Jonathan Edwards Centre Africa at University of the Free State
Nelson Mandela Drive, 9300
Bloemfontein
South Africa
Phone +27
(0)51 401 7180
Mobile
+27(0)86 561 1377 (Prof. Britz, Director)
Email britzrm@ufs.ac.za
New: (Post) Graduate Study Programs
News and Events
Jonathan Edward Centre Africa e theilwe
selemomg sa 2009 ka leano la tshebedisano mmoho la Unibesithi ya Yale, Jonathan
Edward Centre mmoho le lefapaha la Thutamodimo la Unibesithi ya Foreistata.
Tshehetsong ya ho matlafatsa leano la ma-Afrika la
ho fihlella thuto ya boleng bo phahameng, Unibesithi ya Yale, Jonathan Edward
Centre mmoho le lefapha la Thutamodimo la Unibesithi ya Foreistata , ba radile
leano la tshebedisano mmoho ho matlafatseng moloko o tlang o tjhesehellang ho
ba baetapele thutong le kerekeng, ka disebediswa tsa motheo bakeng sa
dipatlisiso, thuto mmoho le bophatlalatsi. Jonathan
Edward Centre Africa e fumanehang Bloemfontein ke setsi sa marangrang a
balekane thutong.
Sepheo sa
Jonathan Edward Centre ke ho fana ka tshehetso patlisisong ya tsa bophelo,
dingolwa esita le letlotlo leo Jonathan Edwards a le siileng, ka ho fana ka
disebediswa tse kgothaletsang ho hlahlobisa ka botebo bohlokwa ba nalane mmoho
le kamano ya ha jwale ya setsebi
se phahameng sa Thutamodimo Amerika.
Tsela e le nngwe
ya ho etsa sena, ke ka ho etela Works of
Jonathan Edward Online, e leng mokgwa le sebaka sa digital sa ho ithuta patlisiso, thuto le bophatlalatsi ba tsohle
tseo di bontshang dingolwa tsa Edward mmoho le ditokomane tse hlophisitsweng ho
dumella mmadi ho hlahloba mohopolo wa Edwards ka tsela e makatsang, e matla, e
tswelang molemo.
Jonathan Edwards
(1703 - 1758), eo e leng moruti, motsoselletsi, mofilosofara wa mokreste,
morumuwa le hlooho ya koletjhe; o tadingwa hangata e le setsebi se seholo sa
Thutamodimo sa Amerika Leboya. Ke
moetapele ya hlwahlwa dipatlisisong tsa thuto ka lebaka la bohlokwa ba nalane
ya hae le letlotlo leo a le siileng bodumeding mmoho le ho tsa mahlale Amerika.
Dingolwa tsa hae di phallelwa ka sekgahla se phahameng ke baetapele ba bodumedi
, baruti le dikereke ka baka la kgohedi e matla ya molaetsa wa hae o bontshang
boiphihlelo ba hae bodumeding. Le ha ho le jwalo, ke mengwahakholo e
mengata baithuti le bao ba balang
dibuka tsa Edwards, ba nnileng ba bala mesebetsi ya dingolwa tsa hae e neng e
sa hlaka hantle ebile e sa fella. Ka baka leo The Works of Jonathan Edwards,e leng buka e hlalosang ka botebo bo boholo mesebetsi ya Edwards e
ileng ya ngolwa (phatlalatswa) Unibesithing ya Yale ka 1953.
Empa leha
mesebetsi ya Edwards e bokelletswe polokelong ya mantswe a hatisitsweng
makgetlo a 26 ka tatellano ho tswa dibukeng tse itseng tse hlwailweng, ke
karolo e le nngwe (1/2) feela ya
mesebetsi ena e fumanehang. Ho fana ka tlhahisoleseding lefatsheng lohle ka ha
mesebetsi ena, re sibollotse Works of
Jonathan Edwards Online (WJE Online) eo e leng sebaka sa mokgwa wa digital se tshehetsang le ho thusa
patlisiso, ho bala, le ho ruta dingolwa tsa Edwards ka mokgwa o utlwisisehang,
oo o ka kgonang ho fumantsha tlhahisoleseding e fupereng tatellano ya dingolwa
tse phatlaladitsweng ke Yale University Press. Empa maqhephe a mashome a dikete ha a phatlalatswa, mme ona a kenyeletsa dithero, dibukana
tsa boitlhophiso, meqoqo, mangolo le ditaba tse ikgethileng. Tsena tsohle ke
tseo Edward Centre e nang le tsona polokelong. Ho tlatseletsa ditokomane tsena
tsa mantlha ho na le mesebetsi eo e ka qotswang, mesebetsi eo e seng ya
mantlha, diketsahalo, mmoho le
disebediswa tse mamelwang le tse shebellwang. Ha re bua nnete fela, ha
ho mohlodi wa tlhahisoleseding ka ha sedumedi Amerika o ka bapiswang le
ona.
