І чорцікі ў вачах)))

Вельмі люблю гэтую фотку. Дзякуй Варечке))) Атрымалася ў яе цэлая серыя здымкаў нас Карпацкіх, такія партрэты, кожны са сваім характарам, сваей гісторыяй...
А тут новае заданне ад АртУголок "Солнцезащитное", і вельмі дарэчы гэтая фотка прыйшлася. Будзе першай у альбоме пра мае летнія прыгоды 2011. (Вось толькі свой дзіцячы альбом скончу, нешта ен у мяне завіс надоўга)

Па матэрыялах - папера ММЕ "Breaking free" (проста неверагодная), этыкетка ад джынсаў, брадсы Prima і Basic Grey, квіточак Tim Holtz, кіперная лента, шнур, карабін (ад сумкі новай адкалупала =))

Альбом №4 Карпаты

Нарэшце есць што паказаць))) Зрабіла такі свой Карпацкі альбом, у перамежках паміж бясконцымі паходамі, фэстамі, траўнікамі і купаллямі...Рабіла яго і думала, якая файная штука - жыцце... жывеш і ня ведаеш, што побач есць нехта, хто можа зрабіць твае жыцце больш яркім, насычаным, хто з табой на адной хвалі, хто спявае твае песні...і дзякуй Богу, што есць сустрэча...і усе файна))))
Гэтыя дзесяць дзен у Карпатах, як маленькае жыцце, якое жывеш напоўніцу... дыхаеш на поўныя грудзі... гэта пераадоленне сябе...гэта зусім чыстая, нават пустая, галава, без аніводнай думкі...гэта горда узняты Сцяг... гэта нашыя песні...гэта шчасце...дзякуй!!!
Ага, альбом... Ен просты, як усе мае альбомы. Можа мне б і хацелася нешта больш закручастае зрабіць, ды ўжо што атрымліваецца)) Фармат узяла незвычайны для сябе - 20х30: і для фотак мейсца хапае, і для журналінгу, бо які сэнс рабіць альбом пра такі паход без нататак... Фотак змясцілася досыць шмат, канешне, не усе, што хацелася, але усе і ня змесціш...
Матэрыялы: папера Tim Holtz, K&Company, Me&My big ideas, DCWV, Prima, Webster, яшчэ нейкая, не памятаю вытворцу; брадсы, гузікі, кветкі, карункі, усе як заўседы прашыта і прышыта))) засталося толькі люверсы на вокладку паставіць

Шлях караля Міндоўга

Я тут з невялічкай справаздачай. На гэты раз не творчай, проста хачу падзяліцца ўражаннямі ад нядзельнай вандроўкі. Ездзіла са сваім любімым фондам "Краіна замкаў". Праўда, вельмі паважаю людзей, якія там працуюць. За тую налегкую працу, што яны робяць, за тое, што столькі шмат людзей адкрылі і адкрываюць для сябе Беларусь з яе шматвекавой гісторыяй, легендамі, паданнямі, мужнымі героямі...

Нашая вандроўка была як раз прысвечана адной з такіх гістарычных постацяў - князю Міндоўгу, першаму князю Вялікага Княства Літоўскага, адзінаму каралю гэтай дзяржавы.

Першы прыпынак - Мір.

Не першы раз я наведваю гэты замак. Чамусьці запомніліся першыя мае ўражанні ад яго: хоць і ў досыць разбураным стане, але з нейкай сапраўднай атмасферай сярэднявечча. Цяпер, канешне, усе даглежана, нават вылізана, але некуды падзявалася тая атмасфера...

Мы з матуляй ў замкавым двары.

Наступны прыпынак - Любча.

Рэканструкцыя Любчанскага замка - неверагодны прыклад таго, на што здольныя воля і жаданне аднаго чалавека. Замак аднаўляецца дзякуючы чалавеку, які нарадзіўся і вырас у Любчы, і з самага дзяцінства марыў аб тым, што аднойчы ен здолее аднавіць з руінаў замак. Кожнае лета там працуюць студэнты-валанцеры, рэканструкцыя дарэчы праводзіцца па ўсіх правілах. Вось ужо адноўлена адна вежа.

У Любчы пачалася анімацыйная частка нашай праграммы - запрашэнне на княжанне князя Міндоўга, а таксама невялічкі імправізаваны канцэрт сярэднявечнай музыкі.

Наш проста неверагодны экскурсавод Жэня. Спадабаўся...вельмі

Потым мы пераехалі ў Наваградак - першую сталіцу ВКЛ.

Я проста закаханая ў гэты горад. Кожны раз сюды прыязджаю, і проста сэрца радуецца. Усе пахне такой даўніной, гісторыяй, легендамі...

На замкавай гары мы каранавалі князя, адзначылі гэтую падзею рыцарскім турнірам і маразуляй.

А гэта мае любімае месца - за спіной - Фарны касцел, і такія далягляды, што аж дух займае...

Скончылася вандроўка фаер-шоў на возеры Свіцязь. Вельмі файна...

Скетчы, скетчы...

Падсела я на скетчы, дакладна падсела. Проста вырашыла, што трэба набіваць руку, а тут такай файная магчымасць... Ітак, справаздача за выходныя.
№1 - старонка па скетчы ад АртУголок

Здымкі з першай вандроўкі 2009 года па Астравеччыне. Файна было))) Старонка нейкая спакойная атрымалася, колеры трошкі прыглушаныя, але яно мабыць сюды і пасуе, усе ж такі даўніна. З матэрыяламі ўсе, як заўседы, проста - скрап-папера, папера для пастэлі, брадсы, штампікі, каруначка мая любіменькая. Ага, кветку сама зрабіла! Не ведаю, можа і комам першы блін?

№2 - паштоўка па скетчы StudioScrapbooking

Зусім просценькая, але мне так захацелася))) У скетчы павінен быць надпіс, у мяне замест яго падвеска Made with love.
Ну, а з матэрыяламі і так усе зразумела)))

Вандроўкі

Прыгравае сонейка, пахне вясной, а мяне зноў цягне ў дарогу. У мінулым годзе сезон вандровак распачалі 15 сакавіка, у гэтым мабыць будзе трохі пазней...

Зараз многія вандруюць, штогод мае сябры едуць хто ў Турэччыну, хто ў Іспанію, каго яшчэ куды занясе. Файна, канешне, паглядзець свет, паглядзець, як дзе жывуць людзі. Але мяне чамусьці вабяць беларускія дарогі, мястэчкі, старыя сядзібы і касцелы...

Назбіралася ўжо цэлая галерэя здымкаў, якія трэба неяк упарадкаваць. Таму нарадзілася ідэя альбома аб маіх вандроўках. Першыя старонкі паказваць ня буду, яны зусім простыя, і на мой цяперашні поглад не вельмі цікавыя. А вось некалькі апошніх пакажу...

Ліпень 2008 года. "Шляхецкая гісторыя" ад Фонда "Краіна замкаў". Стары шляхецкі маентак Бенюны

Касцел Святой Троіцы ў Гервятах - сапраўдная архітэктурная пэрліна Беларусі

Касцел у Жупранах, месца пахавання Ф.Багушэвіча, бацькі беларускага Адраджэння

Працяг будзе...