Click on a word to bring up parses, dictionary entries, and frequency statistics
[40]
et,
cum tuorum amicorum studia constitueris, tum etiam obtrectatorum atque adversariorum
rationes et genera cognoscito. haec tria sunt, unum quos laesisti, alterum qui
sine causa non amant, tertium qui competitorum valde amici sunt. quos laesisti,
cum contra eos pro amico diceres, iis te plane purgato, necessitudines commemorato, in spem
adducito te in eorum rebus, si se in amicitiam tuam contulerint, pari studio
atque officio futurum. qui sine causa non amant, eos aut beneficio aut spe aut
significando tuo erga illos studio dato operam ut de illa animi pravitate deducas.
quorum voluntas erit abs te propter competitorum amicitias alienior, iis quoque
eadem inservito ratione qua superioribus et, si probare poteris, te in eos ipsos
competitores tuos benevolo esse animo ostendito.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.