Julius Malema
[2][3]Julius Sello Malema ( u velekiwile hi ti 3 ta Dzivamisoko 1981) i n'watipolitiki wa Afrika Dzonga . I musunguri na murhangeri wa vandla ra Economic Freedom Fighters (EFF), vandla ra tipolitiki leri tivekaka swinene hi ku ambala tiberet to tshwuka na swiambalo swa xitayili xa masocha leswi ambariwa hi swirho swa rona. Loko EFF yinga se simekiwa, u tirhile tani hi president wa African National Congress Youth League (ANCYL) kusukela hi 2008 kufikela loko a hlongoriwa eka vandla hi 2012.https://www.britannica.com/biography/Julius-Malema[4]
Loko a ha ri n’wana, Malema u joyine vandla ra ANC naswona a ri xirho lexi ngheneleke ngopfu loko a ri karhi a kula; u hetelele a hlawuriwile ku va muungameri wa Youth League ya yona hi Hukuri 2008 ehansi ka swiyimo leswi nga na njhekanjhekisano. Loko a ha ri muungameri, a a ri museketeri wo sungula wa ku endla leswaku bindzu ra migodi ra Afrika-Dzonga ri va ra tiko na ku tekela misava handle ko hakeriwa . U tlakukile kuya eka ndhuma ya tiko tani hi museketeri wo vulavula hi ku kongoma wa Jacob Zuma, puresidende wa ANC hi nkarhi walowo naswona endzhaku Puresidende wa Afrika Dzonga . Kambe vuxaka bya Malema na Zuma byi kumekile byi tika swinene endzhaku ka ku burisana ko tala ka ndzayo laha a nga lwisana na yena hi vandla ra ANC; hi lembe ra 2012, a ri karhi a endla matshalatshala ya leswaku Zuma a susiwa ehofisini, emahlweni ka Nhlengeletano ya Rixaka ya vu 53 ya ANC . Hi nhweti ya Dzivamusoko ya lembe rero, tinhweti nyana loko khoferese yifanele kuva kona, Malema u hlongoriwile eka vandla ra ANC hikokwalaho ko tisa vandla leri eka ndhuma yo biha. Lembe leri landzelaka, u simekile vandla ra EFF, naswona u hlawuriwile eka Huvo ya Rixaka hi 2014, laha a hluleke switulu swa 25 eka nhlengeletano.https://www.pa.org.za/person/julius-sello-malema/
Malema u nghenelerile eka timhaka to hambanahambana ta nawu eka ntirho wa yena hinkwawo wa tipolotiki: u voniwile nandzu wa mbulavulo wa rivengo kambirhi, kan'we hi Dzivamisoko hi lembe ra 2010 hikwalaho ka marito yo tekela ehansi mayelana na muhehliwa loyi a pfinyiweke hi zuma , na kambe hi Ndzati 2011 hikokwalaho ko yimbelela risimu ra" Dubul' ibhunu " (" Duvula Mubunu "). Hi lembe ra 2012, Malema u hehliwile hi nandzu wa vuxisi, ku yiviwa ka mali na ku rhuketela. Endzhaku ko tlheriseriwa endzhaku ko tala, [5] nandzu lowu wu hlongoriwile hi tikhoto hi 2015 hikwalaho ka ku hlwela loku phindha-phindhiweke hi Vulawuri bya Vuchuchisi bya Rixaka, leswi endleke leswaku ku va na mavonelo ya leswaku swihehlo leswi a swi hlohloteriwa hi tipolitiki. Kambe AfriForum yi tivise hi lembe ra 2018 leswaku yi ta veka vuchuchisi bya le xihundleni bya Malema eka swihehlo swa vukungundzwana.https://www.africa-confidential.com/profile/id/3344/Julius_Malema