Вот оно какое наше лето...

Гэта лета зусім нешта няласкавае... і гэта яшчэ мякка сказана )))

таму сёння раніцай зрабіла такія фотаздымкі, тым больш звязаліся кошычкі для працоўнага кутка, ёсць хоць што паказаць.

А яшчэ патрэбна было нейк захаваць у памяці гэтыя званочкі ))) Так прыемна атрымоўваць вось такія простыя і мілыя знакі ўвагі ад любімага чалавека, а колькасць намаганняў прыкладзеных, каб іх данесці і прывезці, робяць іх неверагодна каштоўнымі.

Дзякую ўсім за каментарыі, чакаю кожнага слова, таму вельмі сорамна, што не магу адказваць. Хутка ўжо скончыцца гэтае вар'яцтва, звязанае з дэнамінацыяй і ЭСЧФ і я буду на рабоце займацца сапраўднай справай - наведваць вашыя блогі і каментаваць паведамленні )))

Не мела баба клопату...

Так і засталося загадкай, як зусім сляпыя і кволыя кацяняты апынуліся ў нас на надворку. 

Маёй маме прыйшлося павазіцца з імі. За два тыдні падраслі, сталі прыгожанькімі і такімі пацешнымі.

Аблюбавалі рэшткі старога плота. Як малпачкі гойсаюць, такія спрытныя, можна гадзінамі назіраць за імі, нават калі спяць.

Сумачка і кашалёк

Летняя яркая сумачка для дзяўчынкі.

Сумку шыла з галавы, а вось кашалёчак па цудоўнаму майстар-класу.

Сумачку пакажу ў праекце Першага беларускага "Метод отрицания". Тематическое задание июня "Разноцветное детство". Там нельга выкарыстоўваць ружовы колер, таму кашалёк пралятае )))

Прышчэпкі ў торбачцы.

Дэкупажыла прышчэпкі... кітайскія... ізноў ))) Ляжалі яны, бо на замову зрабіла іншыя, і ляжаў набор тканін. Гэтыя "кітайцы" знайшлі адзін аднаго.

Так не люблю, калі ўсё аднаго колеру, а тут так смешна стала і нават захацелася наадварот падкрэсліць такое падабенства.

Адна торбачка 9х9х13 см, і дванадццаць прышчэпак па 9см.

Атрымалася вельмі зручная і шматфункцыянальная рэч. 

Гэты набор таксама аддала на дабрачынны аўкцыён, бо колер не мой ))) І пакажу свой камплект у рукадзельным кафэ

Ажурныя кошычкі

Убачыла ў інтэрнэт-краме падобныя кошычкі, вельмі спадабаліся, але іх кошт зусім не спадабаўся )))  

Вокладка "Галактыка"

Мой любімы колер і любімыя гузікі. 

Вокладка вельмі практычная, выжыве нават у такой бяздоннай памыйніце, як мая торба, а калі трэба то вытрымае і пранне, і прасаванне.

Кот і сабака

Даўно нешта не паказвала Веню і Сціві. На Вялікдзень ездзілі да бацькоў. Паехалі тры чалавека адзін кот і адзін маленькі сабачка. Веня быў пакрыўджаны аж да самага вечара. Яго можна зразумець, не спыталі і павезлі некуды.

Веня канечне быў вельмі незадаволены, і  фотасесія яўна не ўваходзіла ў яго планы, але ж я не змагла не сфатаграфаваць вусы. 

Сціві як заўсёды задурыў галаву ўсім... ну што за дурное стварэнне з ашалелымі вачыма.

 А вы любіце, калі на вас глядзяць, як вы ясце? Не, а чаму?

Дэкаруем смецце )))

Латкі з-пад яек можна выкінуць, а можна зрабіць святочную ўпакоўку. Гэта я так рыхтую падарункі хроснікам на Вялікдзень.

Яшчэ не вырашыла чым напоўніць, можа проста ўсе яйкі будуць шакаладнымі.

На дэкор наступнага латка пайшло ну можа з паўгадзіны, не болей. Тыпа дэкупаж )))

Пакажу гэтыя скрыначкі на Першым беларускім, там як раз ідзе праект "Хомяк не дремлет". Декор коробочек. 

Сонечны камплект для кухні.

Усё проста і банальна - фантазіі не хапіла, каб прыдумаць лот на Вясновы дабрачынны аўкцыён, таму паўтор прыхопак.  Гэтым разам усё ярка і  сонечна.  Лот № 98.

Дэкор слоічка ад крэму

Мая першая вышыўка крыжыкам ))). Вышыла і нават аформіла )))

У такіх малечах захоўваю бісер, пацеркі ці міні-гузікі, але гэта першая, якую ўпрыгожыла.  На такі "геройскі ўчынак" мяне натхніла заданне дэкор слоічкаў у праекце "Хамяк не дрэмле" на Першым беларускім ЧБ.