Reaccion (politica)
La reaccion es un tèrme pejoratiu que designa lei movements politics que lausan e meton en òbra un retorn a una situacion passada, reala ò fantasmada, en revocant un ensemble de cambiaments sociaus, moraus, economics e politics. Un partisan de la reaccion es dich « reaccionari » e s'opausa au « progressisme ».
Lei pensadas reaccionàrias son divèrsas, mai partejan una vision declinista e decadenta dau present qu'es opausat a un passat idealizat. Son aparegudas durant la Revolucion Francesa amb lei diferents movements còntra-revolucionaris. An evoluït durant lei sègles seguents en foncion de l'evolucion deis idèas progressistas. Son generalament classadas a l'extrèma drecha, mai de corrents reaccionaris existiguèron dins lei país dau blòt comunista. L'idealizacion dau passat e la volontat d'o restaurar diferéncia lei reaccionaris e lei conservators. D'efiech, se son sovent pauc favorables au progressisme, lei segonds son pas necessariament estacats ai temps ancians e pòdon acceptar d'evolucions de la societat.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Pierre Milza, Fascismes et idéologies réactionnaires en Europe, Armand Colin, 1969.