quae precatus1 a2 dis immortalibus sum, iudices, more
institutoque maiorum illo die quo auspicato comitiis centuriatis
L. Murenam consulem renuntiavi, ut ea res mihi fidei3
magistratuique meo, populo plebique Romanae bene atque
feliciter eveniret, eadem4 precor ab isdem dis immortalibus
ob eiusdem hominis consulatum una cum salute obtinendum,
et ut vestrae mentes atque sententiae cum populi Romani
voluntatibus suffragiisque consentiant, eaque res vobis populoque
Romano pacem, tranquillitatem, otium concordiamque
adferat. quod si illa sollemnis comitiorum precatio
consularibus auspiciis consecrata tantam habet in se vim
et religionem quantam rei publicae dignitas postulat, idem
ego sum precatus ut eis quoque hominibus quibus hic
consulatus me rogante datus esset ea res fauste feliciter
prospereque eveniret.
This text is part of:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.