DIY oksedrakt til lille O

Forrige veke var det klart for den store utkledningsdagen i barnehagen. Men istadenfor det vanlege karnevalet var det temafest. Heile dette barnehageåret har dei hatt bondegård som tema, så derfor fall valget på LÅVEDANS! Då eg spurte Olliver kva han ville vere kom det først "Tiger"! Men etter å ha tenkt seg litt om og funne ut at det kanskje ikkje var eit gardsdyr, ville han vere okse. ;)

Eg har sett mange ulike typer hekla huer med dyremotiv og tenkte at dette måtte jo vere mulig å lage. Så då var det berre til å finne fram heklenåla og litt fantasi og vips, så vart det ei oksehue på lille O.

Litt verre var det med resten av drakta, kva skulle den lagast av? Etter ein rask titt i klesskapet fann eg ein svart kjole som aldri har vore i bruk og fortsatt hang med prislappen på... (ein av mine "den-er-jo-på-tilbud-kjøp...). Så etter å ha knota litt med symaskina vart det ei heilt ok drakt. O var i alle fall veldig fornøyd og då er mor det òg! ;)

 



Heklefakta

Garn: Baby bomull og Bomull sport frå Spar Kjøp

Heklenål: Nr 4,5 og 4

Ønsker deg ein super dag videre! :)

Påskepynt og påskekos!

Ja så var plutselig påsken her igjen! Eg har alltid vert ute i siste liten med å pynte og gjere klart, men i år har eg endelig fått gjort alt det eg hadde tenkt. Trikset var jo rett og slett berre å begynne tidleg nok. Så her har huset vore påskepynta i over ei veke!



Det første som kom i hus var "pusekattene". I fjor gjorde eg eit halvhjerta forsøk på å lage litt pynt og endte opp med å hekle 3 små kaniner (finn dessverre ikkje igjen sida med oppskrifta..). Trådene på desse vart ikkje festa og uansett så kom aldri kvistene i hus, så pynt vart det ikkje. No er dei imidlertid ferdige og dei har fått selskap av to søte påskekyllinger. Oppskrifta finn du her. I tillegg har eg prøvd meg på å lage påskeegg av garn. Framgangsmåten var enkel:

1. Blås opp ein vannballong til ønska størrelse

2. Smør ballongen med vaselin

3. Dypp garnet i tapetlim og surr ønska mengde rundt ballongen

4. La den henge og tørke

5. Sprekk ballongen og ta den ut



Sist, men ikkje minst har Olleboll laga påskekylling i barnehagen. Det var ein veldig stolt gutt som kom heim med den. "Sjå kva eg har laga til deko mamma og pappa!!!" Ingenting er som ein 3-årings engasjement! ;)

Påskelyktene som eg (utruleg nok) fekk ferdigstilt i fjor har fått komme fram igjen i lyset. Sjølv om eg egentlig ikkje er sånn superglad i gult syns eg desse var skikkelig søte. Du kan lese meir om dei i dette innlegget.

 

I det siste har eg virkelig fått augene opp for Trines matblogg. Har du besøkt den sida? Visst ikkje kan den så absolutt anbefalast. Ein av tingene ho har på bloggen er heimelaga sjokoladepålegg. Her i huset elsker me Nugatti alle tre, og av den grunn blir det kun kjøpt inn til ferier og høgtidsdager. Men det er med Nugatti som med så mykje anna, FULLT av e-stoffer og andre godsaker... Så denne gangen tenkte eg at eg kunne prøve den heimelaga typen. I kveld vart krukka åpna, og den vart godt mottatt av mine to gutter. Eg brukte 40% mørk kokesjokolade og personleg kunne eg nok ha tenkt meg å hatt den litt lysere, men den var så absolutt etandes! ;) MÅ PRØVAST!

...og så må eg berre vise... Denne boka kom i hus i går. Og for ei FANTASTISK bok!! Gleder meg stort til å ta fatt på oppskriftene. Og med tanke på at svigermor kom med ikkje mindre enn to FULLE poser med (reste)garn for litt sida kan eg vel herved påstå at påskekosen er i boks!

Ønsker deg og dine ein super påske!! ;)

Ein annleis julekalender...

  

I september reiste eg saman med mine flotte kollegaer til Polen, nærmare bestemt Szczecin. Eg jobber saman med to søstre som kjem derifra og me var så heldige å få bu i huset til foreldrene deira. Å reise saman med nokon som er lokalkjent er heilt supert! Då føler ein at ein får oppleve kulturen på nærare hald. Byen var tydeleg prega av ei tøff fortid, men hadde likevel mykje sjarm å by på. Dessverre forsto eg raskt kvifor enkelte velger å flytter frå landet. Når ein taxitur på 10-15minutter koster 15kr og drivstoffprisen er den samme som i Norge kjem ein raskt fram til at ein må jobbe mykje for å ha råd til livets opphold. Og sjølv om ein er to som jobber i fulle stillinger er det likevel vanskelig å kjøpe sin egen bolig. Syns det er heilt utruleg at kvardagen kan vere så ulik vår berre ein kort flytur unna. Det gjer at eg sett mykje meir pris på alle dei godene me har i dette landet. Me kan virkelig klage på så mangt, men det er bagateller i den store sammenhengen....

 



 

 

Når me kom heim spurte kollegaen meg om me skulle lage ein litt annleis julekalender på jobb i år. Istadenfor å kjøpe små presanger til kvarandre kunne me heller gje penger til fattige barn/familier i Polen. Ho spurte om eg ville hjelpe ho å hekle hjerter som me kunne gje som ein liten symbolsk "takk for hjelpen". Sånne ting sei eg sjølvsagt ikkje nei til. Så på eit par timer vart det til 25 hjerter. Fleire har meldt seg på heklinga, så ho endte opp med ein god bunke til slutt.

Eg syns dette var eit fantastisk godt tiltak! Nordmenn svir av tusenvis av kroner på julefeiring og presanger kvart år. Det er nesten så ein gløymer kva som er det viktige oppi all julestria, nemlig å ha det godt og få vere saman med sine kjære.

 Strikkefakta:

Oppskrift: Frå den flotte bloggen Bekki Bjarnoll
Garn: Bomull Sport frå Spar Kjøp
Heklenål: nr 4

Den største gleda ein kan ha, er å gjera andre glad! :)

 

Stille tider...

Det er stille på bloggen for tida. Årsaken er at ferien er over samtidig som at Vestlandet fekk tidenes sommerver for to veker sidan. Så her har all ledig tid blitt brukt ute i sola! 8-) Strikketøyet har fått kvile litt til fordel for soling, bading, lesing og herjing med lillegutt. ....men litt har det sjølvsagt blitt. No for tida heldt eg på med ein genser til meg sjølv, men den er langt frå ferdig og dermed ikkje noko å vise fram endå.

Eg tar derfor heller fram det eg liker å kalle for eit bil/ferje-prosjekt, nemlig vaskekluter. Her trengs det ikkje mykje konsentrasjon og det gjer ikkje noko om ein blir hyppig avbrutt, så det passer supert til bilen (når andre kjører sjølvsagt...). I tillegg har me ferje her på øya vår. Det tar ca 12min å komme seg over fjorden og dei minuttene vert ofte tilbragt med strikkepinnene i hendene.

 

 

Det har blitt til ein del vaskekluter på bil- og ferjeturene dei siste årene. Dei fleste har havna på kjøkkenbenken til andre, så no syns eg det var på tide og fornye vårt eget kjøkken. Så desse er til meg sjølv....trur eg.... ;)

 

 

Oppskrifta er nok kjent for dei fleste. Sjølv fekk eg den av ein kollega for nokre år sidan.

Den er som følger:

 

-Legg opp 55m på pinnenr 3

-Strikk 1r 1vr

-Strikk rett tilbake

-Gjenta til ønska størrelse

 

Eg brukte ca 1 nøste Bomull Sport frå SparKjøp per vaskeklut. Eg har ein heil haug like nøster liggende så dette vert nok ikkje den siste vaskekluten som vert strikka. Men kanskje det er på tide å prøve eit nytt mønster... ;p

 

 

 

Ha ein fortsatt fin dag!! :)

 



Påskekos

Ja så var påsken over for i år. Og for ein flott påske me har hatt!! Må vel kunne sei at det er sjelden me er bortskjemt med så nydelegt ver over så mange dager her på vestlandet. At SOLA skulle skinne frå BLÅ himmel HEILE påsken var det vel ingen som turde å håpe på... ;)

Eg var heldig og slapp unna med jobbing i palmehelga og to vakter i påskeveka, så me har virkelig fått kost oss og slappa av. Sidan eg vart fødd har me stort sett tilbragt påsken på hytta på Kvamskogen og denne påsken var intet unntak. Aking, skigåing og soling i hytteveggen...kan det bli bedre?

Dagene me tilbragte heime måtte og fyllast med litt uteaktiviteter. Her er me på ein aldri så liten fjelltur med lillegutt. Dette var første gang uten bæremeis så me var litt spent, men gutten gjekk heile veien sjølv med litt hjelp av rosiner og lovnad om bolle når me kom på toppen! ;) Viktig med rett proviant i sekken...

Rett før påske fann eg ut at eg hadde ALTFOR lite påskepynt. Ei blomsterpotte og to kyllinger....det sei seg sjølv, her måtte noko gjerast! Eg tok meg ein rask surferunde i blogglandia og fann desse flotte lyslyktene og søte små kaninene. Eit djupdykk i garnlageret gav resultat, bomullsgarn i gult og litt andre vårfarger. PERFEKT! Mamma hjalp med brukte syltetøysglass, så då var det berre til å sette i gang. Syns lyslyktene vart skikkelig flotte og dei gav ein koselig stemning i mørket. Trur nok det vert laga fleire slike. Eit "trekk" til kvar årstid kanskje? :) Oppskrifta på lyktene finn du her.
Kaninene var raske å hekle og eg hadde tenkt å lage ein del i ulike farger. Planen var å finne greiner med "pusekatter" på for så å pynte med kaninene. Joda...det var dei planene då... Det vart hekla tre stk, trådene er ikkje festa og greinene vart aldri funne og henta inn. Neste år kanskje??

 

 

Litt strikking har det og blitt tid til i påsken. Dette er eit lite babyprosjekt til veninna mi som venter ein gutt om nokre dager. Kva det er får eg komme tilbake til når gåva er gitt... ;)

 



 

Fått med deg kva som er favorittfargen min for tida?? ;)

Sist men ikkje minst...ingen påske uten PÅSKEEGG!! Me er så heldige at me fortsatt får påskeegg av mamma og pappa. Bortskjemt?? Tja, kanskje...men så får dei påskeegg av oss òg då! ;) Det største på bildet er vårt og det er stappa til randen, så her har det vore sukkeroverdose dei siste dagene. Godt det er påske berre ein gang i året... Det litle er Olliver sitt og du kan tru han vart stor i augene då han åpna det! Ny leikebil og eit kinderegg!!! Ingenting er som glade, fornøyde barn... :)

 

 

 

Ha ein fortsatt finfin siste påskekveld!! :)

Morgenstrikk

 

...eller hekling får me vel kanskje sei...

Som i dei fleste andre barnefamilier starter dagen tiiidleg på morgonen her i huset. I dag våkna Olleboll litt over kl 06 og sidan eg hadde fri frå jobb stod eg opp med han. Då får me oss ei kosestund før pappa står opp og tar han med seg i barnehagen. :) Kl 07.30 var gutta komme seg ut av huset og normalt sett hadde eg slengt meg på sofaen og fått meg litt ekstra søvn. Men trøttheten velter liksom ikkje innover meg når sola titter inn vinduet.

Er så utrulig deilig med lysere tider!!!

Så då vart eg sittende og surfe rundt på nettet. Turen gjekk innom strikkeblogger (sjølvsagt..!), kor eg fann dette "Bad Hairday"-pannebåndet som er laga av dama bak min-design-strikk. Syns det såg så tøft ut, og sjølv om eg har 1 million andre ting å gjere på så berre måtte eg.....

 

 

 

 

 

Eg rota rundt i garnlageret mitt på jakt etter bomullsgarn, men det var ikkje akkurat mengder av det i samlingen.. Så då vart det ein knæsj rosa farge...jadda... Må man så må man! Båndet var ferdig hekla på under to timer. Supergøy med raske, enkle prosjekt! Må vel kanskje innrømme at fargen ikkje var heilt kledelig på ein bleik vinterhud. Og skal eg vere heilt ærlig så er eg ikkje så veldig komfortabel med pannebånd. Men, men..kanskje nokon andre har lyst på det? Det satt hvertfall veldig godt på hovudet og ein liten merkelapp gjorde susen! ;) Kanskje eg vil bli meir fornøgd med ein anna farge? Me får sjå..

 

 

Når eg først er inne på merkelapper...sjå kva som kom i posten i går:

 

 

 

 

Eg bestilte meg nokre merkelapper i fjor, men var ikkje heilt fornøgd med fargene. Så forrige veke bestilte eg meg litt fleire. Syns ofte det er prikken over I'en med ein merkelapp på ferdige produkt. :) Merkelappene er bestilt gjennom denne sida.

 

 

Til slutt må eg berre ta med eit par bilder som viser korleis det ser ut etter ein dag med diverse håndarbeid og lite husarbeid.... Nokon som kjenner seg igjen? Her er det eit evig sammensurium av tråder, garnnøster og rester, nåler og strikkepinner. Innimellom alt kan du finne bøker og papir, leiker, kopper og fat og ikkje minst litt hybelkaniner... Jaja,"i morgon i morgon....."

 

 

 

 

Oppskrift: min-design-strikk

Garn: To tråder med Baby bomull frå Spar Kjøp

Garnmengde: ca 40g (litt dårlig vekt..)

Heklenål: nr 4

Hekla dåpskjole

 

 

Det blir fortsatt ikkje gjort så mykje på handarbeidsfronten, då skuldre og nakke endå er litt kranglete. Heldigvis har antibiotikakuren gitt resultat i forhold til bihulene, så då håper eg at resten av kroppen følger etter snart... Inntil det skjer legg eg ut litt av det eg allerede har laga. :P

 

Lenge før babyfeberen satte inn fann eg ein dåpskjole som eg berre MÅTTE lage til mine framtidige barn. Eg hadde ganske nylig lært meg å hekle, så det var kanskje litt ambisiøst å gå rett på ein dåpskjole. (Spesielt når det er feil i oppskrifta...). Men eg lærte underveis og heldigvis hadde eg god tid... ;)

Må jo sei at eg var veldig glad for at det var gjort før eg vart gravid, for då hadde eg jo ein HAUG med andre prosjekt!!

 

 

 

 

 

 

 

 

Eg måtte hekle ei ny hue då Olliver var litt stor i hovudet, men ellers passa kjolen perfekt! Underkjolen vart sydd veka før dåpen, med god hjelp frå mamma. Den er sydd i silkesateng, eit forferdelig stoff å sy med!!! Det lever verkeleg sitt eige liv! Blir nok ikkje sydd så mange fleire plagg med det stoffet... :p Men alt i alt vart eg veldig fornøgd med resultatet.

Håper at den snart kan takast i bruk igjen. ;)

 



 

 

 

 

 

Oppskrift: Sandnes Garn (9803)

Garn: brukte Baby bomull frå Spar Kjøp

Heklenål: nr 2,5

Garnmengde: står 600g i oppskrifta, men trur eg brukte litt meir..

 

 

 

Ha ein finfin kveld!

Helgas prosjekt!



Eg har lenge tenkt på at eg hadde lyst å gje noko til mine hardtarbeidande kollegaer til jul. Det har vore ein travel haust, med innsparinger, innsparinger og atter innsparinger (ikkje heilt uvanleg i helsesektoren..) og det merkast litt på humøret. Syns derfor at eg måtte gjere noko kjekt for dei. Valget falt på desse bokmerkene. Syns dei var skikkelig tøffe! 

 

 

 

 

Dei var enkle å hekle, men.........det var litt av ein jobb å feste alle trådene. Totalt 182!!!! Utruleg kjedelig jobb! Men eg vart no ferdig til slutt.. 

 

 



 

 

Det ferdige resultatet, heile 14 stk! Vart litt lei på slutten så trur ikkje eg kjem til å lage fleire med det første... ;) No gjenstår det berre å pakke dei inn. Tenkte å legge i ein liten sjokolade òg. Kan jo ikkje få nok av det i jula! ;)



 

 

 

 

 

Oppskrift: Ravelry

Garn: Bomull sport frå Spar Kjøp

Garnmengde: Brukte litt meir enn eitt nøste på alle 14

Tilbehør: auger