Fontes

De onde proceden os contidos de Openverse?

Hai contidos con licenza aberta aloxados en millóns de dominios en toda a extensión de Internet. O noso equipo identifica sistematicamente aos provedores que aloxan contidos con licenza CC. Se son adecuados, indexámolos e facémolos accesibles a través de Openverse.

Algúns provedores teñen varias agrupacións diferentes de contidos dentro deles. Flickr ten fontes que van desde a NASA á fotografía persoal. O Smithsonian Institute comprende unha ducia de coleccións diversas. Wikimedia Commons abarca toda a gama en canto a contido, e utilízano varias galerías, bibliotecas, arquivos e museos para destacar algunhas ou todas as súas coleccións dixitalizadas.

Openverse agradece especialmente o traballo de Europeana, unha organización que traballa para dixitalizar e difundir obras do patrimonio cultural en toda Europa. Openverse pode indexar centos de valiosas fontes a través dunha única integración coa Europeana API .

Como decidimos cales serán as seguintes fontes a engadir?

Temos unha lista interminable de posibles fontes para investigar antes da integración. Facémonos preguntas como:

• Cal é o impacto ou a importancia desta fonte para os nosos usuarios? Se existe dentro dun provedor como Wikimedia Commons, é valioso para os nosos usuarios poder filtrar por esta fonte directamente?
• Móstrase claramente a información sobre a licenza e a atribución para permitir unha reutilización segura?
• Cantos novos elementos totais ou novos tipos de elementos podemos achegar aos nosos usuarios a través desta integración? Algunhas fontes son integracións directas, mentres que outras poden ser unha fonte dentro doutra fonte.

Apreciamos suxerencias de novas fontes por parte da nosa comunidade de usuarios.

Suxire unha nova fonte

Facer clic nun Fonte permíteche explorar e filtrar elementos dentro desa fonte.

Fontes de imaxes

Fontes de audio