Click on a word to bring up parses, dictionary entries, and frequency statistics
[132]
si
semel ab legibus recessum sit; nam et iudices neque,
quid sequantur, habituros, si ab eo, quod scriptum
sit, recedant, neque, quo pacto aliis probare possint,
quod contra legem iudicarint; et ceteros cives, quid
agant, ignoraturos, si ex suo quisque consilio et ex
ea ratione, quae in mentem aut in libidinem venerit,
non ex communi praescripto civitatis unam quamque
rem administrabit; postea quaerere ab iudicibus ipsis,
quare in alienis detineantur negotiis; cur rei publicae
munere impediantur, quo setius suis rebus et commo-
dis servire possint; cur in certa verba iurent; cur certo
tempore conveniant, cur certo discedant, nihil quis-
quam afferat causae, quo minus frequenter operam
rei publicae det, nisi quae causa in lege excepta sit;
an se legibus obstrictos in tantis molestiis esse aequum
censeant, adversarios nostros leges neglegere con-
Rhetorici libri duo qui vocantur de inventione. M. Tullius Cicero. Eduard Stroebel. In Aedibus B.G. Teubneri. Lipsiae. 1915. Keyboarding.
The Mellon Foundation provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.