங்கத் தலைவராக என். சீனிவாசன் தொடர்ந்து 12-வது முறையாக ஏகமனதாக தேர்வு செய்யப்பட்டிருக்கிறார். இவர் போல துணைத் தலைவர்கள், இணைச் செயலர், உதவி செயலர், பொருளாளர் மற்றும் செயற்குழு உறுப்பினர்கள் அனைவரும் ஒருமனதாக தேர்வு செய்யப்பட்டதாக தமிழ்நாடு கிரிக்கெட் சங்கம் வெளியிட்டுள்ள அறிக்கையில் தெரிவிக்கப்பட்டுள்ளது.

அதிகாரிகள் திமிர் அலட்சியம் முன்று முறை தீக்குளிக்க முயன்ற பெண்

விழுப்புரம்: விழுப்புரம் கலெக்டர் அலுவலகத்தில், அதிகாரிகளைக் கண்டித்து,
பின், குறைகேட்பு கூட்ட அரங்கிற்கு சமூக பாதுகாப்புத் திட்ட தனித் துணை ஆட்சியர் இளங்கோவனிடம், காமாட்சியை போலீசார் அழைத்து சென்றனர். தனக்கு, இடம் ஒதுக்கீடு செய்வதில், அதிகாரிகள் மெத்தனமாக இருப்பதாக துணை ஆட்சியர் இளங்கோவனிடம், காமாட்சி கூறினார்.
செஞ்சி தலைமையிடத்து மண்டல துணை தாசில்தார் ஆதி பகவனை, அழைத்து, மனு மீது, ஒரு வாரத்திற்குள் நடவடிக்கை எடுத்து பதிலளிக்க உத்தரவிட்டார்
பெண் ஒருவர், மூன்று முறை தீக்குளிக்க முயன்ற சம்பவம் பரபரப்பை ஏற்படுத்தியுள்ளது. விழுப்புரம் மாவட்டம், செஞ்சி தாலுகா, ஊரணிதாங்கல் கிராமத்தைச் சேர்ந்த அசோகன் மனைவி காமாட்சி, 35. அசோகன் இறந்து விட்டார். இதையடுத்து இவர், அதே பகுதியில், தன் தாய், தங்கையுடன் வசித்து வந்தார்.

உத்தர்காண்ட் பெருவெள்ளத்தில் கொள்ளையடித்த பாபா சாமியார்கள் ! stolen jewellery and cash, some of them muddied, amounting to Rs 1.25 crore

ITBP and National Disaster Reponse Force have arrested several babas (religious men) while evacuating them from Kedarnath over the past two days. They were carrying bagfuls of stolen jewellery and cash,  some of them muddied, amounting to Rs 1.25 crore, officials said.
The money will be handed over to the district magistrate by the NDRF and ITBP, a media report said.
“What got us suspicious was that some babas lined up for evacuation had with them stacks of fresh, unused notes. A quick search revealed that the notes were all numbered and probably belonged to a bank,” a rescue personnel said.
“One of the babas had Rs 62,000 in cash hidden in a dholak (drum). Another had a packet of prasad that revealed Rs 10,000 in sequenced notes. One had sewn Rs 1.2 lakh into his clothes,” another rescuer said.
கேதார்நாத் வெள்ளத்தில் சிக்கியோரிடம் கொள்ளையடித்த ‘சாமியார்களே’.. திடுக்கிடும் தகவல்கள்! கேதார்நாத்: உத்தர்காண்ட் பெருவெள்ளத்தில் சிக்கி உயிருக்குப் போராடும் யாத்ரீகர்களிடமிருந்து நகைகளையும் பணத்தையும் கொள்ளையடித்தவர்கள் ‘பாபா'க்கள் என்று வணங்கப்படுகிற சாமியார்களே என்று திடுக்கிடும் தகவல்கள் வெளியாகியுள்ளனஉத்தர்காண்ட் மாநிலத்தில் கடந்த 16-ந் தேதி ஏற்பட்ட இமயமலை சுனாமி என வர்ணிக்கப்படும் பெருவெள்ளத்தில் சிக்கி அம்மாநிலமே உருக்குலைந்து போனது. இதில் குறிப்பாக ஆன்மீக தலமான கேதர்நாத் நகரமே முற்றிலும் நிர்மூலமானது. தற்போது அங்கி எஞ்சி இருப்பது கற்களால் கட்டப்பட்ட கோயில்மட்டும்தான் இந்நிலையில்தான் வெள்ளத்தில் சிக்கிய பெண்கள் பாலியல் பலாத்காரத்துக்குள்ளாக்கப்படுவதாகவும் அவர்களின் நகைகள் கொள்ளையடிக்கப்படுவதாகவும் மீட்புப் பணியில் ஈடுபட்ட அதிகாரிகள் தெரிவித்திருந்தனர். தற்போது இத்தகைய படுபாதக கொடூரச் செயல்களில் ஈடுபட்டவர்கள் பாபாக்கள் என்று யாத்ரீகர்கள் இறைவனுக்கு சமமாக வணங்கக் கூடிய சாமியார்கள் என்பதை மீட்புப் பணியில் ஈடுபட்டோர் அம்பலப்படுத்தியுள்ளனர்.

தண்ணீர்க் குழாயிலும் தனித்தனி நேரம் ! ஜாதி வேறுபாடு! மோடி ஆட்சியில் பறக்கும் மனுதர்மக் கொடி!

இந்தி யாவின் அடுத்த பிரதமருக்கான பி.ஜே.பி.யின் வேட்பாளர் என்று விளம்பரப்படுத்தப்படும் நரேந்திர மோடி முதலமைச்சராக இருக்கும் குஜராத்தில் தாழ்த்தப்பட்டவர்கள் தண்ணீர் எடுப்பதிலும்கூட - ஜாதி வாரியாக நேர ஒதுக்கீடு - தண் ணீர்க் குழாயில்கூட நான்கு வர்ணம் என்னும் மனுதர்மக் கொடி பறக்கிறது.

மனுதர்மம் குறிப்பிடுகிறது முதலில் பார்ப்பனன், பிறகு சத்திரி யன், அடுத்து வைசியர், இறுதியாக சூத்திரர்கள் பகுத்தறிவற்ற விலங்கு களிடம்கூட இல்லாத இந்த பாகுபாட்டை ஆரியர்கள் தங்களின் வயிறு வளர்க்க உழைப்பில்லாமல் வாழ்நாள் முழுக்க உண்டுகொழுக்க வழிகண்டு அதை சட்டமாக எழுதி வைத்தனர். வடக்கே அம்பேத்கர், தெற்கே தந்தை பெரியார் போன்றோர் இதை எதிர்த்து வெற்றி கண்டனர். சில ஆண்டுகளாக அடங்கி இருந்த இந்த மனுதர்ம கோடரி மீண்டும் தன்னுடைய மழுங்கிப்போன கூர் முனையை தீட்டிக்கொண்டு புறப் பட்டுள்ளது. கூர்முனையை தீட்டுவது மனுவின் புதல்வராக தன்னை உலகிற்கு காட்டிக்கொள்ளும் (இந்து மக்களின் பாதுகாவலன்) மோடியின் மாநிலமான குஜராத்தில் தான்;   அதுவும் தலைநகரின் அருகில்,  அகமதாபாத்தில் இருந்து 45 கி.மீ. தொலைவில் உள்ள தன்வாதா (ப்ஹவியா வட்டம்) இந்த ஊரில் உள்ள பஞ்சாயத்துத் தண்ணீர் தொட்டியில் ஜாதீய பாகுபாட்டை நேரடியாக பறைசாற்றும் வாக்கியம் உள்ளது. முக்கியமாக தலித்து களுக்கு எதிரான ஜாதி வன்மம் இதில் அடங்கியுள்ளது.  இப்படி பாகுபாடு பார்ப்பது தேசிய குற்றவியல் சட்டப்படி தண்டனைக்குட்பட்டது. ஜாதிவாரியாக நேரம்

காலை 9 மணிமுதல் 10 மணிவரை பார்ப்பனர் மற்றும் உயர்ஜாதி படேல் இனத்தவருக்கு மட்டும்,

காலை 10 முதல் 12 (மதியம்) மணிவரை பர்வாதா வங்கிரீஸ் மற்றும் கும்பார்.

நண்பகல் 12 முதல் (மதியம்) ஒரு மணிவரை தலித் இனத்தவருக்கு என எழுதியுள்ளனர்.

சீனிவாசன் மீண்டும் தலைவர் : 12வது முறையாக தேர்வு ! கிரிகெட் மாபியாக்களை யாராலும் அசைச்சுக்க முடியாது

தமிழக கிரிக்கெட் சங்கத்தின் தலைவராக தொடர்ந்து 12வது முறையாக
சீனிவாசன் தேர்வு செய்யப்பட்டார். பிரிமியர் கிரிக்கெட் தொடரில் ஏற்பட்ட சூதாட்ட சர்ச்சையை அடுத்து, இந்திய கிரிக்கெட் போர்டு (பி.சி.சி.ஐ.,) தலைவர் பதவியில் இருந்து சீனிவாசன் ஒதுங்கி உள்ளார். தற்காலிக தலைவராக டால்மியா தேர்வு செய்யப்பட்டார். இந்நிலையில், தமிழக கிரிக்கெட் சங்கத்தின்(டி.என்.சி.ஏ.,) 83வது ஆண்டு பொதுக்குழு கூட்டம் நேற்று சென்னை சேப்பாக்கத்தில் நடந்தது. இதில், டி.என்.சி.ஏ., தலைவராக தொடர்ந்து 12வது முறையாக சீனிவாசன்(2013-14) ஒருமனதாக தேர்ந்தெடுக்கப்பட்டார். செயலாளராக காசி விஸ்வநாதன்(7வது முறை), பொருளாளராக நரசிம்மன் தேர்வு செய்யப்பட்டனர். இதை தவிர, 2013-14 ஆண்டுக்கான டி.என்.சி.ஏ., நிர்வாகிகள், செயற்குழு உறுப்பினர்கள் என அனைவரும் போட்டியின்றி தேர்வு செய்யப்பட்டனர்.

தேமுதிக வின் ராஜ்யசபா வேட்பாளர் இளங்கோவன் Just 2 வருடங்களில் திடீர் கோடீஸ்வரன்

சென்னை: ராஜ்யசபா தேர்தலில் தேமுதிக வேட்பாளராக அறிவிக்கப்பட்டுள்ள இளங்கோவன் இரண்டு வருடத்தில் 2 கோடி ரூபாய் மதிப்புள்ள சொத்துக்களை வாங்கி குவித்துள்ளதாக பரபரப்புத் தகவல்கள் வெளியாகியுள்ளன. தேமுதிகவில் தலைவர் விஜயகாந்துக்கும் தொண்டர்களுக்கு இடையே சுவராக இருப்பவர் இளங்கோவன் என்ற குற்றச்சாட்டு உண்டு. தொண்டர்கள் மட்டுமல்ல கட்சி எம்.எல்.ஏக்கள் சந்திக்க வேண்டும் என்றால் கூட இவரது அனுமதி வேண்டுமாம். அந்த அளவிற்கு இவர் நந்தியாக நின்றதனால்தான் சில எம்.எல்.ஏக்கள் அதிமுக தலைமையை நாடினர். அதிருப்தி எம்.எல்.ஏக்களாக மாறினர். தேமுதிகவின் மாநிலப் பொருப்பாளராக இருந்த இளங்கோவன்தான் ராஜ்யசபா தேர்தல் வேட்பாளராக அறிவிக்கப்பட்டுள்ளார். ஏ.ஆர்.இளங்​கோவன் சமீபத்தில் வேட்புமனு தாக்கல் செய்தபோது தேர்தல் ஆணையரிடம் கொடுத்துள்ள சொத்து மதிப்புதான் பலரையும் அதிர்ச்சியில் ஆழ்த்தியுள்ளது.