O mellor en directo do 2010 no Rif-Rock.

Aquí vai a miña selección dos mellores momentos en directo no Rif-Rock ó longo deste 2010. Así que agora sodes vós os que tedes que escoller...

O primeiro concerto do ano foi todo un luxo para nós. Foi o 23 de Xaneiro, cando Rosolino Marinello e o gran Paco Charlín acompañaron ó baterista Juanma Barroso nunha desas probas de novos temas con público, para forma-la JUANMA BARROSO JAZZ CONCEPTION:

Saltamos ata comezos do vran. O 23 de Xuño volveu ISI VAAMONDE ó Rif-Rock, desta vez en formato trío (acompañado por Edu Pulpillo e Volker Ledwig). Sempre é un pracer contar con xente así. Deste concerto non subimos videos, pero aínda que sexa para ilustra-lo asunto, deíxovos un do seu anterior concerto no Rif (abril'09). "Personal Jesus":

Tra-lo aprazamento do concerto de maio de Los Hijos Bastardos de Peter Lorre no que ían a presenta-lo seu Ep, a ocasión perfecta para facelo foi o día grande do noso XIº Aniversario, e para que non resultara un concerto máis, por alí apareceron os mellores teloneiros do planeta: BILLY & THE CROCKETS dos que rescatamos dous temas, "You done messed around..." e "Long Blond Hair".

O programa do noso aniversario o pechaban os inclasificables PARTÍCULAS INESTABLES (proxecto de Isidro Dozo cos seus campañeiros de Dakota Building Piti e Alipio). Un fin de celebracións cojonudo, xa contábamos con que Isidro e compañía son unha aposta segura, pero é que nunca deixan de sorprenderme. Deste día tamén escollo dous momentos, o perreo dub de "Swastika Eyes" e "To Bring you my love":

Os RIFROCKERZ EXPERIENCE na Homenaxe a JIMI HENDRIX no 40º aniversario da súa morte. Un día moi especial, por como se montou todo en tan pouco tempo e polo resultado, quédome co concerto completo, así que aquí o tedes en lista de reproducción:

O retorno de PENERETO PERONORETTO, foi a finais de novembro, coma sempre coa compaña de DjChoeu. Un espectáculo único no mundo, eu non teño palabras, xa o dí todo el, un auténtico showman:

Nestas ocasións é obrigatorio comentar, sexa no blog, na nosa conta de facebook ou por email [rifrockcambados@gmail.com]. Despliegue total. Estes son os momentos que escollo e vos suxiro eu, pero tamén podedes aportar e  votar por outros. 

Votade RifRocKerZ!!!

*aviso, o de 'No One' solo será válido para os q estiveron ali eh??? jjjjjj

Penereto Peronoretto en concerto.

Do Sábado pasado só grabamos o primeiro dos pases que fixo Penereto. 
Aquí o tedes...

E aquí os tedes todos nunha lista de reproducción.

Moitas gracias Tomás e Carlos polo Show!!!!

Penereto Peronoretto. Fotos

Hoxe: PENERETO PERONORETTO & DjCHOEU [concerto + sesión]

Hoxe no Rif-Rock, terá lugar un deses momentos históricos que non vos deberiades perder... o retorno do artista antes chamado Casiopeo, co seu teclado e a pedaleira de efectos para asombrarnos coas súas novas creacións!!! Nesta ocasión actuará coma PENERETO PERONORETTO, e por suposto coma sempre acompañado cunha sesión de DjCHOEU.

Rif-Rock Sábado 27.

[concerto + sesión]

Non vo-lo perdades!!!

Para primeirizos aquí tedes a etiqueta de Casiopeo con videos, fotos, carteis, e recortes de prensa das anteriores actuacións de Casiopeo e DjChoeu no Rif-Rock. 

Penereto Peronoeretto e DjChoeu en La Voz de Galicia.

Hoxe no suplemento local de La Voz de Galicia publican unhas pequenas entrevistas con Carlos e Tomás, ou o que é o mesmo, PENERETO PERONOERETTO e DjCHOEU presentándonos o show de mañan no Rif-Rock:

*pica nas imaxes para ampliar.

Sáb 27: PENERETO PERONORETTO (en concerto) + DjCHOEU

E a próxima semana, estade preparados para o retorno do artista antes chamado Casiopeo, co seu teclado e a pedaleira de efectos para asombrarnos coas súas novas creacións!!! Nesta ocasión actuará coma PENERETO PERONORETTO, e por suposto coma sempre acompañado cunha sesión de DjCHOEU. 

Será o Sábado 27. Non vo-lo perdades!!!

Aquí tedes a etiqueta de Casiopeo con videos, fotos, carteis, e recortes de prensa das anteriores actuacións de Carlos & Tomás no Rif-Rock.