Enoch Godongwana

VUXOKOXOKO BYA HOLOBYE WA TIMALI ENOCH GODONGWANA

Enoch Godongwana (loyi a velekiweke hi ti 9 Nhlangula 1957) i n'watipolitiki wa Afrika Dzonga na khale ka xirho xa nhlangano wa vatirhi loyi sweswi a tirhaka tani hi Holobye wa Timali kusukela hi August 2021. I xirho xa Komiti ya Vulawuri bya Rixaka ya African National Congress (ANC).

Rendzo ra Holobye wa Timali Enoch Godongwana

Enoch Godongwana u velekiwile ekapa vuxa, naswona u tlakukile kuya eka ndhuma ya tipolotiki tani hi matsalaninkulu wa Nhlangano wa Rixaka ra vatirhi va Tinsimbi exikarhi ka 1993 na 1997. Endzhaku ka sweswo, kusukela hi 1997 kuya eka 2004, u tirhile eka Huvonkulu ya Kapa Vuxa tani hi Xirho xa Huvonkulu ya swa Timali. U sungule ku hlawuriwa eka Komiti ya Vulawuri ya Rixaka ya ANC hi Nw'endzamhala1997, naswona a ri Xandla xa Mutshamaxitulu wa Xifundzankulu wa rhavi ra ANC ra Eastern Cape ku sukela hi 2003 ku ya eka 2006 ehansi ka Mutshamaxitulu Makhenkesi Stofile . Premier Nosimo Balindlela u n’wi hlongole eka Huvonkulu ehansi ka swiyimo leswi a swi kanetana hi Ndzhati 2004.

Exikarhi ka nhweti ya Mudyaxihi 2009 na Sunguti 2012, Godongwana ari xandla xa holobye ehansi ka khabinete yosungula ya Phuresidente Jacob Zuma . U vile Xandla xa Holobye wa Mabindzu ya Mfumo ku sukela hi 2009 ku ya eka 2010 na Xandla xa Holobye wa Nhluvukiso wa Ikhonomi ku sukela hi 2010 ku ya eka 2012.Hambiswitano U tshikile ntirho eka xiyimo xo hetelela hi Ndzhati 2012 endzhaku ka manyala lawa ya katsaka yin’wana ya swilaveko swa yena swa bindzu, khamphani ya vuvekisi leyi vuriwaka Canyon Springs. Hambiswiritano, u tshamile a ri munhu wo tiveka tanihi mutshamaxitulu wa nkarhi wo leha wa komiti leyitsongo ya Komiti ya Vulawuri bya Rixaka ya ANC eka ku cinca ka ikhonomi, naswona a ri mutshamaxitulu wa Bangi ya Nhluvukiso ya Afrika Dzonga ku sukela hi 2019 ku fikela hi 2021. U thoriwile eka khabinete ya Phuresidente Cyril Ramaphosa hi ti 5 Nhlangula 2021.