2019年 第一季的反思

2019年第一季投資市場氣勢如虹，美股更創出新高，與年頭相比，升幅有6,000點。反觀自己的投資組合，除了月供組合外，遺憾未能掌握在2018年第4季的低位加倉，跑輸大市。經此一役，有以下感想

1. 没有執行到再平衡(rebalancing)的投資概念，自己的主觀感覺太強，覺得經濟會唔好，儘管股市跌到低位，都没有增持。

解決方法 :

第 1 當然是嚴格執行rebalancing，希望可以做到 ;

第 2 個是買啲自己會資產平衡的ETF，Ishares 系列中有幾隻多元資產配置的ETF，我選中了AOR，股債比例 6:4，股票中已經包括咗美國，歐洲及新興市場。成立約10年，平均的回報是7%，近年的回報平均都有5%，不過不失，但AOR最大的缼點是Fund of Fund ，即是靠持有其他Ishares 的ETF來作資產配置，總管理費約0.4%。外判rebalancing的執行，唔知會點，1年後再Review。

自願醫保及扣稅年金/強積金

近期，除了投資市場一片興旺，政府推出的自願醫保及扣稅年金/強積金都有唔少人討論，推出咗幾日，保險公司同幾間大銀行都紛紛推出相關的計劃。

自願醫保

自己睇咗啲自願醫保介紹書，發覺同其他同級的醫保分別不大，而且唔包高風險池及已知疾病，比不上我自己已有的醫療保險，講真，除咗可以扣稅，吸引力唔大 ; 又政府要求所有公司都提供保障範圍一樣的標準計劃，唔同保險公司的定價各有不同，多到令人唔知點樣選擇。

今次醫保的業務提供者多保險公司，中間所提供的扣稅安排，其實是將我們省下的稅款和保險公司分享，保險公司在資訊不對稱佔上風，主導保單定價，理論上在博弈中得益較多，加上投保人轉換保險公司的機會成本好高(如不包換保時的已知疾病)今次政府開闢的自願醫保市場，相信最後都變成保險公司的另一個金礦，長遠幫到的保險公司的業績。

扣稅年金/強積金

年金/強積金出現多年，其成效一直都令人詬病，今次出動扣稅，相信會提升相關產品的銷情。但今2大銀行推出的年金計劃，回保率(3%-3.5%)不及政府之前推出的公共年金(4%)，情況一如自願醫保，是將我們省下的稅款和業務提供者分享，真係唔明點解政府唔自己搞 ; 又政府一直想市民自己照顧好自己，所以推出年金計劃，提供扣稅的出發點是好，但有能力買年金的顧客應該是中產人士，因可用盡個人扣稅額，反觀基層，佢地又有咩誘因去買年金?

2019年3月的投資組合

優先股/債

SOJ-C(出清@ March 2019), HSBC pr A, SNHNL(出清@ March 2019), VZ-A(贖回 @ March 2019) , C-N, MS-PG(買入@ March ), ISF(買入@ March ), EBAYL(買入@ March ), GNW-2020, GS - 2022

公用/高息股

中電(月供), 煤氣, 粵海投資(月供), 電能(月供), 長江基建(月供), 大快活,越秀交通 (加注@ March 2019), 中銀租賃, 香港寬頻, DBS, ED(加注@ March 2019)