1
Quid tuis poterat mihi Camenis
Suavius? Quibus est meae nomen
Insertum Theiae tuaeque? Ocellos
Basiare cupis nigros puellae
5Quam ipse depereo: quid? Haud firmem te
Rivalem mihi? Sed volo pati te:
Volunt id superi, te eis teneri
Rebus, queis ego; quicquid ipse tu,
Abstemi, illud amas. Sumus volente
10Nostro id sidere, mente nos eadem;
Quare dii tibi dent frui mihique
Theia quam Venus et simul Cupido
Nobis candidulam, piam, benignam
Reddant et facilem, nitor nisi et forma,
15Queis haec grata placet, facit superbam.
Nobis fas erit huic labella, ocellos,
Collum candidius nive et latentes
Contrectare manu sinu beato
Mammas: nos Venus his potest beare
20Quamvis reddere nos queat liquoris
Quinta parte sui beatiores.
This text is part of:
Click on a word to bring up parses, dictionary entries, and frequency statistics
1 Dyrcaeus ad Abstemium
appendix Tarvisiensis (Claudia Zucchiatti, tesi di laurea Università degli studi di Trieste, 1971-72).
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.