[84]
mihi credite,
iudices, in hac causa non solum de L. Murenae verum
etiam de vestra salute sententiam feretis. in discrimen
extremum venimus; nihil est iam unde nos reficiamus aut
ubi lapsi resistamus. non solum minuenda non sunt
auxilia quae habemus sed etiam nova, si fieri possit, comparanda.
Hostis est enim non apud Anienem, quod bello
Punico gravissimum visum est, sed in urbe, in foro — di
immortales! sine gemitu hoc dici non potest — non nemo
etiam in illo sacrario rei publicae, in ipsa, inquam, curia
non nemo hostis est. di faxint ut meus conlega, vir fortissimus,
hoc Catilinae nefarium latrocinium armatus opprimat!
ego togatus vobis bonisque omnibus adiutoribus hoc quod
conceptum res publica periculum1 parturit consilio discutiam
et comprimam.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.