Fusión de TDH con Chamboneurs.org

Esto era en petit comité pero xa o podemos chafardear:
Temas de Hoxe fusiónase con Chamboneurs.org

Chamboneurs.org (Sociedad filantrópica para el fomento de la Chambonada ilustrada 2.0) lanzou por San Martiño unha OPA hostil a TDH Magazine cultural daquela maneira S.moi L. Tras duras negociacións levamos a auga ó noso rego e acordamos unha fusión de condicións satisfactorias para ambas partes (ver foto). Deste xeito, Chamboneurs incorpora os activos humáns e manguelos de TDH para afrontar con solvencia os desafíos do século XXI en materia de mamarrachada e humor infame. En palabras do Chairman Delegado de Chamboneurs.org: "Un pequeno paso para o home, un gran chimpo para a zafiedade".

Pero tranquilos, lowbáns, que mentras haxa Retranca haberá Temas de Hoxe e continuaremos con este blog. Eso sí, xa podedes pasar polo facebook de Chamboneurs e recomendarllo a todo cristo. E próximamente, o twitter de chamboneurs. E a web. Un sindiós. Seguiremos informando.

CIRCULAR INFORMATIVA MCNV(*)

Retranca, temporalmente fora do Kiosco por quebra da distribuidora



Achtung! Onte os colaboradores da Retranca soubemos polo noso editor que Coedis, a distribuidora da revista, entrou en concurso de acreedores deixando a deber un pastizal considerable. Esto quere decir que a Retranca #34 non sae ó kiosco ata que a editorial solucione este marronazo e a revista poida volver a editarse e distribuirse con normalidade.

A nova colleunos finiquitando o TDH 34, adicado a un prohome bó e xeneroso que cucou ahí atrás. De feito esta entrada tería que ser o trailer desta entrega que de momento vai quedar no disco duro.

Estamos recibindo palés de mensaxes de apoio a Retranca e a TDH que nos fan mirar cos ollos cargados de futuro e enchen de purín os nosos corazóns. Graciñas a todos, amigos e amigas letoras!. En fin, que a ver se a cousa remonta axiña e podemos darvos o voso again, lowbáns.

Long life to Retranca!
Temas de Hoxe Uber Alles!
_________________________________________________
(*) nota: MCNV= apócope homologado pola W3C da expresión Mecagonavirgen.

We wish you Merry Nadal...

...e un falaz 2011, low-báns!

Falaz 2010

Amigos letores, aquí tedes a nosa chambocard cos nosos mellores desexos para o 2010.
O equipo de TDH desexámosvos Felices Resacas. Ah, e lembrade pedirlle aos reises unha destas camisetas imprescindibles para todo loubán (e loubana) de pro. Deixámosvos que temos que ir buscar uns benxamíns. Hala, que vos queime o demo :-)

CIRCULAR INFORMATIVA (EFETIVAMENTE)

A ver,
moitos fans e letores pregúntannos se escribimos mal aposta a palabra "EFECTIVAMENTE". Pois a resposta é, amados letores, EFETIVAMENTE. Queremos aclarar que os redatores de TDH dominamos a normativa de todas as linguas indoeuropeas (incluso a galega que se leva este outono-inverno). Se non queda claro que escribimos a palabra EFETIVAMENTE con alevosía e por cuestións de estilo, pasaremos a usar ESATO.